Іван Юркевіч
Іван Данілавіч Юркевіч (нар. 22 чэрвеня 1902, в. Сяргеевічы, Пухавіцкі раён, Менская вобласьць — 21 верасьня 1991) — беларускі вучоны-геабатанік, фэноляг, лесавод. Акадэмік Нацыянальнай акадэміі навук Беларусі (1956; член-карэспандэнт з 1953), доктар сельскагаспадарчых навук (1948), прафэсар (1949). Заслужаны дзеяч навукі БССР (1968)[4].
Іван Юркевіч | |
| Дата нараджэньня | 22 чэрвеня (5 ліпеня) 1902 або 1902[1][2][3] |
|---|---|
| Месца нараджэньня | |
| Дата сьмерці | 21 верасьня 1991 |
| Месца вучобы | |
| Занятак | батанік, геабатанік, лесазнавец |
| Навуковая сфэра | геабатаніка, фэналёгія[d] і лесаводзтва[d] |
| Месца працы | |
| Навуковая ступень | доктар сельскагаспадарчых навук[d] |
| Вучні | Віктар Гельтман[d], Віктар Парфёнаў[d] і Уладзімір Сцяпанавіч Адзярыха[d] |
| Узнагароды |         |
Жыцьцяпіс рэдагаваць
Скончыў Беларускую сельскагаспадарчую акадэмію (1930)[4]. З 1930 г. выкладчык, асыстэнт, дацэнт Беларускага лесатэхнічнага інстытуту[4], адначасова з 1932 году старэйшы навуковы супрацоўнік, загадчык сэктару, намесьнік дырэктару, загадчык катэдры Беларускага НДІ лясной гаспадаркі. З 1953 году загадчык лябараторыі і дырэктар Інстытуту лесу АН БССР, з 1956 году загадчык лябараторыі Інстытуту біялёгіі АН БССР[4], з 1963 году дырэктар, з 1967 году загадчык лябараторыі Інстытута экспэрымэнтальнай батанікі імя В. Ф. Купрэвіча АН БССР[4].
Прэзыдэнт Беларускага рэспубліканскага батанічнага таварыства з 1956 году[4].
Навуковая дзейнасьць рэдагаваць
Работы па пытаньнях лясной, лугавой і балотнай расьліннасьці, фэналёгіі, плоданашэньня, унутрывідавых формаў драўняных расьлін[4]. Распрацаваў геабатанічнае раянаваньне Беларусі, даў клясыфікацыю тыпаў лясоў, правёў дасьледаваньні па ацэнцы стану і аднаўленьні сусьветна вядомых беларускіх дуброў[4]. Вывучаў структуру расьліннага покрыва, заканамернасьці яго разьмяшчэньня на тэрыторыі Беларусі і ахове каштоўнага мясцовага генафонду расьліннага покрыва. Сумесна з вучнямі абагульніў найважнейшыя вынікі дасьледаваньняў асноўных фармацый лясоў, распрацаваў прынцыпы і рэгіянальную мэтодыку мапаскладаньня расьліннасьці і на гэтай аснове стварыў сэрыю геабатанічных мапаў рэспублікі і асобных рэгіёнаў[4].
Бібліяграфія рэдагаваць
- Библиография научных трудов академика АН БССР И. Д. Юркевича. — Мн., 1977.
- Леса Белорусского Полесья. — Мн., 1977. (разам з М. Ф. Лоўчым і В. С. Гельтманам)
- Сосновые леса Белоруссии. — Мн., 1984. (разам з М. Ф. Лоўчым)
Узнагароды рэдагаваць
Дзяржаўная прэмія СССР 1951 года і Дзяржаўная прэмія БССР 1972 года[4].
Глядзіце таксама рэдагаваць
- Лідзія Іванаўна Навічыхіна (Юркевіч) — пляменьніца Івана Юркевіча
Крыніцы рэдагаваць
- ^ International Plant Names Index (анг.) — 1999.
- ^ Ivan Danilovich Jurkevich // аўтар назвы
- ^ Ivan Danilovich Jurkevich // Harvard University Herbaria & Libraries Index of Botanists (анг.) — Harvard University Herbaria and Libraries.
- ^ а б в г д е ё ж з і Юркевич Иван Данилович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 712. — 737 с.
Літаратура рэдагаваць
- Типы лесов Белорусской ССР. Мн.: Гос. изд-во БССР, 1948.
- Дубравы Белорусской ССР и их восстановление. 2-е изд. Мн.: Изд-во АН БССР, 1960.
Вонкавыя спасылкі рэдагаваць
- Іван Данілавіч Юркевіч у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (рас.)