Аляксандар Катляроў
Аляксандар Катляроў (нар. 30 студзеня 1993 году) — колішні беларускі футбаліст, паўабаронца.
| Аляксандар Катляроў | ||
| Пэрсанальная інфармацыя | ||
|---|---|---|
| Нарадзіўся | 30 студзеня 1993[1] (31 год) | |
| Рост | 176 см | |
| Вага | 70 кг | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2010—2013 | Гомель | 0 (0) |
| 2013 | → Рэчыца-2014 | 27 (5) |
| 2014—2017 | Славія Мазыр | 99 (14) |
| 2018—2019 | Тарпэда-БелАЗ | 31 (3) |
| 2019 | Елгава | 4 (0) |
| 2020 | Славія Мазыр | 19 (1) |
| 2021 | Крумкачы | 16 (4) |
Кар’ера
рэдагавацьПачаў займацца футболам у Мазыры, аднак у веку 15 гадоў быў запрошаны ў «Гомель»[2]. У сэзоне 2010 году выступаў за фарм-клюб «Гомель-2», а пазьней пачаў гуляць за дубль. У сэзоне 2012 году разам з гомельскай камандай стаў пераможцам чэмпіянату дублёраў.
У сакавіку 2013 году быў аддадзены ў арэнду рэчыцкаму «Ведрычу-97»[3]. У першай палове сэзону зьяўляўся ў пачатковым складзе, але пасьля таго, як улетку пасаду галоўнага трэнэра заняў Аляксандар Бразевіч, ужо пераважна выходзіць на замену. Па заканчэньні сэзону 2013 году пакінуў «Гомель»[4]. Зь лютага 2014 году пачаў трэнавацца ў складзе мазырскай «Славіі»[5], і ў выніку пачаў у складзе гэтага клюбу сэзон 2014 году. Здолеў замацавацца ў асноўным складзе мазырчукоў і дапамог клюбу вярнуцца ў Найвышэйшую лігу. У сэзоне 2015 году працягваў быць гульцом асноўнага складу «Славіі», выступаючы на пазыцыі правага паўабаронцы. У траўні—жніўні 2016 году адсутнічаў праз траўму, пасьля вярнуўся ў асноўны склад. У сэзоне 2017 году быў трывалым гульцом асновы, з 4 галамі стаўшы найлепшым бамбардзірам каманды, але ня здолеў выратаваць яе ад вылету ў Першую лігу.
У студзені 2018 году стала вядома аб зыходзе Катлярова з «Славіі»[6], і неўзабаве паўабаронца падпісаў двухгадовы кантракт з жодзінскім «Тарпэда-БелАЗ»[7]. Замацаваўся ў стартавым складзе жодзінскага клюбу, у лістападзе 2018 году адсутнічаў праз траўму. У сэзоне 2019 году радзей зьяўляўся на полі. У ліпені 2019 году скасаваў кантракт з «Тарпэда-БелАЗ»[8] і стаў гульцом латвійскага клюбу «Елгава»[9], які незадоўга да таго ачоліў былы трэнэр жодзінцаў Алег Кубараў[10]. Аднак, у складзе латвійскай каманды ня здолеў замацавацца, да канца сэзону згуляў у чатырох матчах. У студзені 2020 году стала вядома, што беларускі паўабаронца пакінае «Елгаву»[11].
У студзені 2020 году пачаў трэнавацца з «Славіяй» і ў лютым падпісаў кантракт[12]. У кастрычніку 2020 году атрымаў траўму і да канца году не зьяўляўся на полі, таксама праз траўму прапусьціў пачатак 2021 году і ня быў заяўлены за «Славію» на сэзон 2021 году. У ліпені 2021 году стаў гульцом «Крумкачоў»[13], дзе замацаваўся ў стартавым складзе. Пакінуў клюб па заканчэньні сэзону 2021 году.
Міжнародная
рэдагавацьУ ліпені 2017 году выступаў за другую зборную Беларусі на Кубку Караля ў Тайляндзе.
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Славія Мазыр | 2015 | Найвышэйшая ліга | 25 | 3 |
| 2016 | Найвышэйшая ліга | 16 | 2 | |
| 2017 | Найвышэйшая ліга | 29 | 4 | |
| Тарпэда-БелАЗ | 2018 | Найвышэйшая ліга | 25 | 3 |
Крыніцы
рэдагаваць- ^ а б в Aleksandr Kotlyarov // Transfermarkt (мн.) — 2000.
- ^ 2014. Интервью Александра Котлярова Архівавана 4 сакавіка 2016.
- ^ Ижаковский и Фомин переведены в основной состав "Гомеля", Котляров и Ахраменко отданы в аренду в "Ведрич-97"
- ^ Котляров и Ахраменко покидают "Гомель"
- ^ Страханович, Гаев, Котляров, Слесарчук и еще 18 футболистов приняли участие в первой тренировке "Славии"
- ^ Александр Котляров ушел из "Славии"
- ^ Котляров подписал контракт с "Торпедо-БелАЗ"
- ^ Олссон, Котляров и Тымбур покинули "Торпедо-БелАЗ"
- ^ Котляров перешел в «Елгаву» (рас.)
- ^ Футбол. Чемпионат Латвии. Бывший игрок жодинского "Торпедо" продолжит карьеру в "Елгаве" Олега Кубарева(недаступная спасылка)
- ^ Кубарев продлил контракт с «Елгавой», Котляров покинет клуб
- ^ Романюк и Котляров стали игроками "Славии"
- ^ Котляров пополнил ряды НФК "Крумкачы"
Вонкавыя спасылкі
рэдагаваць- Статыстыка «ПБ-Инфо» (рас.)
- Профіль на soccerway.com (анг.)