Аляксей Багданаў

беларускі палітык

Аляксей Ігаравіч Багданаў (нар. 27 чэрвеня 1973, Менск) — беларускі дзяржаўны дзеяч, міністар гандлю Беларусі (з 2021).

Аляксей Багданаў
Міністар гандлю Рэспублікі Беларусь
21 сьнежня 2021 — цяперашні час
Прэзыдэнт: Аляксандар Лукашэнка
Прэм’ер-міністар: Раман Галоўчанка
Папярэднік: Уладзімер Калтовіч
Асабістыя зьвесткі
Нарадзіўся: 27 чэрвеня 1973(1973-06-27)[1] (50 гадоў)
Адукацыя:
Узнагароды:

Жыцьцяпіс рэдагаваць

У 1995 годзе скончыў Акадэмію фізычнага выхаваньня і спорту Рэспублікі Беларусь. У 2008 годзе скончыў Міжнародны гуманітарна-эканамічны інстытут. У 2018 і 2019 годзе атрымаў дыплём Акадэміі кіраваньня пры прэзыдэнце Рэспублікі Беларусь.

З 1995 па 2000 год працаваў трэнерам-выкладчыкам Беларускай фэдэрацыі традыцыйнага каратэ. На працягу 1996 году служыў ва Узброеных Сілах Рэспублікі Беларусь.

З 2000 па 2003 год — выкладчык катэдры фізвыхаваньня і спорту Гуманітарна-эканамічнага недзяржаўнага інстытуту.

У 2003—2008 гадах — выкладчык катэдры спартова-баявых мастацтваў і спецрыхтоўкі Беларускага дзяржаўнага ўнівэрсытэта фізычнай культуры.

У 2008—2011 гадах — начальнік аддзелу зьнешнеэканамічнай дзейнасьці ААТ «Агракамбінат „Дзяржынскі“» Дзяржынскага раёну Менскай вобласьці. З 2011 па 2013 год — намесьнік генэральнага дырэктара па перапрацоўцы і гандлю ААТ «Агракамбінат „Дзяржынскі“».

У 2013—2014 гадах — намесьнік генэральнага дырэктара ЗАТ «Мяса-малочная кампанія».

У 2014—2021 гадах — начальнік галоўнага ўпраўленьня зьнешнеэканамічнай дзейнасьці Міністэрства сельскай гаспадаркі і харчаваньня Рэспублікі Беларусь. З 5 красавіка 2021 па 21 сьнежня 2021 году займаў пасаду намесьніка міністра сельскай гаспадаркі і харчаваньня Рэспублікі Беларусь.

21 сьнежня 2021 году прызначаны міністрам антыманапольнага рэгуляваньня і гандлю[3].

Узнагароды рэдагаваць

Крыніцы рэдагаваць

Вонкавыя спасылкі рэдагаваць