Арэшкава
Арэ́шкава (па-польску: Orzeszkowo, па-падляску: Orêškovo[2]) — вёска ў Гайнаўскім павеце Падляскага ваяводзтва Польшчы. Знаходзіцца ў гміне Гайнаўка.
| Арэшкава | |
| польск. Orzeszkowo | |
| |
| Першыя згадкі: | 1631 |
| Былая назва: | Арэшкавая Воля |
| Мясцовая назва: | Orêškovo |
| Краіна: | Польшча |
| Ваяводзтва: | Падляскае |
| Павет: | Гайнаўскі |
| Гміна: | Гайнаўка |
| Насельніцтва: | 395 чал. (2013)[1] |
| Часавы пас: | UTC+1 |
| летні час: | UTC+2 |
| Тэлефонны код: | (+48) 85 |
| Паштовы індэкс: | 17-200 |
| Нумарны знак: | BHA |
| Геаграфічныя каардынаты: | 52°45′0″ пн. ш. 23°34′0″ у. д. / 52.75° пн. ш. 23.56667° у. д.Каардынаты: 52°45′0″ пн. ш. 23°34′0″ у. д. / 52.75° пн. ш. 23.56667° у. д. |
Арэшкава на мапе Польшчы   Арэшкава | |
 Галерэя здымкаў у Вікісховішчы
| |
Насельніцтва
рэдагавацьЖыхары вёскі ў большасьці этнічныя беларусы, якія карыстаюцца падляскім дыялектам, праваслаўныя (прыход на месцы). Меншая частка насельніцтва палякі-каталікі, якія прыналежаць да парафіі сьввятых Кірыла і Мятода ў Гайнаўцы[3]).
Гісторыя
рэдагавацьАрэшкава заснаванае на мяжы Белавескае пушчы ў 1631 г. як вёска асочнікаў, заданьнем якіх была ахова вялікакняскага лесу. Першапачатковая назва Арэшкавая воля пайшла ад імя Арэшка (Арэфі). Вёска была шматразовая нішчаная ў 17 ст. швэдзкімі, трансыльванскімі, польскімі, літоўскімі і маскоўскімі вайскамі. У час паўстаньня 1863 — 1864 гг. у навакольлі Арэшкава дзейнічаў атрад Валерыя Ўрублеўскага. У 1907 г. побач зь вёскаю пабудаваны быў чыгуначны шлях Седльцы — Ваўкавыск. У міжваенны пэрыяд Арэшкава прыналежала да гміны Белавежа Бельскага павету Беластоцкага ваяводзтва. Паводле польскага перапісу насельніцтва 1921 г. пражывалі тут 342 жыхароў (5 палякаў-каталікоў і 337 праваслаўных беларусаў)[4]. 12 жніўня 1946 г. вёска поўнасьцю згарэла і была адбудаваная з шматлікімі хутарамі. У 1955 г. была тут пабудаваная царква ў гонар Узьнясеньня Гасподняга, якая з 1982 году стала цэнтрам самастойнае парафіі. З 1972 г. ў Арэшкаве дзейнічае фальклёрны калектыў Арэшкі[5], які выконвае песьні на мясцовай падляскай і беларускай мовах[6].
-
Магіла паўстанцаў атраду В. Ўрублеўскага -
Чыгуначны прыпынак побач зь вёскай -
Царква да перабудовы ў 2000-ных гадах
Крыніцы
рэдагаваць- ^ Główny Urząd Statystyczny. Bank Danych Lokalnych. (пол.) Праверана 10 траўня 2015 г.
- ^ Pudlaśki nazvy. Orêškovo svoja.org Праверана 10 траўня 2015 г.
- ^ Гайнаўка. Парафія сьвятых Кірыла і Мятода (пол.) Diecezja drohiczyńska Праверана 10 траўня 2015 г.
- ^ Skorowidz miejscowości Rzeczypospolitej Polskiej : opracowany na podstawie wyników pierwszego powszechnego spisu ludności z dn. 30 września 1921 r. i innych źródeł urzędowych. T. 5. Województwo białostockie, с. 9 (пол.) Праверана 10 траўня 2015 г.
- ^ Юбілей калектыву „Арэшкі” (бел.) Ніва Праверана 22 верасьня 2014 г.
- ^ Orêški z Orêškova (бел.) svoja.org — Гуказапісы песьняў Арэшкаў. Праверана 22 верасьня 2014 г.