Арцём Васькоў
Арцём Васькоў (нарадзіўся 21 кастрычніка 1988 году) — беларускі футбаліст, паўабаронца польскага клюбу «Стылян».
| Арцём Васькоў | ||
| Пэрсанальная інфармацыя | ||
|---|---|---|
| Нарадзіўся | 21 кастрычніка 1988[1] (35 гадоў) | |
| Рост | 165 см | |
| Вага | 61 кг[2] | |
| Пазыцыя | паўабаронца | |
| Клюбная інфармацыя | ||
| Клюб | Стылян Гожаў Велькапольскі[d] | |
| Клюбы | ||
| Гады | Клюб | Гульні (галы)¹ |
| 2008 | Блазма Рэзэкнэ[d] | 24 (3) |
| 2009 | Нёман Горадня | 1 (0) |
| 2009—2010 | Шувалан Баку | 12 (0) |
| 2010—2011 | Блазма Рэзэкнэ[d] | 12 (2) |
| 2010 | → ДБК-Гомель[d] | 10 (1) |
| 2011 | → Віцебск | 21 (1) |
| 2012—2015 | Тарпэда-БелАЗ | 98 (14) |
| 2016 | Нёман Горадня | 23 (1) |
| 2017 | Вэнтсьпілс | 16 (0) |
| 2018 | Смалявічы | 23 (4) |
| 2019 | Гарадзея | 17 (0) |
| 2020—2021 | Гомель | 53 (19) |
| 2022 | Арсэнал Койданаў | 14 (1) |
| 2022 | Люблінянка[d] | 3 (3) |
| 2023— | Стылян Гожаў Велькапольскі[d] | |
Кар’ера
рэдагавацьКлюбная
рэдагавацьПачынаў займацца футболам у Гомлі, а пасьля трапіў у структуру менскага «Дынама». Не замацаваўся ў менскім клюбе і адправіўся ў Латвію. У 2009 годзе аддаваўся ў арэнду гарадзенскаму «Нёману», а потым гуляў у Азэрбайджане. У 2011 годзе вярнуўся ў Беларусь, дзе гуляў за гомельскі ДБК і «Віцебск». У сакавіку 2012 году стаў гульцом жодзінскага «Тарпэда-БелАЗ». У жодзінскім клюбе здолеў замацавацца ў асноўным складзе, звычайна выступаў на пазыцыі правага паўабаронцы. Выдатна правёў сэзон 2014 году, выступаючы на розных пазыцыях у паўабароне ды забіўшы 6 галоў. Канец сэзону 2014 году вымушаны быў прапусьціць праз траўмы. У студзені 2015 году падоўжыў кантракт з аўтазаводцамі[3]. У сэзоне 2015 году пераважна зьяўляўся на полі, выходзячы на замену. У студзені 2016 году пакінуў «Тарпэда-БелАЗ»[4].
Пасьля зыходу з «Тарпэда-БелАЗ» некаторы час падтрымліваў форму разам з «Гомлем», але неўзабаве далучыўся да «Нёмана» і падпісаў кантракт з гарадзенскім клюбам[5]. У складзе «Нёмана» замацаваўся ў першым складзе, толькі канец сэзону прапусьціў праз траўму. У студзені 2017 году стаў гульцом латвійскага «Вэнтсьпілса»[6]. Дапамог камандзе здабыць Кубак Латвіі, забіўшы гол у фінальным матчы супраць «Рыгі» (2:2, пен. 6:5). У сьнежні 2017 году пакінуў клюб[7].
У студзені 2018 году ўзмоцніў склад дэбютанта беларускай Найвышэйшай лігі — клюб «Смалявічы»[8]. У красавіку не гуляў праз траўмы, пазьней замацаваўся ў першай адзінаццатцы. У сьнежні 2018 году падпісаў кантракт з «Гарадзеяй»[9]. У першай палове сэзону 2019 году звычайна выходзіў на замену, пазьней стаў пераважна гуляць за дубль. У сьнежні 2019 году пакінуў каманду[10] і ў хуткім часе стаў гульцом «Гомля»[11]. У сэзоне 2020 году з 16 галамі стаў найлепшым бамбардзірам гомельскай каманды і дапамог ёй прабіцца ў Найвышэйшую лігу. У 2021 годзе заставаўся гульцом асновы ў Найвышэйшай лізе, хоць часам пачаў выходзіць на замену.
У лютым 2022 году пакінуў «Гомель»[12] і трэнаваўся з койданаўскім «Арсэналам», зь якім у сакавіку падпісаў кантракт[13]. Замацаваўся ў стартавым складзе каманды. У ліпені 2022 году паводле пагадненьня бакоў пакінуў койданаўскі клюб[14]. У кастрычніку 2022 году далучыўся да «Люблінянкі» з чацьвертага польскага дывізіёну[15]. У студзені 2023 году перабраўся ў «Стылян» з Гожаву Велькапольскага[16].
Дасягненьні
рэдагаваць- Уладальнік Кубка Латвіі: 2017
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Тарпэда-БелАЗ | 2015 | Найвышэйшая ліга | 21 | 2 |
| Нёман | 2016 | Найвышэйшая ліга | 23 | 1 |
| Смалявічы | 2018 | Найвышэйшая ліга | 23 | 4 |
Крыніцы
рэдагаваць- ^ а б в Artem Vaskov // Transfermarkt (мн.) — 2000.
- ^ а б https://www.pressball.by/footballstat/artem_vaskov/
- ^ «Торпедо»-БелАЗ продлил контракт с Васьковым
- ^ Артём Васьков покидает «Торпедо-БелАЗ»
- ^ Артем Васьков стал игроком «Немана»
- ^ Артем Васьков продолжит карьеру в "Вентспилсе"
- ^ Артем Васьков покинул "Вентспилс" Праверана 6 снежня 2017 г. Архіўная копія ад 29 студзеня 2018 г.
- ^ Федянин и Васьков стали игроками "Смолевичей"
- ^ Еще один игрок "Смолевичей" перешел в "Городею"
- ^ "Городея" рассталась с Васьковым
- ^ Васьков перешел в "Гомель"
- ^ Футбол. "Всех обнял!" Артем Васьков покидает "Гомель Праверана 16 сакавіка 2022 г. Архіўная копія ад 16 сакавіка 2022 г.
- ^ Артем Васьков стал игроком дзержинского "Арсенала"
- ^ Васьков, Суша и Малащицкий покинул "Арсенал"
- ^ Васьков продолжит карьеру в Польше
- ^ Артем Васьков сменил команду в Д4 Польши (рас.) Праверана 2023-01-20 г.
Вонкавыя спасылкі
рэдагаваць- Статыстыка «ПБ-Инфо» (рас.)
- Профіль на soccerway.com (анг.)