Ягелёнія Беласток

	Ягелёнія Беласток
Поўная назва	па-польску: Jagiellonia Białystok Sportowa Spółka Akcyjna
Заснаваны	1920
Горад	Беласток, Польшча
Стадыён	Гарадзкі стадыён; Умяшчальнасьць: 22 386
Прэзыдэнт	Цэзары Кулеша[d]
Галоўны трэнэр	Мацей Сталярчык[d];
Чэмпіянат	Экстракляса
· 2022—2023	14 месца
	Галерэя здымкаў у Вікісховішчы; jagiellonia.pl (пол.)

«Ягелёнія» (па-польску: Jagiellonia) — польскі футбольны клюб з гораду Беластоку. Заснаваны ў 1920 годзе. Уладальнік Кубка Польшчы (2010) і Супэркубка Польшчы (2010). Клюб названы ў гонар караля Польшчы й Вялікага князя літоўскага Ўладыслава Ягайлы. Свае хатнія матчы клюб праводзіць на Гарадзкім стадыёне, які зьведаў рэканструкцыю ў 2014 годзе. Пасьля атрыманьня Кубку Польшчы «Ягелёнія» ўпершыню ў гісторыі ўзяла ўдзел у эўракубках, але каманда ня здолела кваліфікавацца ў Лігу Эўропы, саступіўшы ў трэцім кваліфікацыйным раўндзе грэцкаму клюбу «Арыс». У сэзоне 2018—2019 гадоў беластоцкая дружына зьбірала ў сярэднім 9458 наведвальнікаў на хатнія матчы ў лізе^[4].

Гісторыя рэдагаваць

Матч паміж «Рухам» і «Ягелёнія» ў лістападзе 2009 году.

Клюб быў заснаваны жаўнерамі рэзэрвовага батальёну 42-га стралковага палку 30 траўня 1920 году. У першыя гады ўключна з 1923 годам большасьць матчаў каманды былі таварыскія сустрэчы альбо невялікія турніры ў самім Беластоку. Клюб далучыўся да акруговай лігі ў 1924 годзе, пачынаючы з Клясы Б акругі Вільні. У першы ж сэзон беластокцы атрымалі посьпех і адразу здабылі перамогу ў сваёй групе ў дэбютным сэзоне, атрымаўшы прасоўваньне ў Клясу А акругі Вільні. Праз паўзу ў турнірах матчаў у лігах у 1925 годзе не было^[5]. Толькі ў 1926 годзе каманда дэбютавала ў галоўным дывізіёне віленскай акругі. У далейшыя гады каманда пагоршыла свае вынікі. У 1929 годзе беластоцкая каманда ўжо гуляла ў навастворанай Беластоцкай акрузе, а ў 1932 клюб пастанавіў аб’яднацца зь іншым камандай Зьвязу сельскай моладзі Беластоку. Новай назвай была абраная «Ягелёнія», як даніна памяць дынастыі Ягайлавічаў, якая некалькі стагодзьдзяў панавалі ў Рэчы Паспалітай^[6]. У той жа час колерамі каманды сталі жоўты і чырвоны.

Напрыканцы 1930-х гадоў празь фінансавыя цяжкасьці клюб быў ліквідаваны. Большасьць гульцоў далучылася да складу беластоцкага клюбу «Сагітарыюс», які таксама спыніў сваё існаваньне праз пачатак Другой сусьветнай вайны. Па вайне «Ягелёнія» адрадзілася дзякуючы намаганьням Караля Кавальчынскага^[7], але адраджэньне было нядоўгім. Ужо 20 чэрвеня 1946 году клюб быў распушчаны^[7]. Наўзамен быў створаны клюб «Матор», які няблага вытупаў у рэгіянальных спаборніцтвах. У 1949 годзе паўстаў клюб «Будаўляны», які ў 1951 годзе аб’яднаўся з «Маторам». У 1955 годзе аб’яднаны клюб атрымаў назву «Ягелёнія», а 26 студзеня 1957 году адбылося зьліцьцё «Ягелёніі» і «Спарты». Клюб працягнуў свае выступы ў рэгіянальных спаборніцтвах.

Склад рэдагаваць

Актуальны на 18 кастрычніка 2023 году

№	Пазыцыя	Імя	Год нараджэньня
1	Бр	Златан Алямэравіч	1991
3	Аб	Душан Стоінавіч	2000
5	Аб	Боян Настыч	1994
6	ПА	Тарас Раманчук (капітан)	1991
7	Нап	Дамінік Марчук	2003
8	ПА	Нэнэ	1995
10	Нап	Афіміку Пулулу	1999
11	ПА	Хэсус Імас	1990
14	ПА	Яраслаў Кубіцкі	1995
16	ПА	Міхал Сачак	1996
17	Аб	Адрыян Д’егес	1996
18	Нап	Томаш Купіш	1990
19	Аб	Павал Альшэўскі	1999
21	ПА	Кшыштаф Тапаркевіч	2002
23	Нап	Мікалай Васілеўскі	2001
27	Аб	Бартломей Удовік	2000

№	Пазыцыя	Імя	Год нараджэньня
28	Нап	Хасэ Наранха	1994
29	Нап	Міхал Самборскі	2004
31	Аб	Міхал Озга	2000
32	Аб	Мілаш Матысік	2004
33	Бр	Бартломей Жынэль	1998
36	Аб	Якуб Лявіцкі	2005
38	Нап	Даміян Вайдакоўскі	2005
39	ПА	Арэльен Нгіямба	1999
40	Аб	Патрык Чэрах	2001
50	Бр	Славомір Абрамовіч	2004
51	Нап	Алян Рыбак	2006
66	Бр	Мілаш Пекутоўскі	2006
72	Аб	Матэвуш Скшыпчак	2000
77	Нап	Войцех Ласкі	2000
99	ПА	Крыстафэр Гансэн	1994
—	Нап	Мацей Твароўскі	2001