Баявыя дзеяньні

Баявыя дзеяньні — арганізаванае ўжываньне сіл і сродкаў для выкананьня пастаўленых баявых задачаў часткамі, злучэньнямі і аб’яднаньнямі відаў Узброеных Сіл і родаў войскаў (сіл), гэта значыць вядзеньне вайны на апэратыўным, апэратыўна-тактычным і тактычным узроўнях.

Вядзеньне вайны на больш высокім, стратэгічным узроўні арганізацыі называецца ваеннымі дзеяньнямі. Такім чынам, баявыя дзеяньні ўваходзяць у ваенныя дзеяньні ў якасьці складовай часткі — напрыклад, калі фронт (група франтоў) вядзе ваенныя дзеяньні ў форме стратэгічнай наступальнай апэрацыі (ці паміж апэрацыямі), арміі і карпусы, якія ўваходзяць у склад фронту, вядуць баявыя дзеяньні ў форме наступаў, рэйдаў і да т.п.

Разнастайнасьцю баявых дзеяньняў зьяўляюцца баявыя дзеяньні войскаў (сіл) супрацьпаветранай абароны (СПА), вайскова-паветраных сіл (ВПС), вайскова-марскога флёту (ВМФ) і да т.п.

Склад

Асноўныя віды:

• наступ;
• абарона;

Дапаможныя віды:

• сустрэчны бой;
• акопны бой;
• тактычная перагрупоўка і да т.п.

Характар

На сучасным этапе баявыя дзеяньні характарызуюцца наступнымі рысамі:

• рашучасьць мэтаў;
• вялікі прасторавы размах;
• высокая манэўранасьць;
• дынамічнасьць;

Якасьць арганізацыі баявых дзеяньняў разам з баявымі ўласьцівасьцямі ўзбраеньня і вайсковай тэхнікі вызначаюць эфэктыўнасьць баявых дзеяньняў.

У пажарнай ахове

Баявыя дзеяньні — прадугледжанае Статутам арганізаванае ўжываньне сіл і сродкаў пажарнай аховы для выкананьня асноўнай баявой задачы.

Глядзіце таксама

• Бой
• Бітва
• Ваенная апэрацыя

Літаратура

• Военный энциклопедический словарь (ВЭС), м, ВИ, 1984 г., 863 стр. с иллюстрациями (ил.), 30 листов (ил.)