Вуктыл

	Вуктыл
	рас. Вуктыл
Герб Вуктылу
Дата заснаваньня:	1964
Горад з:	1984
Краіна:	Расея
Суб’ект фэдэрацыі:	Рэспубліка Комі
Раён:	Вуктыльскі
Насельніцтва
колькасьць:	12 682 чал. (2010)
этнічны склад:	расейцы, комі-зыране
Часавы пас:	UTC+3
Тэлефонны код:	82146
Паштовы індэкс:	169570
Нумарны знак:	11, 111
Геаграфічныя каардынаты:	63°52′0″ пн. ш. 57°19′0″ у. д. / 63.86667° пн. ш. 57.31667° у. д.Каардынаты: 63°52′0″ пн. ш. 57°19′0″ у. д. / 63.86667° пн. ш. 57.31667° у. д.
	Вуктыл на мапе Расеі Вуктыл
	Галерэя здымкаў у Вікісховішчы
	http://adm.govuktyl.ru/

Вукты́л (рас. Вуктыл, комі-зыр. Вуктыл) — горад у муніцыпальным раёне Вуктыл рэспублікі Комі (Расея). Зьяўляецца адміністрацыйным цэнтрам муніцыпальнага раёну. Горад разьмешчаны на правым беразе ракі Пячоры. Адлегласьць да сталіцы рэспублікі — Сыктыўкару — 530 км. Аўтадарогамі зьвязаны з Саснагорскам, Ухтой і празь іх зь Емвай і Сыктыўкарам. Таксама маюцца аўтадарогі да навакольных пасёлкаў (Падчэр’е, Кырта, Лунвож, Лемты, Саю і г. д.).

Гісторыя

Заснаваны 10 красавіка 1968 году як пасёлак нафтавікоў пры Вуктыльскім газакандэнсатным радовішчы. У 1984 годзе атрымаў статус гораду. У савецкія часы насельніцтва стабільна павялічвалася й расло. З 1989 году насельніцтва памяншаецца.

Агульныя зьвесткі

Горад знаходзіцца на правым беразе Пячоры ў яе сярэднім цячэньні. Мясцовасьць характарызуецца навакольнымі гектарамі амаль некранутай гаспадарчай дзейнасьцю тайгі.

Аўтамабільным паведамленьнем горад зьвязаны з навакольнымі населенымі пунктамі. Непадалёк ад гораду знаходзіцца аэрапорт «Вуктыл», у горадзе ёсьць прыстань на рацэ Пячора.

Большасьць насельніцтва занятая ў нафтагазавай ды лясной прамысловасьці, працай на пячорскай прыстані.

Інфраструктура

У горадзе бярэ свой пачатак газаправод «Сияние Севера» (бел. Зьзяньне Поўначы). Газаправод даходзіць да мястэчка Таржку, што ў Цьвярской вобласьці.

Прырода

На паўночны ўсход ад гораду знаходзіцца найбуйнейшы нацыянальны парк Расеі Югыд Ва, які зьяўляецца часткай аб’екту Сусьветнае спадчыны ЮНЭСКО «Некранутыя лясы Комі(en)».

Крыніцы

^ Колькасьць пастаяннага насельніцтва Расейскае Фэдэрацыі па гарадох, пасёлках мескага тыпу і раёнах на 1.01.2010 (рас.) Архіўная копія ад 28 ліпеня 2011 г.

Вонкавыя спасылкі

Вуктыл — горад газавікоў :: Ґеакэшынґ (рас.)
Навіны адміністрацыі муніцыпальнага раёну Вуктыл (рас.)
Вуктыльская лякальная сетка (рас.) Архіўная копія ад 5 лістапада 2012 г.
Вуктыл: надвор’е, мапа, абвесткі, размовы з жыхарамі Вуктылу ALLNW (рас.)

[1] Колькасьць пастаяннага насельніцтва Расейскае Фэдэрацыі па гарадох, пасёлках мескага тыпу і раёнах на 1.01.2010 (рас.) Архіўная копія ад 28 ліпеня 2011 г.

[1]