Вулька Гарадзішчанская
Ву́лька Гарадзі́шчанская[1] — вёска ў Пінскім раёне Берасьцейскай вобласьці. Уваходзіць у склад Гарадзішчанскага сельсавету.
| Вулька Гарадзішчанская | |
| трансьліт. Vuĺka Haradziščanskaja | |
| Краіна: | Беларусь |
| Вобласьць: | Берасьцейская |
| Раён: | Пінскі |
| Сельсавет: | Гарадзішчанскі |
| Насельніцтва: | 273 чал. (2009) |
| Часавы пас: | UTC+3 |
| Тэлефонны код: | +375 165 |
| Паштовы індэкс: | 225731 |
| СААТА: | 1254825011 |
| Нумарны знак: | 1 |
| Геаграфічныя каардынаты: | 52°12′11″ пн. ш. 26°13′52″ у. д. / 52.20306° пн. ш. 26.23111° у. д.Каардынаты: 52°12′11″ пн. ш. 26°13′52″ у. д. / 52.20306° пн. ш. 26.23111° у. д. |
Вулька Гарадзішчанская на мапе Беларусі ±   Вулька Гарадзішчанская | |
Гісторыя
рэдагавацьЗ 1667 году вёска адносілася да Гарадзішчанскага бэнэдыктынскага кляштара.
У канцы XIX стагодзьдзя пражывала 160 чалавек, пераважна шляхецкага паходжаньня. На паўночным усходзе ад паселішча ў лесе знаходзілася капліца, у вёсцы — царква (не захаваліся).
Прыблізна ў ноч з 23 на 24 чэрвеня 1941 году за 2—3 кілямэтры ад вёскі, у лесе, супрацоўнікі НКУС зьвязалі паміж сабою калючым дротам 53 вязьні[a] зь пінскай турмы і закапалі жыўцом. Трагедыю на ўласныя вочы пабачыў вясковец, які па прыходзе нацыстаў распавёў ім пра тое, што бачыў у лесе[2][3]. 12 ліпеня 1941 году пры прысутнасьці лекараў, мясцовых жыхароў і немцаў прайшла эксгумацыя. Словы вяскоўца аказаліся праўдаю. 2 лістапада 1991 году тут быў усталяваны крыж.
Да Другой сусьветнай вайны ў вёсцы было 202 двары і 731 жыхар. У чэрвені 1943 году фашысты зьнішчылі 174 двары, расстралялі 275 чалавек.
Насельніцтва
рэдагаваць- 2009 год — 273 чалавекі
- 1999 год — 356 чалавек
- 1998 год — 337 чалавек, 163 гаспадаркі
Інфармацыя для турыстаў
рэдагаваць- Крыж з надпісам «Ахвярам сталінізму. Чэрвень 1941 года» на магіле ахвяр рэпрэсіяў
- Помнік ахвярам фашызму
- Помнік археалёгіі — селішча 4—3 тысячагодзьдзяў да н. э.
Асобы
рэдагаваць- Васіль Амяльковіч (1966—1987) — загінуў падчас службы ў савецкім войску ў Аўганістане. Пахаваны на вясковых могілках[4].
Заўвагі
рэдагаваць- ^ Алексы Дуброўскі думае, што від бялізны забітых даводзіць, што гэта былі польскія вайскоўцы. Niewypłakane łzy, ECHA POLESIA 3(27)2010, s. 64
Крыніцы
рэдагаваць- ^ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Менск: Тэхналогія, 2010. — 319 с. ISBN 978-985-458-198-9. (pdf, djvu, online) С. 228
- ^ Рэпрэсаваны Пінск. З гісторыі 1939—1941 гадоў, Радыё Рацыя, 1-10-2017
- ^ У Пінску ўшанавалі памяць ахвяраў бальшавізму і нацызму, Радыё Рацыя, 2017
- ^ Амяльковіч Васіль Аляксеевіч