Брацлаўскае ваяводзтва

Брацлаўскае ваяводзтва[a] — адміністрацыйна-тэрытарыяльная адзінка ў Вялікім Княстве Літоўскім (з 1569 року ў складзе Каралеўства Польскага). Сталіца — места Брацлаў.

Брацлаўскае ваяводзтва
Braclav. Брацлав (1720).jpg
Агульныя зьвесткі
Краіна Вялікае Княства Літоўскае
Каралеўства Польскае
Статус ваяводзтва Каралеўства Польскага і ваяводзтва Вялікага Княства Літоўскага
Адміністрацыйны цэнтар Брацлаў
Дата ўтварэньня 1566
Дата скасаваньня 1793
Ваяводы Ваяводы брацлаўскія
Кашталяны Кашталяны брацлаўскія
Плошча 31 660 км²
Час існаваньня 1566—1795
Месцазнаходжаньне Брацлаўскага ваяводзтва
Брацлаўскае ваяводзтва на мапе
Commons-logo.svg   Дадатковыя мультымэдыйныя матэрыялы

СымболікаРэдагаваць

Герб ваяводзтва меў наступны выгляд: «на чырвоным крыжы блакітны дыск з залатым паўмесяцам».

Ваяводзкая харугва была шэрага колеру з выяваю Пагоні ў чырвоным полі[1].

ГісторыяРэдагаваць

Утварылася паводле адміністрацыйна-тэрытарыяльнай рэформы (1565—1566) на ўсходняй палове Падольскай зямлі (Ніжняе Падольле)[1].

У 1569, згодна з умовамі Люблінскай уніі, апынулася пад уладай Каралеўства Польскага. У 1598 сталіцу ваяводзтва перанесьлі з Брацлава ў Віньніцу.

У выніку другога падзелу Рэчы Паспалітай (1793) тэрыторыя ваяводзтва апынулася ў складзе Расейскай імпэрыі.

Адміністрацыйна-тэрытарыяльны падзелРэдагаваць

Падзялялася на два паветы: Віньніцкі і Брацлаўскі (апошні сладаўся зь дзьвюх частак уласна Брацлаўскай i Зьвянігарадзкай). У канцы XVIII ст. вылучыліся Набускі (цэнтар — Гранаў) і Зьвянігарадзкі паветы[1].

Ваяводзкі соймік праходзіў у Віньніцы. Мясцовая шляхта абірала шасьцёх паслоў на Вальны сойм.

УраднікіРэдагаваць

Асноўныя артыкулы: ваяводы брацлаўскія і кашталяны брацлаўскія

У Сэнаце Рэчы Паспалітай Падляскае ваяводзтва мела двух прадстаўнікоў — ваяводу і кашталяна.

Дадатковыя зьвесткіРэдагаваць

  • На тэрыторыі Брацлаўскага ваяводзтва нарадзіўся Міхал Дастаеўскі, адзін з сыноў брацлаўскага протаярэя, што пераехаў сюды з Дастоева — бацька пісьменьніка Фёдара Дастаеўскага.[2]

ЗаўвагіРэдагаваць

  1. ^ ст.-бел. Воеводство Брацлавское; лац. Palatinatus Braclaviensis, польск. Województwo bracławskie

КрыніцыРэдагаваць

  1. ^ а б в Валерый Пазднякоў. Брацлаўскае ваяводства // ВКЛ. Энцыкл. Т. 1. — Менск, 2005. С. 347.
  2. ^ Лідзія Кулажанка, Адам Мальдзіс, Святлана Сачанка. Літаратурныя мясціны Беларусі // «Маладосць» № 648, 2007. С. 121 [1].

ЛітаратураРэдагаваць