Ціўнавічы (Магілёўская вобласьць)
Ці́ўнавічы[1] (Ciŭnavičy) — вёска ў Сычкаўскім сельсавеце Бабруйскага раёну. Знаходзіцца за 45 км ад чыгуначнае станцыі Мірадзіна на лініі Бабруйск — Менск, за 8 км на паўночны захад ад Бабруйску каля шашы Бабруйск — Менск, за 118 км ад Магілёва.
| Ціўнавічы | |
| Вобласьць: | Магілёўская |
| Раён: | Бабруйскі |
| Сельсавет: | Сычкаўскі |
| Насельніцтва: | 64 (2007) |
| Колькасьць двароў: | 37 |
| Паштовы індэкс: | 213847 |
| Геаграфічныя каардынаты: | 53°12′53″ пн. ш. 29°7′13″ у. д. / 53.21472° пн. ш. 29.12028° у. д.Каардынаты: 53°12′53″ пн. ш. 29°7′13″ у. д. / 53.21472° пн. ш. 29.12028° у. д. |
Ціўнавічы на мапе Беларусі   Ціўнавічы | |
Гісторыя
рэдагавацьМагчыма, назоў ад пасады цівун ці ад прозьвішча Ціўновіч, Цівуновіч. У 1847 вёска ў складзе маёнтку Дварэц Бабруйскага павету Менскае губэрні, уласнасьць памешчыка, 8 двароў, 57 жыхароў. У 1857 уласнасьць дзяржавы. Паводле перапісу 1897 — вёска Ціўнавічы (яна ж Панюшкавічы) Гарбацэвіцкае воласьці Бабруйскага павету, 23 двары, 156 жыхароў. У 1907 — 180 жыхароў. У 1915 зь вёскі вылучаныя 3 хутары. У 1917 — 39 двароў, 234 жыхары, у 1926 — 43 двары. У 1931 створаны калгас «1 Мая». У ВАВ 29 вяскоўцаў загінулі на фронце. У 1959 — 161 жыхар, у 1970 — 159. У 1986 — 58 гаспадарак, 109 жыхароў, сама вёска ў складзе саўгасу імя Леніна.
Пляніроўка
рэдагавацьВёска ўяўляе сабой прамалінейную вуліцу арыентаваную з паўднёвага захаду на паўночны ўсход з двухбаковай драўлянай забудовай сядзібнага тыпу. У вёсцы маюцца крама, спартовая пляцоўка.
Крыніцы
рэдагаваць- ^ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. Гапоненка і інш.; пад рэд. В. Лемцюговай. — Менск: Тэхналогія, 2007. — 406 с. ISBN 978-985-458-159-0. (djvu).
Літаратура
рэдагаваць- Ціўнавічы // Гарады і вёскі Беларусі: Энцыклапедыя. Т.5. кн.1. Магілёўская вобласць / Гал. рэд. Г. П. Пашкоў. — Мн., 2008. — С. 213.