Юры Захаранка

	Юры Захаранка
Міністар унутраных справаў Рэспублікі Беларусь
	28 ліпеня 1994 — 16 кастрычніка 1995
Прэзыдэнт:	Аляксандар Лукашэнка
Прэм’ер-міністар:	Міхаіл Чыгір
Папярэднік:	Уладзімер Данько
Наступнік:	Валянцін Агалец
Асабістыя зьвесткі
Нарадзіўся:	4 студзеня 1952; Васілевічы, Рэчыцкі раён, Гомельская вобласьць, Беларусь
Памёр:	7 траўня 1999 (47 гадоў)
Партыя:	АГП
Сужэнец:	Вольга Захаранка
Адукацыя:	Акадэмія кіраваньня МУС Расеі[d] (1987);
	Юры Захаранка ў Вікісховішчы

Юры Мікалаевіч Захаранка (4 студзеня 1952 — 7 траўня 1999 (?)) — палкоўнік, былы міністар унутраных справаў Беларусі й апазыцыйны палітык, зьнік у 1999 годзе.

Біяграфія

Дэманстранты ў Варшаве з партрэтамі загінулых беларускіх палітыкаў, 12 сьнежня 2003 году. Партрэт Юрыя Захаранкі першы зьлева.

Выступ у Варшаве ў памяць загінулых, 7 ліпеня 2004 году.

Юры Захаранка нарадзіўся ў мястэчку Васілевічы Рэчыцкага раёну. З 1977 году — сьледчы ў Шацілавічах, Гомелі, начальнік сьледчага аддзела.

У момант, калі Беларусь атрымала незалежнасьць, Захаранка быў намесьнікам старшыні міжрэгіянальнага аддзелу па барацьбе з арганізаванай злачыннасьцю МУС СССР. 28 ліпеня 1994 году ўказам прэзыдэнта Аляксандра Лукашэнкі №11 прызначаны Міністрам унутраных справаў Беларусі. 5 жніўня 1994 году ўказам прэзыдэнта Аляксандра Лукашэнкі №22 нададзена званьне генэрал-маёр. 16 кастрычніка 1995 году ўказам прэзыдэнта Аляксандра Лукашэнкі №424 звольнены з пасады Міністра ўнутраных справаў Беларусі. 16 красавіка 1996 году ўказам прэзыдэнта Аляксандра Лукашэнкі №149 зьніжаны ў званьні да палкоўніка й звольнены зь Міністэрства ўнутраных справаў.

Захаранка далучыўся да апазыцыі й быў абраны ў склад кіраўніцтва Аб’яднанай грамадзянскай партыі. Маючы падтрымку й аўтарытэт сярод вайскоўцаў і сілавых структураў, Захаранка быў небясьпечным праціўнікам для прэзыдэнта А. Лукашэнкі.

Юры Захаранка быў скрадзены ўвечары 7 траўня 1999 году. Паводле словаў палітычнага эмігранта й былога начальніка СІЗА №1 Алега Алкаева, Юры Захаранка быў выкрадзены, а пасьля гэтага расстраляны паводле загадаў людзей, набліжаных да Аляксандра Лукашэнкі.

Сям’я Юрыя Захаранка — жонка, дзьве дачкі й унукі — ад 2000 году жывуць у Нямеччыне, дзе атрымалі палітычны прытулак. Маці Ўльяна Рыгораўна памерла ў 2018 на 95-м годзе жыцьця^[2].

Крыніцы

^ ^а ^б Кто есть кто в Республике Беларусь (пол.) / пер. B. Siegień — Białystok: Podlaski Instytut Wydawniczy, 2000. — С. 290. — 313 с. — ISBN 978-83-913780-0-7
^ Памерла Ульяна Захаранка — маці зніклага апазіцыянера Юрыя Захаранкі. Эўрапейскае радыё для Беларусі (14 мая 2018). Праверана 14 мая 2018 г.

Вонкавыя спасылкі

[_f755c197bebac80f-1] а ^б Кто есть кто в Республике Беларусь (пол.) / пер. B. Siegień — Białystok: Podlaski Instytut Wydawniczy, 2000. — С. 290. — 313 с. — ISBN 978-83-913780-0-7

[2] Памерла Ульяна Захаранка — маці зніклага апазіцыянера Юрыя Захаранкі. Эўрапейскае радыё для Беларусі (14 мая 2018). Праверана 14 мая 2018 г.

[1]

[2]