14-ы полк урадавай сувязі

	14-ы асобны полк урадавай сувязі
Гады існаваньня	з 25 жніўня 1991 (33 гады таму)
Краіна	Беларусь
Падпарадкаваньне	Камітэт дзяржаўнай бясьпекі Рэспублікі Беларусь
Тып	вайсковая частка сувязі
Функцыя	забесьпячэньні сувязі прэзыдэнта Беларусі
Дысьлякацыя	Маладэчна (Менская вобласьць)
Дзейны камандзір	Валер Гаршкоў

Каардынаты: 54°19′15″ пн. ш. 26°52′50″ у. д. / 54.32083° пн. ш. 26.88056° у. д. / 54.32083; 26.88056

14-ы асобны полк урадавай сувязі (14 апус) — воінская частка Камітэту дзяржаўнай бясьпекі Рэспублікі Беларусь, што месьціцца ў Маладэчне (Менская вобласьць).

Знаходзіцца ў Маладэчне на Замкавай вуліцы, д. 17^[1]. Вайсковая частка 04152. Забясьпечвае сувязь прэзыдэнта Беларусі ў ходзе працоўных паездак па абласьцях краіны^[2].

Мінуўшчына

25 жніўня 1991 году Вярхоўны Савет БССР зацьвердзіў Закон «Аб наданьні статусу канстытуцыйнага закона Дэклярацыі Вярхоўнага Савета БССР аб дзяржаўным сувэрэнітэце БССР» (Дзень Адраджэньня). У выніку зімовы заклік вайскоўцаў 14-ага асобнага палка ўрадавай сувязі (14 АПУС), які стварылі ў Маладэчне ў сакавіку 1956 году, прысягнуў на вернасьць Беларусі. У 1992 годзе полк падначалілі Міністэрству абароны Рэспублікі Беларусь. Празь некалькі месяцаў полк вярнулі ў падначаленьне Камітэту дзяржаўнай бясьпекі Рэспублікі Беларусь. 14-ы полк урадавай сувязі ўдзельнічаў у найбольшых вучэньнях Узброеных сілаў Рэспублікі Беларусь 2000-х гадоў: «Нёман-2001», «Бярэзіна-2002», «Чыстае неба – 2003», «Шчыт Айчыны – 2004» і «Восень-2008». У 2-й палове 2000-х гадоў прылады сувязі перавялі на лічбавы спосаб перадачы зьвестак, увялі ў дзеяньне мэтралягічную лябараторыю, палігон сувязі і ўнутраную лічбавую аўтаматычную тэлефонную станцыю (АТС) для абслугоўваньня абанэнтаў. У казармы правялі гарачую ваду. Для патрэбаў вайскоўцаў усталявалі пральныя машыны^[3]. Адначасна 14-ы полк урадавай сувязі пачаў удзельнічаць у сумесных вучэньнях з Узброенымі сіламі Расеі: «Шчыт Саюзу – 2006», «Захад-2009» і «Захад-2013»^[2]. У 2017 годзе большасьць вайскоўцаў 14-га палка, якія скончылі тэрміновую службу, перайшлі на працу ў сілавыя ведамствы і Міністэрства па надзвычайных сытуацыях Рэспублікі Беларусь. На 2018 год полк меў некалькі грузавікоў «МАЗ», абсталяваных вузламі шыфраванай сувязі^[4].

Камандзіры

Пётар Безкаравайны (1986—1993)^[3]
Валер Гаршкоў (з 2013 году)

Крыніцы

^ Кантакты // Камітэт дзяржаўнай бясьпекі Рэспублікі Беларусь, 2018 г. Архіўная копія ад 2018 г. Праверана 20 жніўня 2018 г.
^ ^а ^б 14-ы асобны полк урадавай сувязі // Камітэт дзяржаўнай бясьпекі Рэспублікі Беларусь, 2018 г. Архіўная копія ад 2018 г. Праверана 20 жніўня 2018 г.
^ ^а ^б Тацяна Лазоўская. Нэрв арміі // Плацдарм. — 8 жніўня 2013. — № 17 (25). — С. 3.
^ Аляксандар Камовіч, тэлеканал «Беларусь 1». 14-ы асобны полк урадавай сувязі сьвяткуе юбілей // Белтэлерадыёкампанія, 13 ліпеня 2018 г. Праверана 20 жніўня 2018 г.

Гэта — накід артыкула пра Беларусь. Вы можаце дапамагчы Вікіпэдыі, пашырыўшы яго.

[1] Кантакты // Камітэт дзяржаўнай бясьпекі Рэспублікі Беларусь, 2018 г. Архіўная копія ад 2018 г. Праверана 20 жніўня 2018 г.

[б-2] а ^б 14-ы асобны полк урадавай сувязі // Камітэт дзяржаўнай бясьпекі Рэспублікі Беларусь, 2018 г. Архіўная копія ад 2018 г. Праверана 20 жніўня 2018 г.

[а-3] а ^б Тацяна Лазоўская. Нэрв арміі // Плацдарм. — 8 жніўня 2013. — № 17 (25). — С. 3.

[4] Аляксандар Камовіч, тэлеканал «Беларусь 1». 14-ы асобны полк урадавай сувязі сьвяткуе юбілей // Белтэлерадыёкампанія, 13 ліпеня 2018 г. Праверана 20 жніўня 2018 г.

[1]

[2]

[3]

[4]