Летува́, Летуві́ская Рэспу́бліка — дзяржава ў Паўночнай Эўропе, найбольшая з трох балтыйскіх краінаў. Сябра Арганізацыі Паўночнаатлянтычнай дамовы, Рады Эўропы і Эўрапейскага Зьвязу, з 21 сьнежня 2007 году — паўнапраўны сябра Шэнгенскага пагадненьня. Колькасьць жыхароў краіны складае 2,9 млн. Сталіца і найбольшае места — Вільня, у 1919—1939 гадох сталіцай была Коўна. Дзяржаўны герб — Віціс, сьцяг — жоўта-зялёна-чырвоны.

На поўначы Летува мяжуе з Латвіяй, на ўсходзе — зь Беларусьсю, на паўднёвым захадзе — з расейскай Калінінградзкай вобласьцю, на поўдні — з Польшчай. На захадзе Летуву амывае Балтыйскае мора.
(артыкул цалкам…)