Аболе

Возера

Аболе

Краіна	Беларусь
Плошча	4,67 км²^[1]
Плошча вадазбору	744 км²^[1]
Максымальная глыбіня	9,2 м^[1]
Сярэдняя глыбіня	3,2 м^[2]
Празрыстасьць	3 м^[2]
Найбольшая даўжыня	6,55 км^[1]
Найбольшая шырыня	1,43 км^[1]
Даўжыня берагавой лініі	17,6 км^[2]
Вышыня над узроўнем мора	134 м^[3]
Аб’ём вады	14,2 млн м³^[1]
Каардынаты	55°32′59″ пн. ш. 26°42′45″ у. д. / 55.54972° пн. ш. 26.7125° у. д. / 55.54972; 26.7125Каардынаты: 55°32′59″ пн. ш. 26°42′45″ у. д. / 55.54972° пн. ш. 26.7125° у. д. / 55.54972; 26.7125

Аболе на мапе Беларусі

Аболе

Або́ле — возера ў Браслаўскім раёне Віцебскай вобласьці. Знаходзіцца за 22 км на паўднёвы захад ад Браслава, каля вёсак Дварышча, Валейнішкі, Абаляны (Опсаўскі сельсавет). Належыць да групы Рычана-Дрысьвяцкіх азёраў.

Возера знаходзіцца ў басэйне ракі Прорвы (Дзьвіна), якая працякае праз возера. Плошча Аболе складае 4,67 км²^[1]. Найбольшая глыбіня возера — 9,2 м^[1]. Даўжыня возера — 6,55 км^[1], найбольшая шырыня — 1,43 км^[1]. Даўжыня берагавой лініі — 17,6 км^[2]. Аб’ём вады ў возеры складае 14,2 млн м³^[1].

Вадазбор (744 км²^[1]) сярэднеўзгорысты і спадзістахвалісты, пераважна разараны, каля 14 % пад лесам.

На поўначы праз раку Прорва злучана з возерам Ставок і далей з возерам Дрысьвяты. На захадзе вузкай пратокай злучана з возерам Думбля (балота Вялікая Думбля). Упадае 6 ручаёў і адзін канал. На возеры ёсьць 2 выспы, агульная плошча якіх складае 1,6 га (0,016 км²).

Будова

Возера эўтрофнае, праточнае. Катлавіна лагчыннага тыпу, выцягнутая. Схілы стромкія, вышынёй да 15 м. Берагавая лінія слабазьвілістае. Берагі вышынёй 0,3—0,5 м, пясчаныя, на паўднёвым захадзе забалочаныя (мяжуе з балотам Вялікая Думбля), парасьлі хмызьняком.

Падводная частка катлавіны ўтварае 2 плёсы: паўночны невялікі мелкаводны і паўднёвы глыбокі. Найбольшыя глыбіні знаходзяцца ля ўсходняга берагу цэнтральнай частцы паўднёвага плёсу. Дно да 1 м займае 17 % плошчы і выслана пяском, глыбей высокапопельны гліністы іл.

Флёра

Надводная расьліннасьць утварае паласу шырынёй 30—600 м

Фаўна

Водзяцца лешч, шчупак, судак, сом, сазан, лін, акунь, плотка, карась, краснапёрка. Ёсьць вугор.

Крыніцы

^ ^а ^б ^в ^г ^д ^е ^ё ^ж ^з ^і ^к ^л Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1. С. 29.
^ ^а ^б ^в ^г Энцыклапедыя прыроды Беларусі: у 5 т. Т. 1: Ааліты ― Гасцінец / Рэдкал.: І. П. Шамякін (галоўны рэдактар) і інш. — Мн.: БелСЭ, 1983. — 574 с.: іл.. С. 19.
^ ^а ^б GeoNames (анг.) — 2005.

Літаратура

Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1. С. 29.
Энцыклапедыя прыроды Беларусі: у 5 т. Т. 1: Ааліты ― Гасцінец / Рэдкал.: І. П. Шамякін (галоўны рэдактар) і інш. — Мн.: БелСЭ, 1983. — 574 с.: іл.. С. 19.
Природа Белоруссии: популярная энциклопедия. / Рэдкал.: И. П. Шамякин, А. Г. Булавко, Р. Г. Гарецкий и др. — Мн.: «Белорусская Советская Энциклопедия», 1986. — 598 с.. С. 199.

Вонкавыя спасылкі

Інтэрнэт-энцыкляпэдыя «Все озера Беларуси», т.4 (рас.)

[blue_book-1] а ^б ^в ^г ^д ^е ^ё ^ж ^з ^і ^к ^л Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1. С. 29.

[EPB-2] а ^б ^в ^г Энцыклапедыя прыроды Беларусі: у 5 т. Т. 1: Ааліты ― Гасцінец / Рэдкал.: І. П. Шамякін (галоўны рэдактар) і інш. — Мн.: БелСЭ, 1983. — 574 с.: іл.. С. 19.

[_48c6218da6223103-3] а ^б GeoNames (анг.) — 2005.

[1]

[2]

[3]