Алег Буткевіч

	Алег Буткевіч
Біскуп Віцебскі
	29 лістапада 2013 —
Інтранізацыя	18 студзеня 2014
Царква	Рыма-Каталіцкая Царква
Папярэднік	Уладзіслаў Блін
Адукацыя	Беларускі дзяржаўны аграрны тэхнічны ўнівэрсытэт[d]; Гарадзенская вышэйшая духоўная сэмінарыя[d];
Дзейнасьць	ксёндз
Нарадзіўся	18 сакавіка 1972 (52 гады); Браслаў, Віцебская вобласьць, БССР
Прыняцьце сьвятога сану	13 траўня 2000
Узнагароды
	Галерэя здымкаў у Вікісховішчы

Але́г Часла́вавіч Бутке́віч (нар. 18 сакавіка 1972, Браслаў, Віцебская вобласьць, БССР) — беларускі каталіцкі дзяяч, біскуп віцебскі.

Вікіпэдыя мае артыкулы пра іншых асобаў з прозьвішчам Буткевіч (неадназначнасьць).

Жыцьцяпіс

Нарадзіўся ў каталіцкай сям’і.

Скончыў Беларускі дзяржаўны аграрны тэхнічны ўнівэрсытэт. У 1994 г. паступіў у Вышэйшую духоўную сэмінарыю ў Горадні, па сканчэньні якой 13 траўня 2000 г. прыняў прэзьбітарскае пасьвячэньне.

Прэзьбітар Віцебскай дыяцэзіі. Выконваў абавязкі вікарыя парафіі ў Наваполацку і Мёрах, абавязкі пробашча парафіі ў Бешанковічах і Уле. З 2003 року выконвае абавязкі пробашча парафіі сьвятога Антонія Падуанскага ў Віцебску і віцебскага дэкана.

29 лістапада 2013 г. прызначаны біскупам Віцебскай дыяцэзіі. Біскупскае пасьвячэньне зьдзейсьніў Апостальскі нунцы ў Беларусі Кляўдыё Гуджэроцьці 18 студзеня 2014 року.

3 чэрвеня 2015 г. Канфэрэнцыя каталіцкіх біскупаў у Беларусі абрала біскупа Алега Буткевіча сваім віцэ-старшынём. З 14 красавіка 2021 г. да 7 траўня 2024 г. зьяўляўся старшынём Канфэрэнцыі каталіцкіх біскупаў Беларусі^[1], цяпер зноў віцэ-старшыня ККББ.

Погляды

12 жніўня 2020 г., у час разгонаў пратэстаў супраць фальсыфікацыі прэзыдэнцкіх выбараў, выступіў з зваротам, дзе сярод іншага заявіў^[2]:

	Пабудаваныя на крыві сыстэмы ў гісторыі ніколі не былі трывалымі, а Справядлівасьць заўсёды вяртала зьдзейсьненае тым, хто пераступаў усялякія людзкія (ня кажучы ўжо пра Божыя) нормы.