Царква Ўшэсьця Гасподняга (Капыль)

Помнік гісторыі
Царква Ўшэсьця Гасподняга
Царква Ўшэсьця Гасподняга да надбудовы пазалочанага купала-цыбуліны
Краіна	Беларусь
Места	Капыль
Каардынаты	53°09′12.25″ пн. ш. 27°05′27.57″ у. д. / 53.1534028° пн. ш. 27.0909917° у. д. / 53.1534028; 27.0909917Каардынаты: 53°09′12.25″ пн. ш. 27°05′27.57″ у. д. / 53.1534028° пн. ш. 27.0909917° у. д. / 53.1534028; 27.0909917
Канфэсія	Беларускі экзахат
Эпархія	Слуцкая япархія^[d]
Царква Ўшэсьця Гасподняга на мапе Беларусі Царква Ўшэсьця Гасподняга
Царква Ўшэсьця Гасподняга на Вікісховішчы

Царква Ўшэсьця Гасподняга — помнік гісторыі другой паловы XIX стагодзьдзя (мураўёўка) у Капылі. Знаходзіцца ў цэнтры места, на гістарычнай Царкоўнай вуліцы^[a]. Дзее. Твор архітэктуры расейскай эклектыкі.

Гісторыя рэдагаваць

Мураваную царкву Ўрадавага сыноду Расейскай імпэрыі (Маскоўскай царквы) у Капылі збудавалі ў 1866 годзе.

У 1930-я гады савецкія ўлады зачынілі царкву, будынак якой выкарыстоўвалі пад музэй. У 1990-я гады будынак царквы перадалі Беларускаму экзархату Маскоўскага патрыярхату.

Архітэктура рэдагаваць

Прыклад эклектычнай царкоўнай архітэктуры Расейскай імпэрыі. Гэта цэнтрычны крыжовы аб’ём, сярод аднолькавых крылаў якога вылучаецца 3-гранная апсыда. У сылюэце дамінуе цэнтральны 8-гранны аб’ём. На фоне паліхромнай бутавай муроўкі фасадаў вылучаюцца атынкаваныя і пабеленыя элемэнты дэкору: кутнія лапаткі, парталы 3 лучковых уваходаў, ліштвы аркавых аконных праёмаў. Над парталам галоўнага ўвахода стральчатая гатычная арка.

Ва ўнутранай прасторы ў цэнтральную залу шырокімі аркавымі прасьветамі адкрываюцца прытвор, бакавыя прыдзелы і акруглая, перакрытая конхай апсыда^[1].