Аляксандар Авечкін (хакеіст)
Алякса́ндар Міха́йлавіч Аве́чкін (па-расейску: Алекса́ндр Миха́йлович Ове́чкин; нарадзіўся 17 верасьня 1985 году, Масква, СССР) — расейскі хакеіст, гулец і капітан клюбу «Вашынгтон Кэпіталз», які выступае ў НХЛ і нацыянальнай зборнай Расеі. Да пераезду за акеан Аляксандар выступаў за маскоўскае «Дынама» з 2001 па 2005 год. У 2004 годзе быў задрафтаваны «Вашынгтон Кэпіталз» пад агульным 1 нумарам.
| Аляксандар Авечкін | ||
|---|---|---|
 | ||
| Рост | 188 см | |
| Вага | 100 кг | |
| Пазыцыя | правы нападнік | |
| Кідок/Ловы | правы | |
| Грамадзянства | ||
| Дата нараджэньня | 17 верасьня 1985 (39 гадоў) | |
| Месца нараджэньня | Масква, СССР | |
| Клюб | Вашынгтон Кэпіталз | |
| Выступаў за | Дынама Масква | |
| Нацыянальная зборная |  Расея
| |
| Драфт НХЛ | 1, 2004 Вашынгтон Кэпіталз | |
| Гульнявая кар’ера | 2001 — цяпер | |
Аляксандар зьяўляецца ўладальнікам трафэяў Колдэра, Арт Роса, Гарта. А таксама ён тройчы атрымоўваў узнагароду Тэда Лінсдэя і чатыры разы трафэй Марыса Рышара. Авечкін зьяўляецца адным з гульцоў, якія здолелі некалькі сэзонаў набіраць больш за 100 пунктаў, падчас рэгулярнага сэзону НХЛ. Стала ўдзельнічае ў чэмпіянатах сьвету і алімпійскіх гульнях за нацыянальную зборную Расеі.
Кар’ера
рэдагаваць«Дынама»
рэдагавацьАляксандар дэбютаваў у расейскай Супэрлізе ў 2001 годзе, калі яму было 16 гадоў. У першым сэзоне малады нападнік згуляў 22 матчы, у якіх двойчы адзначаўся забітымі галамі. На наступны год Аляксандар атрымаў больш гульнявога часу, вынікам чаго сталася 15 набраных пунктаў. Дзякуючы добрай гульні ў 2003 годзе на драфце НХЛ «Флорыда Пантэрз» прыкладала высілкі, каб атрымаць гульца ў свае шэрагі, аднак на той момант Аляксандру яшчэ ня споўнілася 18 год, таму дамова была ануляваная. У сэзоне 2003—2004 гадоў хакеіст ужо быў ключавым гульцом «Дынама», то бок ён згуляў 53 матчаў, у якіх зарабіў 23 пункты. Паводле вынікаў сэзону ён быў прызнаны лепшым левым нападнікам.
У 2004 годзе на драфце НХЛ пад агульным першым нумарам Аляксандар быў выбраны клюбам «Вашынгтон Кэпіталз». У гэты ж час атрымаў сваё разьвіцьцё канфлікт паміж «Дынама» і «Авангардам», зь якім Авечкін склаў папярэдную дамову, аднак, як заявіў сам гулец, сваю кар’еру ён хацеў працягнуць ужо ў НХЛ.
«Вашынгтон Кэпіталз»
рэдагавацьПасьля сканчэньня лакаўту Авечкін падпісаў кантракт з «Вашынгтонам». Хакеісту быў прапанаваны максымальна магчымы для пачаткоўца заробак — з улікам бонусаў ён мог бы зарабіць за сэзон 3,85 млн даляраў[4]. Аляксандар дэбютаваў у НХЛ 5 кастрычніка 2005 году, у матчы супраць «Каламбус Блю Джэкетс». У тым жа матчы ён закінуў сваю першую шайбу, а ў выніку зрабіў дубль, чым дапамог «Вашынгтону» перамагчы.
