Шумэг (замак)

Замак
Замак (фартэцыя) Шумэг
Краіна	Вугоршчына
Месцазнаходжаньне	Шумэг, мэд’е Вэспрэм
Каардынаты	46°58′56″ пн. ш. 17°16′56″ у. д.
Першае згадваньне	1301
Сайт	Афіцыйны сайт
Замак (фартэцыя) Шумэг на мапе Вугоршчыны Замак (фартэцыя) Шумэг
Замак (фартэцыя) Шумэг на Вікісховішчы

Замак Шумэг, або Шумэская фартэцыя (па-вугорску: Sümegi vár [ˈʃymeɡi va:r]) — замак (фартэцыя), разьмешчаны над горадам Шумэг на захадзе Вугоршчыны, за 20 км на поўнач ад возера Балатон.

Гісторыя

Замак быў узьведзены ў другой палове XIII стагодзьдзя ў якасьці падарунку вугорскага караля Іштвана V Вэспрэмскаму біскупству і складаўся спачатку з усяго адной вежы. У пісьмовых крыніцах замак упершыню згадваецца ў 1301 годзе. У XV стагодзьдзі замак быў істотна дабудаваны.

Пасьля заняпаду Вэспрэму ў 1552 годзе, Шумэг становіцца рэзыдэнцыяй біскупа, і замак быў зноў дабудаваны, у тым ліку быў пабудаваны бастыён для гарматаў. У часы асманскай экспансіі замак быў неаднаразова ўзяты ў аблогу, але беспясьпяхова для захопнікаў. У пачатку XVIII замак быў узяты ўдзельнікамі вызвольнага паўстаньня на чале з Фэрэнцам Ракацы, але ўжо ў 1709 годзе аўстрыйцы зноў занялі замак, а ў 1726 годзе падпалілі яго і ўзарвалі браму.

У другой палове XX стагодзьдзя, у час г.зв. Жалезнай заслоны, стан замку істотна пагоршыўся. Але з 1989 году замак Шумэг становіцца важным турыстычным аб’ектам: цяпер у ім ладзяцца сярэднявечныя рыцарскія турніры са сьвяточнымі вячэрамі, а дзякуючы нарвэскім інвэстарам замак быў цалкам рэстаўраваны.

Вонкавыя спасылкі

Шумэг (замак) — сховішча мультымэдыйных матэрыялаў