Першы ўрад Арсеня Яцанюка
Ура́д Арсе́ня Яцаню́ка — ўрад Украіны, створаны ў выніку падзеяў Эўрамайдану напрыканцы лютага—пачатку сакавіка 2014 году ды які існаваў да ўтварэньня другога ўраду Арсеня Яцанюка, па выніках выбараў ў Вярхоўную Раду Ўкраіны (2014). Паводле ўкраінскага заканадаўства ачольваецца прэм’ер-міністрам краіны, якім зьяўляўся Арсень Яцанюк.
Новы ўрад краіны неўзабаве быў прызнаны большасьцю краінаў міжнароднае супольнасьці, у прыватнасьці канцлерам Нямеччыны Ангелай Мэркель, прэм’ер-міністаркай Латвіі Лаймдатай Страўюма і прэм’ер-міністрам Летувы Альгірдасам Буткявічусам, якія 27 лютага гэтага ж году афіцыйна павіншавалі Арсеня Яцанюка з прызначэньнем на пасаду[1][2][3]. У той жа дзень віцэ-прэзыдэнт ЗША Джо Байдэн заявіў, што ЗША выражае падтрымку часоваму ўраду краіны на чале зь Яцанюком[4][5][6][7]. Між іншым, падзеі, у выніку якіх быў сфармаваны новы ўрад краіны, былі асуджаныя Расеяй як незаконны пераварот, падобныя ацэнкі выказалі таксама прадстаўнікі ўладаў на Крымскім паўвостраве. Гэта, у сваю чаргу, спрычынілася да працягу г.зв. Крымскага крызісу, у якім актыўны ўдзел узялі прарасейскія ўладавыя структуры рэгіёну пры падтрымцы Расеі[8][9][10][11].
Утварэньне
рэдагавацьНапрыканцы лістапада 2013 году ў Кіеве, а потым па ўсёй тэрыторыі краіны пачаўся шэраг антыўрадавых дэманстрацыяў, якія, незважаючы на некалькі пэрыядаў своеасаблівага згасаньня пратэстаў, разьвіліся ў буйныя антыўрадавыя выступленьні. Урэшце ў выніку пратэстаў тагачасны прэзыдэнт Украіны Віктар Януковіч уцёк з краіны, і 21 лютага 2014 Вярхоўная Рада Ўкраіны, карыстаючыся вернутай на той момант Канстытуцыяй 2004 году, зацьвердзіла імпічмэнт Януковіча і надала паўнамоцтвы сьпікера Рады й выканаўца абавязкаў прэзыдэнта краіны аднаму зь лідэраў апазыцыі, Аляксандру Турчынаву[12].
Упершыню ўрад быў прадстаўлены на галоўным месцы пратэстаў Эўрамайдану, Майдане Незалежнасьці 26 лютага[13], на наступны дзень склад ураду быў зацьверджаны на чарговай сэсіі Вярхоўнае Рады[14][15]. У складзе новага ўраду не было прадугледжана ніводнае пасады для прадстаўнікоў партыі УДАР, у тым ліку й для ейнага лідэра, Віталя Клічко[16][17], у выніку чаго прадстаўнікі партыі адмовіліся ад фармаваньня новага ўраду[18].
У першы дзень утварэньня новага ўраду 250 дэпутатаў з партыяў Бацькаўшчына, УДАР і Свабода ўтварылі дэпутацкія фракцыі Эканамічнае разьвіцьцё й Сувэрэнная Эўрапейская Ўкраіна[19].
Як паведамляецца, новы ўрад не выказвае жаданьня па далучэньні Ўкраіны да НАТА[20].
Склад
рэдагавацьНіжэй прыведзены пералік новых чальцоў ураду Ўкраіны. Курсівам указаныя выканаўцы абавязкаў міністра.
