Іван Дзенісевіч
Іван Дзенісевіч (нарадзіўся 9 лістапада 1984 году) — беларускі футбаліст, паўабаронца.
| Іван Дзенісевіч | ||
| Пэрсанальная інфармацыя | ||
|---|---|---|
| Нарадзіўся | 9 лістапада 1984[1] (40 гадоў) | |
| Рост | 176 см | |
| Вага | 75 кг | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2004—2006 | Дарыда | 59 (2) |
| 2007—2009 | Нёман Горадня | 61 (11) |
| 2010 | Шахцёр Салігорск | 33 (8) |
| 2011—2014 | Нёман Горадня | 84 (16) |
| 2014 | Гарадзея | 15 (2) |
| 2015 | Нёман Горадня | 4 (0) |
| 2015—2016 | Іслач | 38 (2) |
| Зборныя | ||
| 2002 | Беларусь (да 19)[d] | 3 (2) |
| 2005—2006 | Беларусь (да 21) | 11 (0) |
Кар’ера
рэдагавацьКлюбная
рэдагавацьВыхаванец СДЮШАР-6 горада Горадні, але хутка трапіў у менскае «Дынама», дзе гуляў за дубль. У 2004 годзе перайшоў у «Дарыду», дзе замацаваўся ў асноўным складзе. З 2007 году гуляў за гарадзенскі «Нёман», быў адным з ключавых гульцоў. У 2010 годзе выступаў за салігорскі «Шахцёр», але пасьля вярнуўся ў гарадзенскі клюб.
Сэзон 2013, як і раней, пачаў на пазыцыі атакуючага паўабаронцы, у дадатак стаў капітанам каманды. 31 траўня 2013 году дапамог «Нёману» перамагчы менскае «Дынама», аформіўшы дубль у браму менчукоў. 23 чэрвеня 2013 году ў матчы супраць берасьцейскага «Дынама» атрымаў цяжкую траўму, празь якую больш у сэзоне 2013 году на полі не зьяўляўся.
У 2014 годзе вярнуўся на поле, але некаторы час заставаўся па-за асноўным складам. Нарэшце ў чэрвені 2014 году зноў стаў гульцом першага складу, але ў канцы ліпеня пакінуў гарадзенскі клюб па сканчэньні кантракту[2]. У жніўні падпісаў кантракт з «Гарадзеяй» да канца сэзону[3]. У сакавіку 2015 году вярнуўся ў гарадзенскі «Нёман»[4], а ў ліпені пакінуў каманду[5]. Аднак, гэтым разам выступы за «Нёман» не задаліся, бо Іван згуляў толькі ў чатырох матчах чэмпіянату і двух кубкавых, а з траўня быў у адпачынку[6]. 7 ліпеня, гэтак і не вярнуўшыся на поле, пакінуў клюб па заканчэньні кантракта[7]. У канцы ліпеня 2015 году падпісаў кантракт з клюбам «Іслач»[8], якая на той час спаборнічала ў Першай лізе. Дапамог клюбу прабіцца ў Найвышэйшую лігу, дзе ў сэзоне 2016 году заставаўся асноўным атакуючым паўабаронцам. Пасьля гэтага завяршыў кар’еру[9][10].
Пасьля зыходу з «Іслачы» адкрыў дзіцячую футбольную школу ў Гародне[11]. Неўзабаве таксама апынуўся ўцягнутым у справу аб дамоўных матчах. У лютым 2018 году дыскваліфікаваны Беларускай фэдэрацыяй футболу на 2 гады за ўдзел у дамоўленых гульнях[12].
Міжнародная
рэдагавацьГуляў за моладзевую зборную Беларусі.
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Нёман | 2015 | Найвышэйшая ліга | 4 | 0 |
| Іслач | Першая ліга | 13 | 1 | |
| 2016 | Найвышэйшая ліга | 25 | 1 | |
Крыніцы
рэдагаваць- ^ а б в Ivan Denisevich // Transfermarkt (мн.) — 2000.
- ^ Денисевич уходит из «Немана» (рас.)
- ^ Иван Денисевич перешел в «Городею» (рас.)
- ^ Денисевич вернулся в «Неман» (рас.)
- ^ «Неман» не стал продлевать контракт с Денисевичем (рас.)
- ^ Футбол. Иван Денисевич, взяв в клубе отпуск за свой счет, пропустил уже два тура чемпионата Беларуси (рас.) Архіўная копія ад 2015-06-03 г.
- ^ Футбол. Иван Денисевич покинул "Неман" (рас.) Архіўная копія ад 2015-07-09 г.
- ^ Иван Денисевич продолжит карьеру в «Ислочи» (рас.)
- ^ Денисевич покинул «Ислочь» (рас.)
- ^ «Прессбол» №49 (4019), 31 сакавіка 2017
- ^ Дело о “договорняках”. “Друзья-однополчане”, где же вы теперь? (рас.) Архіўная копія ад 2021-12-13 г.
- ^ Дело о договорных матчах: КДК АБФФ пожизненно дисквалифицировал 11 футболистов и Владимира Маковского (рас.)
Вонкавыя спасылкі
рэдагаваць- Статыстыка «ПБ-Инфо» (рас.)