Звычайны канюк
Звычайны канюк (па-лацінску: Buteo buteo) — птушка з атраду сокалападобных (Falconiformes) сямейства ястрабіных (Accipitridae). Звычайны канюк зьяўляецца самай распаўсюджанай птушкай з атраду сокалападобных у Цэнтральнай Эўропе.
| Звычайны канюк | |
 | |
| Клясыфікацыя | |
|---|---|
| Царства | Жывёлы |
| Кляса | Птушкі |
| Атрад | Сокалападобныя |
| Сямейства | Ястрабіныя |
| Род | Buteo |
| Від | B. Buteo |
| Бінамінальная намэнклятура | |
| Buteo buteo | |
.jpg)
Звычайны канюк вельмі лёгка прыстасоўваецца да асяродзьдзя: бязь цяжкасьцей адаптуецца да новых жыцьцёвых арэалаў і хутка зьмяняе свае харчавальныя звычкі. Сустракаецца на працягу круглага году практычна ва ўсіх геаграфічных ляндшафтах: ад раўнін да гарыстай мясцовасьці і ад урэдзь заселеных мясьцін да ўскраін буйных гарадоў.
Распазнаць звычайнага канюка ў небе няцяжка па характэрным лунальным палёце, шырокіх закругленых крылах і адносна кароткім круглаватым хвасьце. Афарбоўка пер’я птушкі дастаткова пераменная: ад амаль што цалкам у белы колер афарбаваных асобін да цёмна-бурых экзэмпляраў. Пры гэтым не назіраецца ніякая залежнасьць паміж геаграфічнымі варыяцыямі і афарбоўкай птушкі. Гэтая адметная рыса асабліва яскрава адлюстраваная ў францускім варыянце назвы птушкі — «Buse variable» (канюк пераменны). Варыятыўны характар афарбоўкі пер’я звычайнага канюка выклікае падчас цяжкасьці ў адназначнай клясыфікацыі птушкі, асабліва для назіральніка бяз вопыту. Распазнаць птушку можна таксама па характэрным далёка ў асяродзьдзі чутным крыку канюка, які чымсьці нагадвае гук «хьее» альбо «кііі».
Гнёзды звычайныя канюкі віюць амаль што заўсёды ў лесе і палююць на адкрытых навакольных тэрыторыях, напрыклад, палях. У спэктрум здабычы звычайнага канюка ўваходзяць дробныя млекакормчыя: пераважна палявыя мышы; харчуецца таксама маладымі птушкамі, рэптыліямі, амфібіямі, казюлькамі ды чарвякамі і нават здыхлінай. На ахвяру кідаецца зь сядзячага становішча і дастаткова рэдка зь нізкага шукальнага палёту.
.jpg)
У сакавіку альбо сярэдзіне красавіка самка кладзе 2—4 яйкі, наседжвае патомства без выключэньняў толькі самка, працягласьць наседжваньня складае 33—35 сутак, птушаняты пачынаюць пакідаць гнёзды праз 40—50 дзён з моманту кладкі яек.
_world.png)
Колькасьць папуляцыі звычайнага канюка, як правіла, залежыць ад колькасных паказчыкаў папуляцыі палявых мышэй адпаведнага жыцьцёвага арэалу. Пры невялікай колькасьці палявых мышэй значна павялічваецца квота птушак, якія не адкладваюць яйкі і не наседжваюць патомства.
Узрост птушкі можа дасягаць дваццаці гадоў, у няволі звычайны канюк дасягае нават значна большага ўзросту. Звычайная даўжыня цела дарослай птушкі — 51—57 сантымэтраў, размах крылаў — ад 110 да 130 сантымэтраў. Вялікімі групамі птушкі зьбіраюцца толькі ў час пералёту на зімнія кватэры. Па зьнешнім выглядзе звычайнага канюка дастаткова лёгка пераблытаць з касматаногім канюком (Buteo lagopus).
Вонкавыя спасылкі
рэдагаваць
Звычайны канюк — сховішча мультымэдыйных матэрыялаў