Чапунь

Чапунь — вёска ў Івейскім раёне Гарадзенскай вобласьці. Чапунь ўваходзяць у склад Лелюкінскага сельсавету.

Чапунь
Вобласьць:	Гарадзенская
Раён:	Івейскі
Сельсавет:	Лелюкінскі
Тэлефонны код:	+375 1595
Паштовы індэкс:	231339
Геаграфічныя каардынаты:	53°50′51″ пн. ш. 26°4′33″ у. д.
Чапунь на мапе Беларусі Чапунь

Гісторыя

У 2-й палове XVIII стагодзьдзя вёска ў Ашмянскім павеце Віленскага ваяводзтва. Адносілася да Дудзкага староства. У 1789 г. 17 аселых гаспадарак, каля 10 валок зямлі.

У 1861 г. 78 рэвіскіх душ. Адносілася да маёнтку Лугамавічы памешчыка Мілеўскага, у складзе Лугамавіцкага сельскага таварыства. У 1866 г. 23 двары, 165 жыхароў, у 1897 г. 41 двор, 311 жыхароў, у 1909 г. 53 двары, 348 жыхароў, 377 дзесяцін зямлі.

У 1921 — 1939 гг. у Лугамавіцкай гміне Валожынскага павета Наваградзкага ваяводзтва Польшчы. У 1921 г. 60 двароў, 277 жыхароў.

3 12 кастрычніка 1940 г. вёска (71 двор, 396 жыхароў) у Лугамавіцкім сельсавеце Юрацішкаўскага раёну. 3 28 ліпеня 1941 г. да 7 ліпеня 1944 г. акупаваная нямецкімі захопнікамі. У 1952 г. створаны калгас «Герой». 3 16 ліпеня 1954 г. цэнтар сельсавету. 3 20 студзеня 1960 г. у Івейскім раёне. 3 1954 г. у калгасе «Ленінскі шлях», з 1975 г. у калгасе імя М.І.Калініна, з 1986 г. цэнтар калгаса «Савецкая Беларусь». У 1970 годзе — 381 жыхар.

У 1999 г. 138 двароў, 387 жыхароў.

Інфармацыя для турыстаў

• Царква сьвятой Варвары
• Помнік Першай сусьветнай вайны нямецкім жаўнерам
• Помнік землякам, якія загінулі ў Вялікую Айчынную вайну.

Глядзіце таксама

• Малая Чапунь

Вонкавыя спасылкі

• Здымкі беларускай вёскі 1916 года прадаюцца за 1 еўра - фота, Наша Ніва, 18 лістапада 2012
• Сьвіная чума: рэпартаж з Чапуні Ютуб 06.2013