Важа

Возера Важа Краіна Беларусь Плошча 2,94 км² Плошча вадазбору 24,4 км² Максымальная глыбіня 5,1 м Найбольшая даўжыня 2,62 км Найбольшая шырыня 1,11 км Вышыня над узроўнем мора 137 м Аб’ём вады 6,67 млн м³ Каардынаты 55°35′26″ пн. ш. 27°24′28″ у. д. Важа на мапе Беларусі ± Важа Важа

Ва́жа — возера ў Мёрскім раёне Віцебскай вобласьці. Знаходзіцца за 12 км на паўднёвы захад ад Мёраў, за 3 км ад вёскі Перабродзьдзе. Належыць да групы Абстэрнаўскіх азёр.

Возера знаходзіцца ў басэйне ракі Вяты. Плошча Важы складае 2,94 км². Найбольшая глыбіня возера — 5,1 м. Даўжыня возера — 2,62 км, найбольшая шырыня — 1,11 км. Аб’ём вады ў возеры складае 6,67 млн м³, плошча вадазбору возера — 24,4 км².

Схілы катлавіны возера на поўдні і на паўднёвым захадзе маюць вышыню 8—10 м, месцамі вышыня схілаў складае да 17 м. Схілы пакрытыя лесам, на поўначы і паўночным захадзе схілы разараныя.

На ўсходзе да возера прымыкае балота. Берагі позера на поўначы і на захадзе абразіўныя, месцамі берагі сплавінныя і часта зьліваюцца з схіламі.

Возера мае 2 выспы, агульная плошча якіх складае 0,01 км².

Шырыня паласы прыбырэжнай расьліннасьці складае ад 15 да 100 м, расьліннасьць у возеры пашыраная да глыбіні 2 м.

Возера злучанае з возерам Абстэрна пратокай, шырыня якой складае 200 м. У Важу ўпадае рэчка бяз назвы.

Літаратура

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 85—86