Бабруйская япархія

Бабруйская япархія
Эпіскап	Сэрафім (Беланожка)
Катэдральны горад	Бабруйск
Катэдральны сабор	Сьвята-Мікольская Царква (Бабруйск)

Бабру́йская япа́рхія — царкоўна-адміністратыўная адзінка ў складзе Беларускага экзархату Маскоўскага патрыярхату. Катэдральны сабор — Сьвята-Мікольская Царква (Бабруйск).

Гісторыя

Япархія заснаваная Сынодам Расейскае Праваслаўнае Царквы 24 сьнежня 2004. Вылучаная са складу Магілёўскае япархіі з прызначэньнем кіраўніка япархіяй япіскапа Пятра (Карпусюк Віктар Пятровіч, нарадзіўся 5 студзеня 1959) з тытулам япіскап Бабруйскі й Асіпавіцкі. 20 красавіка 2005 япархія пераназваная ў «Бабруйскую й Быхаўскую». Бабруйская япархія ўключае ў сябе раёны: Асіпавіцкі, Бабруйскі, Быхаўскі, Глускі, Качэрыцкі, Клічаўскі.

Статыстыка япархіі

• Прыходаў — 35
• Цэркваў — 30
• Малітоўных дамоў — 1
• Капліцаў — 3
• Сьвятароў — 32

31 сьнежня 2007 на загад япіскапа на тэрыторыі япархіі створаныя 5 благачыньняў: Бабруйскае гарадзкое (протаярэй Аляксей Канаплёў), Бабруйскае раённае й Глускае (протаярэй Генадзь Вейга), Клічаўска-Качэрыцкае (протаярэй Сяргей Андрэеў), Быхаўскае (протаярэй Мікалай Паўловіч), Асіпавіцкае (часова кіруецца япіскапам Сэрафімам).

Сьвятыні япархіі

• Сьвятыя мошчы ўгоднікаў Божых (Старцаў Опцінскіх, Сьвятога Яна Кармянскага) — Царква Сьвятога Прарока Божага Ільлі (Бабруйск)
• Цудадзейны абраз Маці Божай Баркулабаўскай — Царква Сьвятой Жыватворчай Троіцы (Быхаў)

Бабруйскія япіскапы

Вікарыі Менскае япархіі

• 1923—1937 Філарэт (Раменскі)
• 1953—1955 Мітрафан (Гутоўскі)
• 1956—1961 Лявонці (Бондар)

Кіруючыя архіярэі

• 2004 — 27 сьнежня 2005 Пётар (Карпусюк) с 24 сьнежня
• 27 сьнежня 2005 — 22 красавіка 2007 Сафроні (Юшчук) (архіяпіскап Магілёўскі, часовы кіроўца)
• 22 красавіка 2007 — Сэрафім (Беланожка).

Літаратура

• Кто есть кто в Бобруйской епархии // Коммерческий курьер. 20 февраля 2008

Вонкавыя спасылкі

• Афіцыйны сайт