Андрэй Лясюк
Андрэй Лясюк (нар. 14 красавіка 1983 году, Пінск, БССР) — колішні беларускі футбаліст, нападнік. Галоўны трэнэр «Асіпавічаў».
| Андрэй Лясюк | ||
| Пэрсанальная інфармацыя | ||
|---|---|---|
| Нарадзіўся | 14 красавіка 1983[1] (41 год) | |
| Рост | 177 см | |
| Вага | 74 кг | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 2001—2003 | Дынама Берасьце | 32 (4) |
| 2005 | Нёман Горадня | 22 (4) |
| 2006—2007 | Менск | 20 (6) |
| 2007—2010 | Дняпро Магілёў | 51 (17) |
| 2011 | Гомель | 10 (0) |
| 2011 | Дняпро Магілёў | 12 (3) |
| 2012—2013 | Нёман Горадня | 43 (8) |
| 2014 | Хваля | 12 (8) |
| 2014—2015 | Гарадзея | 35 (13) |
| 2016 | Каўна Жальгірыс | 9 (0) |
| 2017 | Нявежыс | 27 (9) |
| 2018 | Ліда | 26 (8) |
| 2019 | Белшына | 25 (12) |
| 2020 | Ліда | 19 (5) |
| 2021 | Стэнлес | 14 (11) |
| Трэнэрскія клюбы | ||
| 2022—2024 | Стэнлес | |
| 2024— | Асіпавічы | |
Кар’ера
рэдагавацьКлюбная
рэдагавацьПачаў займацца футболам у Пінску, гуляў потым за розныя клюбы. Найбольш праявіў сябе ў складзе магілёўскага «Дняпро», найлепшым бамбардзірам якога стаў у сэзоне 2009 году. У сакавіку 2012 году падпісаў кантракт з гарадзенскім «Нёманам». Пасьля няўдалага старту «Нёман» здолеў набраць добрую хаду, заняўшы выніковы пяты радок у чэмпіянаце. Сам футбаліст пачынаў сэзон году на лаўцы запасных, але пазьней стаў асноўным нападнікам каманды, выцесьніўшы Ігара Крывабока. Лясюк стаў адным з найлепшых гульцоў клюбу, набраўшы добрую форму ў канцы сэзону і забіўшы пяць галоў у апошніх пяці сустрэчах[2]. У студзені 2013 году Лясюк падоўжыў кантракт з клюбам[3]. Сэзон 2013 году распачынаў асноўным нападнікам, але ў траўні быў выцесьнены Мілашам Лачным. Пасьля таго як Лачны ў ліпені 2013 году пакінуў «Нёман», Лясюк вярнуўся ў аснову, але ўжо ў жніўні атрымаў траўму, празь якую выбыў да канца сэзону. У лістападзе 2013 году кіраўніцтва «Нёману» вырашыла спыніць супрацоўніцтва з гульцом[4].
У сакавіку 2014 году, акрыяўшы па траўме, накіраваўся на прагляд у пінскую «Хвалю»[5] У красавіку 2014 году падпісаў кантракт з клюбам да канца сэзону[6]. У складзе «Хвалі» быў асноўным нападнікам і трывала вызначаўся галамі, што дазволіла неўзабаве ачоліць сьпіс бамбардзіраў Першай лігі. У ліпені выправіўся на прагляд ва ўзбэцкі «Наўбахор», але не падышоў гэтаму клюбу[7]. Па вяртаньні ў Беларусь, аднак, адмовіўся далей выступаць за «Хвалю». У канцы ліпеня перайшоў у «Гарадзею», зь якой падпісаў кантракт да канца сэзону[8]. Быў асноўным гульцом «цукровых», за паўсэзона згуляўшы ў 10 матчах і забіўшы 4 галы, але клюб здолеў заняць толькі 6 месца ў Першай лізе. У верасьні і кастрычніку 2014 году не гуляў праз траўму. У студзені 2015 году падоўжыў кантракт з «Гарадзеяй»[9]. Паводле вынікаў сэзону 2015 году дапамог гарадзенцам прабіцца ў Найвышэйшую лігу. У студзені 2016 году пакінуў клюб[10].
