Беларускі шлях (1918)
Беларускі шлях (8 сакавіка 1918 — 23 жніўня 1918) — штодзённая беларуская газэта нацыянальна-дэмакратычнага кірунку на беларускай мове. Выдавалася ў Менску ва ўмовах нямецкай акупацыі. Рэдактар-выдавец №1 Павал Аляксюк; з №2 да канца выданьня рэдактар Аляксандар Прушынскі, выдавец – таварыства «Заранка» (старшыня Павал Аляксюк, пісар Аляксандар Уласаў).
| «Беларускі шлях» | |
 | |
| Тып | штодзённая |
|---|---|
| Выдавец | таварыства «Заранка» |
| Галоўны рэдактар | |
| Заснаваная | 8 сакавіка 1918 |
| Закрытая | 23 жніўня 1918 |
| Мова | беларуская |
| Штаб-кватэра | Менск, Серпухоўская вуліца, 12 |
Зьмест
рэдагавацьСупрацоўнічала з газэтай «Вольная Беларусь» (мела агульных аўтараў, абменьвалася матэрыяламі). Мэта выданьня – сацыяльна-эканамічнае і культурнае адраджэньне Беларусі, яе дзяржаўная самастойнасьць і сувэрэнітэт. Падтрымлівала палітыку Рады Беларускай Народнай Рэспублікі (БНР) і яе выканаўчага органа – Народнага Сакратарыята БНР. 29 сакавіка 1918 году надрукавала 3-ю Устаўную грамату Рады БНР. Грунтоўна асьвятляла нацыянальны грамадзка-палітычны й культурны рух, зьмяшчала інфармацыю пра беларускі асьветніцкі рух у гарадах, мястэчках і вёсках, пра дзейнасьць Рады БНР, палітычных партый і груповак, рэгулярна друкавала перадавіцы, мела аддзелы і рубрыкі «Міжнароднае жыцьцё», «Весткі з краю», «Менскае жыцьцё», «Весткі з Расіі», «Харчовая справа», «Маленькі фэльетон», друкавала кароткія тэатральныя рэцэнзіі, вершы, афіцыйную інфармацыю германскіх штабоў пра ход ваенных дзеяньняў.
Літаратура
рэдагаваць- Газеты Беларусі, 1776—1975: Рэтрасп. бібліягр. паказ. / Склад. Л. М. Няхайчык і інш.; Навук. рэд. В. У. Скалабан. — Менск: Нацыянальная кніжная палата Беларусі, 2003. — С. 10 (№ 62). — 322 с. — 700 ас. — ISBN 985-6020-28-X
- У. М. Конан. «Беларускі шлях». // Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1996. — Т. 2: Аршыца — Беларусцы. — 480 с. — ISBN 985-11-0061-7 — С. 462.
- У. М. Конан. «Беларускі шлях». // Энцыклапедыя гісторыі Беларусі. У 6 т. / Беларус. Энцыкл.; Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн.: БелЭн, 1993. — Т. 1: А — Беліца. — 494 с. — ISBN 5-85700-074-2 — С. 459.
Вонкавыя спасылкі
рэдагаваць- Беларускі шлях: штодзённая грамадска-палітычная газэта. Kamunikat.org.