Арсэн Авакаў

Арсэ́н Бары́савіч Ава́каў (укр. Арсен Аваков; нарадзіўся 2 студзеня 1964 году, Баку, Азэрбайджанская ССР) — украінскі палітычны і грамадзкі дзяяч, міністар унутраных справаў Украіны з 22 лютага 2014 року да 15 ліпеня 2021. Дэпутат Вярхоўнай рады VII скліканьня. Заслужаны эканаміст Украіны.

Арсэн Авакаў лац. Arsen Avakaŭ
Арсэн Авакаў у 2010
Міністар унутраных справаў Украіны
22 лютага 2014 — 15 ліпеня 2021
Папярэднік:	Віталь Захарчанка
Наступнік:	Дзяніс Манастырскі
Старшыня Харкаўскай абласной дзяржаўнай адміністрацыі
4 лютага 2005 — 4 лютага 2010
Прэзыдэнт:	Віктар Юшчанка
Папярэднік:	Сьцяпан Масельскі
Наступнік:	Міхаіл Добкін
Асабістыя зьвесткі
Нарадзіўся:	2 студзеня 1964 (60 гадоў) Баку, Азэрбайджанская ССР
Партыя:	Бацькаўшчына
Сужэнец:	Іна
Дзеці:	Аляксандар
Бацька:	Барыс Авакаў (1936—1995)
Маці:	Тацяна (Тані) Ґабараева (1935—2002)
Адукацыя:	Харкаўскі політэхнічны інстытут
Узнагароды:	Заслужаны эканаміст Украіны
Арсэн Авакаў у Вікісховішчы

Старшыня Харкаўскай абласной дзяржаўнай адміністрацыі (2005—2010), чалец Рады нацыянальнай бясьпекі й абароны (2007—2008)

Біяграфія

Арсэн Авакаў нарадзіўся 2 студзеня 1964 году ў пасёлку імя Кірава (Кіраўскі раён, у цяперашні час — Бінагадзінскі раён) Баку (АзССР) у сям’і вайскоўца. З 1966 году пастаянна пражывае ва Ўкраіне.

У 1988 годзе скончыў інстытут паводле спэцыяльнасьці «Аўтаматызаваныя сыстэмы кіраваньня», кваліфікацыя — інжынэр-сыстэматэхнік. У 1987—1990 гадох працаваў інжынэрам ва Ўсесаюзным навукова-дасьледчым інстытуце аховы вод у Харкаве.

У 1990 годзе заснаваў і ўзначаліў АТ «Інвэстар», а ў 1992 годзе — камэрцыйны банк «Базіс».

У 2002 годзе абраны чальцом выканаўчага камітэту Харкаўскай мескай рады. Падчас прэзыдэнцкай кампаніі 2004 году быў намесьнікам кіраўніка харкаўскага штабу Віктара Юшчанкі.

4 лютага 2005 году ўказам прэзыдэнта Ўкраіны Віктара Юшчанкі прызначаны старшынём Харкаўскай абласной дзяржаўнай адміністрацыі.

Вонкавыя спасылкі

• Асабістая бачына  (рас.)