У сакавіку 2016 году праходзіў прагляд у «Нафтане», але бакі не дамовіліся аб умовах кантракту[11]. У выніку ў першай палове 2016 году Андрэй заставаўся бяз клюбу. З жніўня 2016 году выступаў за летувіскі клюбу «Каўна Жальгірыс»[12]. Па заканчэньні сэзону 2016 году пакінуў ковенкі клюб. У лютым 2017 году знаходзіўся ў стане «Хвалі», якая прапанавала нападніку кантракт[13], аднак гульцом пінскага клюбу ён ня стаў. У выніку, сэзон 2017 году распачаў у складзе клюбу другога летувіскага дывізіёну «Нявежыс»[14]. У студзені 2018 году падпісаў кантракт з клюбам «Ліда»[15]. Замацаваўся як гулец асноўнага складу лідчанаў, з 8 галамі стаў найлепшым бамбардзірам каманды ў сэзоне. У студзені 2019 году пакінуў лідзкі клюб[16].
У сакавіку 2019 году перайшоў у бабруйскую «Белшыну»[17]. Здолеў стаць адным з асноўных гульцоў, быў капітанам каманды. Дапамог дружыне выйсьці ў Найвышэйшую лігу, з 12 галам стаў другім бамбардзірам каманды. Па заканчэньні сэзону пакінуў бабруйскі клюб. У сакавіку 2020 году зноў падпісаў кантракт зь «Лідай»[18]. Пачынаў сэзон, выходзячы на замену, але хутка замацаваўся ў стартавым складзе каманды. У сакавіку 2021 году стаў гульцом пінскага «Стэнлеса»[19], дзе быў асноўным нападнікам. Па заканчэньні сэзону 2021 году пакінуў каманду і завяршыў кар’еру.
Трэнэрская
рэдагавацьУ жніўні 2022 году быў прызначаны галоўным трэнэрам «Стэнлеса»[20]. Пакінуў клюб у лютым 2024 году[21]. Ужо праз паўгады ў сярэдзіне чэрвеня быў прызначаны галоўным трэнэрам «Асіпавічаў»[22].
Дасягненньні
рэдагаваць«Гомель»:
- Уладальнік Кубка Беларусі: 2011
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Гарадзея | 2015 | Першая ліга | 25 | 9 |
| Ліда | 2018 | Першая ліга | 26 | 8 |
Крыніцы
рэдагаваць- ^ а б в Andrey Lyasyuk // Transfermarkt (мн.) — 2000.
- ^ «Все, ребята, харэ…»
- ^ Рыбак и Лясюк заключили новые контракты с «Неманом»
- ^ Андрей Лясюк покинул «Неман» (рас.)
- ^ Андрей Лясюк находится на просмотре в "Волне" (рас.)
- ^ «Волна» подписала Лясюка и Климихина и рассталась с Мытником (рас.)
- ^ Лясюк не подошел узбекскому «Навбахору» (рас.)
- ^ Андрей Лясюк и Роман Морозов перешли в «Городею» (рас.)
- ^ Семеро футболистов продлили контракты с "Городеей" (рас.)
- ^ «Городею» покинуло восемь футболистов (рас.)
- ^ Андрей Лясюк и "Нафтан" не договорились по контракту (рас.)
- ^ Лясюк дебютировал за каунасский «Жальгирис» (рас.)
- ^ Дмитрий Градобоев перешел в «Белшину», Гриневич и Андрей Луцевич завершили карьеры (рас.)
- ^ Kėdainių "Nevėžis" pristatė 2017 metų komandą (foto) (лет.) Афіцыйны сайт кедайнейскага «Нявежыса»
- ^ Лесько, Лясюк, Ковалюк и еще четыре игрока подписали контракты с «Лидой» (рас.)
- ^ Лясюк покинул "Лиду" (рас.)
- ^ 35-летний Лясюк перешел в «Белшину» (рас.)
- ^ Лясюк подписал соглашение с "Лидой" (рас.)
- ^ 37-летний Лясюк трудоустроился в "Стэнлесе" (рас.)
- ^ Андрей Лясюк возглавил "Стэнлес" (рас.)
- ^ Лясюк покинул пост главного тренера "Стэнлеса" (рас.)
- ^ Андрей Лясюк возглавил "Осиповичи" (рас.)
Вонкавыя спасылкі
рэдагаваць- Статыстыка «ПБ-Инфо» (рас.)
- Профіль на soccerway.com (анг.)