Дэклярацыя аб дзяржаўным сувэрэнітэце Беларусі

Дэклярацыя аб дзяржаўным сувэрэнітэце Беларускай Савецкай Сацыялістычнай Рэспублікі — ключавы дакумэнт, які абвясьціў аб незалежнасьці Беларусі ад СССР. Дэклярацыя была прынятая Вярхоўным Саветам БССР 27 ліпеня 1990 году і набыла канстытуцыйную сілу 25 жніўня 1991 году. Дзень прыняцьця дэклярацыі з 1991 па 1996 гг. адзначаўся як Дзень незалежнасьці Беларусі.

Гісторыя

18 чэрвеня 1990 г. Вярхоўны Савет БССР прымае рашэньне аб падрыхтоўцы Дэклярацыі аб дзяржаўным сувэрэнітэце^[1].

23 ліпеня праект быў прадстаўлены і знаходзіўся на зацьверджаньні па артыкулах і асобных фармулёўках. Урэшце, 27 ліпеня за прыняцьце Дэклярацыі цалкам прагаласавалі 229 дэпутатаў з 232 зарэгістраваных (пры трох, што не галасавалі)^[1].

Пасьля правалу путчу ў Маскве ў жніўні 1991 г. Вярхоўны Савет БССР 25 жніўня 1991 г. прыняў рашэньне прыдаць Дэклярацыі аб дзяржаўным сувэрэнітэце статус канстытуцыйнага закону.^[2]). На базе гэтага былі ўнесеныя зьмены ў Канстытуцыю 1978 г. У той жа самы дзень былі прынятыя пастановы аб забесьпячэньні палітычнай і эканамічнай самастойнасьці краіны і аб спыненьні дзейнасьці КПБ.

19 верасьня 1991 г. Беларуская Савецкая Сацыялістычная Рэспубліка была перайменаваная ў Рэспубліку Беларусь. Пагоня і Бел-чырвона-белы сьцяг зрабіліся дзяржаўнымі сымбалямі.

Крыніцы

^ ^а ^б Принятие Декларации о государственном суверенитете: факты, цифры, цитаты. naviny.by (27 ліпеня 2009). Праверана 27 ліпеня 2011 г.
^ Сяргей Навумчык. (25 жніўня 2010) Дзень незалежнасьці. Сьвята, якое будзе дзяржаўным. naviny.by. Праверана 27 ліпеня 2011 г.

Вонкавыя спасылкі

Вікікрыніцы зьмяшчаюць арыгінальныя матэрыялы, датычныя тэмы артыкула:

Дэклярацыя аб дзяржаўным сувэрэнітэце Рэспублікі Беларусь

[dekl-1] а ^б Принятие Декларации о государственном суверенитете: факты, цифры, цитаты. naviny.by (27 ліпеня 2009). Праверана 27 ліпеня 2011 г.

[2] Сяргей Навумчык. (25 жніўня 2010) Дзень незалежнасьці. Сьвята, якое будзе дзяржаўным. naviny.by. Праверана 27 ліпеня 2011 г.

[1]

[2]