Авечкін пачаў апраўдваць чаканьні ўжо з пачатку рэгулярнага чэмпіянату. Ён набіраў пункты ў першых 11 матчах «Вашынгтона». 16 студзеня Авечкін забіў шайбу ў браму «Фінікс Каётыз», якая шматлікімі журналістамі і заўзятарамі называлася адной з найпрыгажэйшых у гісторыі НХЛ[5][6][7]. Усяго ж на свой рахунак Авечкін запісаў за сэзон 106 пунктаў (52+54). Паводле колькасьці пунктаў і забітых шайбаў Аляксандар заняў 3-е месца ў лізе, а сярод пачаткоўцаў быў лепшым паводле шайбаў, пунктаў і кідкоў. Дзякуючы такім выбітным паказчыкам ён атрымаў сваю першую ўзнагароду ў НХЛ — як і чакалася, ён абышоў Сыдні Кросьбі ў галасаваньні на ўладальніка трафэю Колдэра, як лепшаму пачаткоўцу сэзону.
Сэзон 2006—2007 гадоў стаўся для Авечкіна менш удалым, чым папярэдні. Ён набраў 92 пункты (46+46), на 14 менш, чым у мінулым сэзоне. Нягледзячы на пагаршэньне вынікаў, расеец працягваў прагрэсаваць і паляпшаць сваю гульню. 27 лютага ён стаў асыстэнтам капітана, замяніўшы Дайнюса Зубруса, які сышоў у «Бафала Сэйбрз». У сваім трэцім сэзоне Авечкін паказаў шыкоўную гульню. Паводле вынікаў рэгулярнага чэмпіянату ён атрымаў 4 індывідуальныя ўзнагароды, як то трафэі Гарта, Арта Роса, Марыса Рышара і ўзнагароду Лэстэра Пірсана. 65 закінутх шайбаў стаў лепшым паказчыкам у НХЛ з 1996 году. Сам жа «Вашынгтон» атрымаў перамогу ў Паўднёва-ўсходнім дывізіёне, аднак у плэй-оф у напружаных матчах супраць «Філадэлфіі Флаерз» атрымаў паразу.
5 студзеня 2010 году Авечкін стаў капітанам «Вашынгтона», зьмяніўшы Крыса Кларка, які быў абменены ў «Каламбус Блю Джэкетс»[8]. Празь месяц, 5 лютага, Аляксандар пераадолеў 500-пунктавую мяжу ў рэгулярных чэмпіянатах НХЛ. У сэзоне 2012—2013 гадоў, які быў скарочаны з-за лакаўту, расеец закінуў 32 шайбы і атрымаў свой трэці трафэй Марыса Рышара. Аляксандар быў прызнаны найбольш каштоўным гульцом сэзону і стаў восьмым хакеістам у гісторыі НХЛ, якія атрымалі трафэй Гарта тры і больш разоў[9].
Міжнародная кар’ера
рэдагавацьУ 2003 годзе Авечкін быў выкліканы Віктарам Ціханавым ў галоўную зборную на Кубак Чэскі Пойштаўна. Ён стаў самым маладым хакеістам, якія зьяўляліся ў складзе нацыянальнай зборнай Расеі, а таксама самым маладым гульцом зборнай, які забіваў шайбу.
Дасягненьні
рэдагаваць- Чэмпіён Расеі: 2005
- Уладальнік Кубка Гагарына: 2013
- Чэмпіён сьвету: 2008, 2012
- Срэбраны прызэр чэмпіянату сьвету: 2010
- Бронзавы прызэр чэмпіянату сьвету: 2005, 2007
Крыніцы
рэдагаваць- ^ Augustyn A. Alex Ovechkin // Encyclopædia Britannica (анг.)
- ^ Alexandr Ovečkin // Чэхаславацкая кінабаза (чэс.) — 2001.
- ^ Olympedia (анг.) — 2006.
- ^ Алексей Жук. Александра Овечкина заманили в Вашингтон бонусом. Коммерсантъ (рас.)
- ^ Павел Зарудный. Овечкин сотворил шедевр. Российская газета (рас.)
- ^ Michael Hoffman. Was Ovechkin's 2006 goal against Phoenix, the greatest miracle in sports? Examiner.com (анг.)
- ^ [Ovechkin's incredible goal]. Youtube.com (анг.)
- ^ [Capitals Name Alex Ovechkin Team Captain]. Афіцыйны сайт «Вашынгтон Кэпіталз» (анг.)
- ^ Овечкин получил третий «Харт Трофи» в карьере Спорт-Экспресс. (рас.)
Вонкавыя спасылкі
рэдагаваць
Аляксандар Авечкін (хакеіст) — сховішча мультымэдыйных матэрыялаў