Юрбург

Ю́рбург, Ю́рбарк (лет. Jurbarkas) — горад у Летуве, на рацэ Нёмане. Адміністрацыйны цэнтар Юрбурскага раёну Таўроскага павету. Насельніцтва на 2017 год — 10 376 чалавек.

Юрбург
лет. Jurbarkas
Герб Юрбургу Сьцяг Юрбургу
Першыя згадкі:	1259
Горад з:	1611
Краіна:	Летува
Павет:	Таўроскі
Плошча:	13,28 км²
Насельніцтва (2017)
колькасьць:	10 376 чал.
шчыльнасьць:	781,33 чал./км²
Часавы пас:	UTC+2
летні час:	UTC+3
Тэлефонны код:	(+370) 447
Паштовыя індэксы:	LT-74001
Геаграфічныя каардынаты:	55°5′ пн. ш. 22°46′ у. д.
Юрбург на мапе Летувы Юрбург
Галерэя здымкаў у Вікісховішчы
http://www.jurbarkas.lt/

Юрбург — магдэбурскае места гістарычнай Жамойці.

Назва

Назва Юрбарку мае германскае паходжаньне (як і ў выпадку Трокаў, Кернава, Эйраголы ды пэўных іншых старажытных паселішчаў ліцьвінаў): ад гоцкага baurgs 'горад' — горад на рацэ Юры

Гісторыя

Першыя ўспаміны аб паселішчы адносяцца да 1259 году як аб крыжацкім замку Георгенбург. Замак знаходзіўся прыкладна за 3 км на захад ад сучаснага гораду, на ўзвышшы Бісьпілукаі. Крыжакі заставілі замак толькі пасьля Грунвальдзкай бітвы ў 1410 годзе, і ён перайшоў пад уладу Вялікага княства Літоўскага стаўшы памежным паселішчам з мытнай заставай.

У 1611 годзе Юрбург атрымаў ад вялікага князя Жыгімонта Вазы магдэбурскае права. У 1795 годзе, пасьля падзелаў Рэчы Паспалітай Юрбург трапіў у склад Расейскай імпэрыі і быў уключаны ў склад Ковенскай губэрні (1795—1915). У складзе Расеі Юрбург належаў фаварыту царыцы Кацярыны — Плятону Зубаву, які прадаў горад ўраду ў 1840 годзе. У 1846 годзе цар Мікалай І падараваў князю Васількавічу. Горад разьвіваўся разам з ростам гандлёвага абароту на Нёмане, але пасьля пракладкі чыгуначных лініяў прыйшоў у заняпад. У 1831 годзе, падчас паўстаньня 1830—1831 гадоў, горад быў часова заняты войскам паўстанцаў.

У 1909 годзе ў Юрбургу была тэлеграфная станцыя, прыстань, мытная застава і аптэка. Большасьць насельніцтва гораду складалі габрэі.

Пасьля 1920 году Юрбург быў у складзе Летувіскай Рэспублікі, насельніцтва налічвала 4409 чалавек (зь якіх 2350 былі габрэямі). Пасьля 1940 году Юрбург увайшоў у склад СССР. Практычна ўсё габрэйскае насельніцтва было зьнішчана падчас Другой сусьветнай вайны.

З 1950 году Юрбург стаў раённым цэнтрам.