Вусьць-Цыльма
Вусьць-Цы́льма (рас. Усть-Цильма, комі-зыр. Чилимдін) — сяло ў рэспубліцы Комі, Расея. Зьяўляецца адміністратыўным цэнтрам Вусьць-Цылемскага раёну рэспублікі і Вусьць-Цылемскага сельскага паселішча.
| Вусьць-Цыльма | |||||
| рас. Усть-Цильма | |||||
| |||||
| |||||
| Дата заснаваньня: | 1542 | ||||
| Мясцовая назва: | комі-зыр. Чилимдін | ||||
| Краіна: | Расея | ||||
| Суб’ект фэдэрацыі: | Рэспубліка Комі | ||||
| Раён: | Вусьць-Цылемскі | ||||
| Сельская паселішча: | Вусьць-Цылемскае | ||||
| Насельніцтва: | |||||
| Часавы пас: | UTC+3 | ||||
| Тэлефонны код: | 82141 | ||||
| Паштовы індэкс: | 169480 | ||||
| Нумарны знак: | 11, 111 | ||||
| Геаграфічныя каардынаты: | 65°26′2″ пн. ш. 52°9′3″ у. д. / 65.43389° пн. ш. 52.15083° у. д.Каардынаты: 65°26′2″ пн. ш. 52°9′3″ у. д. / 65.43389° пн. ш. 52.15083° у. д. | ||||
Вусьць-Цыльма на мапе Расеі   Вусьць-Цыльма | |||||
 Галерэя здымкаў у Вікісховішчы
| |||||
Геаґрафія
рэдагавацьСяло знаходзіцца ў Вусьць-Цылемскім сельскім паселішчы Вусьць-Цылемскага раёну Рэспублікі Комі, Расея. Стаіць на беразе ракі Пячора, насупраць вусьця ракі Цыльма, якая ўпадае ў Пячору. Назва Вусьць-Цыльма даволі тыповая для Расеі — лексэма Усть шырока распаўсюджаная ў расейскіх назвах мясьцінаў, якія стаяць побач з вусьцем якой-небудзь ракі.
Дэмаґрафія
рэдагавацьСяло характарызуецца амаль поўнай адсутнасьцю комі, як і ў астатніх населенных пунктах раёну. Насельніцтва сяла складае 4877 чалавек, якія належаць да асаблівае этнаґрафічнае супольнасьці расейцаў — памораў. Паводле веравызнаньня большасьць насельніцтва належыць да Дрэўлеправаслаўнае паморскае царквы.
Гісторыя
рэдагавацьСяло мае даволі глыбокую гісторыю, зьяўляючыся адным зь першых расейскіх населенных пунктаў. Заснаваньне сяла прыпадае на 1542 год, калі наўгародцу Івашку Дзьмітрыеву Ластку была нададзена царская грамата на засваеньне прыпячорскіх зямель. Пазьней Вусьць-Цыльма была вядомая як буйны цэнтар па здабычы срэбра й медзі.
З 1899 году сяло зьяўлялася цэнтрам Пячорскага павету Расейскае імпэрыі. З 1929 году — адміністратыўны цэнтар аднайменнага раёну, які пазьней быў далучаны да Комі.
Транспарт
рэдагавацьБуйных аўтамаґістраляў, якія зьвязвалі б сяло з цэнтральнымі раёнамі Комі, няма. Дарогамі мясцовага ўзроўню сяло зьвязанаe з пасёлкамі Гарава, Замежная, Бык, Хабарыха, Філіпава, Мыла, а таксама зь некаторымі пасёлкамі ў Лешуконскім раёне Архангельскае вобласьці.
Клімат
рэдагавацьКлімат у Вусьць-Цыльме ўмерана-кантынэнтальны, з працягламі зімамі і адносна халодным і кароткім летам. Сяло знаходзіцца ў зоне субарктычнага клімату.
Сярэдняя тэмпэратура студзеня — −17 °C, ліпеня — 14,8 °C. Сярэднегадавая тэмпэратура — −1,6°C.