| Пасада | Партыя | Займае[14][21] |
|---|---|---|
| Прэм’ер-міністар | Бацькаўшчына | Арсень Яцанюк |
| Першы віцэ-прэм’ер-міністар | Незалежны | Віталь Ярэма |
| Віцэ-прэм’ер-міністар | УА Свабода | Аляксандар Сыч |
| Віцэ-прэм’ер-міністар | незалежны | Уладзімер Гройсман |
| Міністар рэгіянальнага разьвіцьця, будаўніцтва й жыльлёва-камунальнае гаспадаркі Ўкраіны | Незалежны | Уладзімер Гройсман |
| Міністар юстыцыі | Бацькаўшчына | Павал Пятрэнка |
| Міністар замежных справаў | Незалежны | Андрэй Дзяшчыца (да 19 чэрвеня) |
| Незалежны | Павал Клімкін | |
| Міністар фінансаў | Незалежны | Аляксандар Шлапак |
| Міністар сацыяльнае палітыкі | Бацькаўшчына | Людміла Дзянісава |
| Міністар аховы здароўя | Актывісты Эўрамайдану | Алег Мусі |
| Міністар эканамічнага разьвіцьця й гандлю |
Незалежны | Павал Шарамета[22] |
| Міністар адукацыі й навукі | Незалежны | Сяргей Квіт |
| Міністар культуры | Актывісты Эўрамайдану | Яўген Нішчук[22] |
| Міністар абароны | УА Свабода | Ігар Ценюх (да 25 сакавіка) |
| Незалежны | Міхаіль Коваль | |
| Міністар унутраных справаў | Бацькаўшчына | Арсэн Авакаў |
| Міністар аграрнае палітыкі й харчаваньня | УА Свабода | Ігар Швайка |
| Міністар паліва й энэргетыкі | Юры Продан | |
| Міністар экалёгіі й прыродных рэсурсаў | УА Свабода | Андрэй Мохнік |
| Міністар інфраструктуры | Бацькаўшчына | Максім Бурбак |
| Міністэрства моладзі й спорту | Актывісты Эўрамайдану | Дзьмітры Булатаў |
| Міністар Кабінэту міністраў Украіны | Бацькаўшчына | Астап Семярак[a] |
24 ліпеня гэтага ж году старшыня ўраду Арсень Яцанюк падаў у адстаўку з прычыны распаду кааліцыі «Эўрапейскі выбар». Як адзначыў Яцанюк, дзеля фармаваньня новае кааліцыі давялося б прыбегнуць да супрацоўніцтва з прыхільнікамі былога ўраду — Партыяй Рэгіёнаў і КПУ, якія, на думку Яцанюка, блякуюць ініцыятывы ўраду, аднак Яцанюк падкрэсьліў недапушчальнасьць гэтага варыянту. Іншым варыянтам паводле Яцанюка стала адстаўка прэм’ер-міністра й ураду, на што, на думку прэм’ера, урадавыя асобы й мусяць пайсьці[23].
Крыніцы
рэдагаваць- ^ У сьпісах на зацьвярджэньне ўказаны як «Яўген Семярак».
- ^ Афіцыйная старонка Фэдэральнага Ўраду Нямеччыны. Stabilising Ukraine's economy. — 2014.
- ^ Нацыянальнае навінавае агенцтва Латвіі. PM Straujuma offers her congratulations to new government in Ukraine. — 2014.
- ^ The Lithuania Tribune. PM Butkevičius congratulates Ukraine’s new Prime Minister. — 2014.
- ^ Matthew Bodner. New Ukraine Government Has White House's Support, U.S. Vice President Says. — 2014.
- ^ Associated Press. Joe Biden calls new Ukraine leader, pledges support // Politico. — 2014.
- ^ Voice of America. Biden: U.S. Supports Ukraine's New Government. — 2014.
- ^ Reuters. Vice President Biden calls Ukraine PM Yatseniuk, pledges U.S. support. — 2014.
- ^ CNN. Demonstrators rally as Crimea crisis mounts. — 2014.
- ^ The Independent. Ukraine crisis: How do you solve a problem like Crimea?. — 2014.
- ^ The Washington Post. Transcript: Putin defends Russian intervention in Ukraine. — 2014.
- ^ BBC News. Ukraine crisis: Crimea parliament asks to join Russia. — 2014.
- ^ Радыё Свабода. Турчынаў выконвае абавязкі прэзыдэнта Ўкраіны. — 2014.
- ^ BBC News. Ukraine crisis: Yatsenyuk is PM-designate, Kiev Maidan told. — 2014.
- ^ а б Інтэрфакс-Украіна. Ukrainian parliament endorses new cabinet. — 2014.
- ^ Сегодня.ua Рада назначила новый Кабмин.
- ^ James Marson. Protest Leaders Pick Activists for 'Government of Unity'. — 2014.
- ^ BBC News. Ukraine crisis: Key players. — 2014.
- ^ Harriet Salem. Who exactly is governing Ukraine? // The Guardian. — 2014.
- ^ Інтэрфакс-Украіна. 250 MPs sign up to join coalition - Turchynov. — 2014.
- ^ Інтэрфакс-Украіна. Deschytsia states new government of Ukraine has no intention to join NATO. — 2014.
- ^ Інтэрфакс-Украіна. Maidan nominates Yatseniuk for prime minister. — 2014.
- ^ а б Maidan's Council agrees candidates for ministers of culture, economy, youth and sports, Інтэрфакс-Украіна
- ^ Яценюк подав у відставку з поста прем’єр-міністра // УНІАН. — 2014.
Вонкавыя спасылкі
рэдагаваць- Урадавы партал Украіны (укр.), (анг.), (рас.)