Пячора (рака)

Пячора (на-комі: Печӧра, па-ненецку: Санэро’’ яха ці Санэро яв) — рака ў Рэспубліцэ Комі й Ненецкае аўтаномнае акрузе Расеі.

Рака

Пячора лац. Piačora
Печора
Човен на рацэ ля марскога порту
Агульныя зьвесткі
Выток	Паўночны Ўрал
Вышыня вытоку	630
Вусьце	Пячорская губа
Вышыня вусьця	0 м
Краіны басэйну	Расея
Вобласьці	Ненецкая аўтаномная акруга і Рэспубліка Комі
Даўжыня	1809 км
Сярэднегадавы сьцёк	4100 м³/с
Плошча басэйну	322 тыс. км²
Галерэя здымкаў у Вікісховішчы

Геаграфія

Даўжыня 1809 км, плошча басэйну — 322 тыс. км². Рака бярэ пачатак на Паўночным Урале, у паўднёва-ўсходняе частцы Рэспублікі Комі, і цячэ сьпярша пераважна на паўднёвы захад. Ад вытоку да вусьця ракі Уньі Пячора мае горны характар. У паселішчы Якшы (па ўпаданьні ракі Валасьніца) паварочвае на поўнач і цячэ па Пячорскае нізіне да Вусьць-Усы. Пасьля вусьця ракі Уса (прытоку Пячоры) рака паварочвае на захад, утвараючы шырокае калена з двума вялікімі выгібамі. Шырыня рэчышча тут дасягае 2 км, у даліне зьяўляюцца вялізныя пойменныя лугі. У раёне Вусьць-Цыльмы (па ўпаданьні рэкаў Піжмы й Цыльмы) Пячора зноў паварочвае на поўнач, на гэтым участку яе шырокая пойма парэзаная шматлікімі пратокамі («шарамі») і старыцамі.

Буксір (у раёне м. Пячора)

Прыкладна за 130 км ад вусьця Пячора падзяляецца на два рукавы — усходні (Вялікая Пячора) і заходні (Малая Пячора). Ніжэй, у раёне Нар'ян-Мару, рака ўтварае дэльту шырынёй каля 45 км і ўпадае ў Пячорскую губу Пячорскага мора.

Населеныя пункты

Найважнейшыя прыстані на Пячоры — Нар'ян-Мар, Вусьць-Цыльма, Пячора.

Глядзіце таксама

• Земляны хрыбет

Вонкавыя спасылкі

Пячора (рака) — сховішча мультымэдыйных матэрыялаў