Ян Ксавэры Канеўскі

Ян Ксавэры Канеўскі
	Ян Ксавэры Канеўскі
Імя пры нараджэньні	Jan Ksawery Kaniewski
Дата нараджэньня	1805
Месца нараджэньня	Красілаў, Украіна
Дата сьмерці	13 красавіка 1867
Месца сьмерці	Варшава, Польшча
Месца вучобы	Імпэратарская акадэмія мастацтваў[d] (1833); Крамянецкі калегіюм[d];
Занятак	маляр
Жанры	партрэт
Узнагароды
	Ян Ксавэры Канеўскі ў Вікісховішчы

Ян Ксавэры Канеўскі (па-польску: Jan Ksawery Kaniewski, па-італьянску: Francesco Saverio Kaniewski; 1805 — 13 красавіка 1867, Варшава) — польскі мастак, вядомы сваімі партрэтамі і карцінамі гістарычнай і біблійнай тэматыкі.

ЖыцьцёРэдагаваць

Ян Ксавэры Канеўскі нарадзіўся ў Красілаве на Падольлі. Навучаўся ў ліцэі ў Крамянцы, дзе пачаў вучыцца жывапісу і малюнку ў Юзэфа Пітшмана. У 1827—1833 вучыўся ў Імпэратарскай акадэміі мастацтваў у Санкт-Пецярбургу.

Скончыўшы акадэмію «вольным мастаком», ён накіраваўся ў Рым паводле ўрадавага гранту. У Рыме ён стаў вядомым дзякуючы створанаму партрэту папы Рыгора XVI, за які ён быў узнагароджаны Ордэнам залатой шпоры і быў прыняты ў чальцы Accademia Virtuosi рымскага Пантэону. Тут ён стварыў таксама партрэт Гаэтана Мароні.

У 1842 року вярнуўся ў Санкт-Пецярбург. За парадную карціну «Партрэт фэльдмаршала Івана Паскевіча» ў 1845 атрымаў званьне акадэміка жывапісу^[1]. У 1846 пераехаў у Варшаву, дзе па сьмерці Аляксандра Какуляра заняў ягоную пасаду ў школе прыгожых мастацтваў, пасьля быў яе дырэктарам (1858—1864). У 1860 стаў адным з арганізатараў Таварыства заахвочваньня прыгожых мастацтваў (па-польску: Towarzystwo Zachęty Sztuk Pięknych).

Па закрыцьці ў 1864 року школы прыгожых мастацтваў ў выніку палітычных рэпрэсіяў Канеўскі працягваў даваць мастацкія ўрокі.

Стварыў мноства партрэтаў чальцоў расейскай імпэратарскай сям’і, у тым ліку Аляксандра II, і чыноўнікаў Кангрэсавай Польшчы.

КрыніцыРэдагаваць

^ Таццяна Літвінава Творы мастакоў з Польшчы ў музеі палацава-паркавага ансамбля Дасьледаваньні. Гомельскі палацава-паркавы ансамбль. Праверана 29 красавіка 2011 г.

ЛітаратураРэдагаваць

Dizionario di erudizione storico-ecclesiastica, Vol. LXXXIII, p. 67 (n.d.)^(італ.)

Вонкавыя спасылкіРэдагаваць

Ян Ксавэры Канеўскі — сховішча мультымэдыйных матэрыялаў

[1] Таццяна Літвінава Творы мастакоў з Польшчы ў музеі палацава-паркавага ансамбля Дасьледаваньні. Гомельскі палацава-паркавы ансамбль. Праверана 29 красавіка 2011 г.

[1]