Аўра

«Аура» (па-ангельску: Aura) — беларускі гурт, які выконвае музыку ў стылі поп, поп-рок. Гэта творчы і сямейны саюз двух вядомых аўтараў і выканаў — Юліі Быкавай і Яўгена Алейніка, у актыве якіх больш за 300 песень, напісаных для артыстаў Беларусі, Расеі, Малдовы.

Гісторыя

Стварыць уласны праект «Аўра» Юлія Быкава і Яўген Алейнік вырашылі ў 2005 годзе. «Аўра» зьявілася на сьвет зь песьняю «Whisper of Silence», у напісаньні якой выкарысталі неіснуючую мову з элементамі ангельскай, італьянскай, латыні^[1]. У 2006 годзе песьня заняла 3-е месца на фэстывалі «Eurovision Forum Contest»^[2]. Праз год «Аўра» разам з амэрыканскім рэпэрам Doobie (Дубі) запісала песьню «Ноччу на Купальле». У 2009 годзе група «Аўра» была адзначана радыёпрэміяй «Золотое ухо» у намінацыі «Творчы патэнцыял»^[3]. 19 сьнежня 2010 года «Аўра» перамагла ў тэлепраекце АНТ «Музыкальный суд» зь песьняй «Затрымай мяне». 15 чэрвеня 2011 года ў Палацы прафсаюзаў адбыўся сольны канцэрт гурта, на якім быў прадстаўлены першы альбом калектыва^[4]. Дыск пад назвай «Aura» стаў зборкай лепшых песень, напісаных з 2005 па 2011 гады^[5]. Сёньня гурт рыхтуецца да выхаду канцэртны DVD-дыск і яшчэ адзін сольны альбом.