Аляксандар Міхаленка
Аляксандар Міхаленка (нар. 12 сьнежня 2001 году) — беларускі футбаліст, абаронца клюбу «Менск».
| Аляксандар Міхаленка | ||
| Пэрсанальная інфармацыя | ||
|---|---|---|
| Нарадзіўся | 12 сьнежня 2001[1] (22 гады) | |
| Рост | 177 см | |
| Вага | 68 кг[1] | |
| Пазыцыя | абаронца | |
| Клюбная інфармацыя | ||
| Клюб | Менск | |
| Нумар | 18 | |
| Клюбы | ||
| Гады | Клюб | Гульні (галы)¹ |
| 2021—2024 | Дынама Менск | 0 (0) |
| 2021 | → Спадарожнік | 13 (0) |
| 2021 | → Дняпро Магілёў | 10 (1) |
| 2022 | → Іслач | 6 (0) |
| 2023 | → Энэргетык-БДУ | 25 (1) |
| 2024— | Менск | 4 (0) |
| Зборныя | ||
| 2021—2022 | Беларусь (да 21) | 3 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера рэдагаваць
Клюбная рэдагаваць
Выхаванец жлобінскай ДЮСШ. Юнаком трапіў у структуру менскага «Дынама». З 2018 году пачаў выступаць за клюбны дубль, а ў 2020 годзе замацаваўся ў першай адзінаццатцы дублюючай дружыны.
У лютым 2021 году быў аддадзены ў арэнду ў рэчыцкі «Спадарожнік»[2]. 14 сакавіка 2021 году дэбютаваў у Найвышэйшай лізе ў матчы першага тура супраць берасьцейскага «Дынама» (0:4), правёўшы на полі ўсе 90 хвілінаў. У далейшым замацаваўся ў стартавым складзе рэчычанаў. У ліпені 2021 году, пасьля таго як «Спадарожнік» зьняўся зь першынства, на правах арэнды далучыўся да магілёўскага «Дняпра»[3], дзе таксама гуляў у стартавым складзе. У сьнежні 2021 году па заканчэньні арэнды пакінуў магілёўскі клюб[4]. У студзені 2022 году быў аддадзены ў арэнду ў «Іслач»[5]. Зьяўляўся на полі эпізадычна, пераважна заставаўся на лаўцы запасных. Па заканчэньні сэзону 2022 году вярнуўся з арэнды ў «Дынама»[6].
У студзені 2023 году пачаў трэнавацца з асноўным складам дынамаўцаў[7]. Пазьней праходзіў прагляд у мазырскай «Славіі», а ў сакавіку 2023 году быў арандаваны «Энэргетыкам»-БДУ[8]. У сьнежні 2023 году вярнуўся ў «Дынама»[9]. Разам з камандай рыхтаваўся да сэзону 2024 году ды пасьпеў згуляць за «Дынама» ў матчы за Супэркубак Беларусі, пасьля чаго ў сакавіку 2024 году ў якасьці свабоднага агента далучыўся да «Менску»[10].
Міжнародная рэдагаваць
У кастрычніку 2017 году быў у складзе зборнай Беларусі (да 17 гадоў) на кваліфікацыйным раўндзе чэмпіянату Эўропы, аднак на гульнявую пляцоўку не выходзіў. 26 сакавіка 2021 году запачаткаваў выступы ў складзе моладзевай зборнай Беларусі, адгуляўшы ўсе 90 хвілінаў у таварыскім матчы супраць зборнай Армэніі (2:1).
Крыніцы рэдагаваць
- ^ а б в г д е ё https://fcisloch.by/player.asp?id=Aleksandr-Mihalenko-592&season=2023MEN
- ^ Футбол. Минское "Динамо" отдало трех игроков в аренду (рас.) Архіўная копія ад 2021-05-07 г.
- ^ "Днепр" арендовал Михаленко у минского "Динамо" (рас.)
- ^ Завершился срок аренды (рас.) Афіцыйны сайт магілёўскага «Дняпра»
- ^ Минское "Динамо" отдало двух игроков в аренду в "Ислочь" (рас.)
- ^ Арендованные футболисты отправились в свои клубы (рас.) Афіцыйны сайт «Іслачы»
- ^ В составе столичного "Динамо" тренируется 25 футболистов (рас.)
- ^ АЛЕКСАНДР МИХАЛЕНКО АРЕНДОВАН "ЭНЕРГЕТИКОМ"-БГУ (рас.) Афіцыйны сайт менскага «Дынама»
- ^ Александр Михаленко вернулся в минское "Динамо" (рас.)
- ^ Александр Михаленко стал игроком "Минска" (рас.)
Вонкавыя спасылкі рэдагаваць
- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway