Уладзіслаў Глінскі
Уладзісла́ў Глі́нскі (нарадзіўся 29 траўня 2000 году, в. Багатырская, Салоніцкі сельсавет, Полацкі раён, Віцебская вобласьць, Беларусь) — беларускі футбаліст, абаронца клюбу «Віцебск».
| Уладзіслаў Глінскі | ||
| Пэрсанальная інфармацыя | ||
|---|---|---|
| Нарадзіўся | 29 траўня 2000[1] (24 гады) | |
| Рост | 177 см | |
| Вага | 75 кг[2] | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2017—2019 | Тарпэда Менск | 40 (0) |
| 2019 | БАТЭ | 0 (0) |
| 2020—2021 | Іслач | 3 (0) |
| 2021 | → Віцебск | 8 (0) |
| 2022—2023 | Віцебск | 34 (1) |
| Зборныя | ||
| 2017—2018 | Беларусь (да 19)[d] | 6 (0) |
| 2018—2019 | Беларусь (да 21) | 4 (0) |
Кар’ера
рэдагавацьЗаймаўся ў Полацкай дзіцяча-юнацкай спартыўнай школе №1. З 2013 году навучаўся таксама ў СДЮШАР менскага «Дынама», а пазьней у сталічным РДВАР. Першыя трэнэры — Сяргей Васільевіч Паўлаў, Антон Мікалаевіч Барэйка, Павал Уладзімеравіч Корбут.
Ад 2017 году да 2019 году Ўладзіслаў Глінскі выступаў за сталічнае «Тарпэда». Хутка здолеў замацавацца ў асноўным складзе каманды на пазыцыі правага абаронцы. Сэзон 2018 году пачынаў у пачатковым складзе, але зь лета пачаў радзей зьяўляцца на полі. У сэзоне 2019 году зноў стаў трывалым гульцом стартавага складу. У ліпені 2019 году ў сувязі зь фінансавымі праблемамі пакінуў «Тарпэда». Абаронцам цікавіўся «Арэнбург», але бакі ня здолелі дамовіцца аб умовах пераходу[3].
У жніўні 2019 году перайшоў у барысаўскі БАТЭ[4], дзе да сканчэньня сэзону 2019 году гуляў за клюбны дубль. У лютым 2020 году падпісаў кантракт з клюбам «Іслач»[5][6]. Праз траўмы зрэдку зьяўляўся на полі, у 2021 годзе выступаў за клюбны дубль. У ліпені 2021 года быў аддадзены ў арэнду ў «Віцебск»[7], дзе пачаў зьяўляцца ў першай адзінаццатцы. У сьнежні 2021 году перайшоў у «Віцебск» на трывалай аснове[8].
Міжнародная
рэдагавацьУ 2016—2017 гадах гуляў за зборную Беларусі (да 17 гадоў) у адборачным і элітным раўндах чэмпіянату Эўропы. У кастрычніку 2017 году і кастрычніку 2018 году гуляў за зборную Беларусі (да 19 гадоў) у адборачным раўндзе чэмпіянату Эўропы. 14 лістапада 2018 году дэбютаваў у зборнай Беларусі (да 21 году), выйшаўшы ў пачатковым складзе ў таварыскім матчы супраць зборнай Харватыі (1:3).
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Тарпэда Менск | 2017 | Першая ліга | 10 | 0 |
| 2018 | Найвышэйшая ліга | 16 | 0 | |
Крыніцы
рэдагаваць- ^ а б в Vladislav Glinskiy // Transfermarkt (мн.) — 2000.
- ^ а б https://www.pressball.by/footballstat/vladislav_glinski/
- ^ Глинский не перешел в "Оренбург"
- ^ Владислав Глинский подписал контракт с БАТЭ (рас.)
- ^ Глинский перешел из БАТЭ в «Ислочь». (рас.) BY.Tribuna.com. (6 лютага 2020)
- ^ Владислав Глинский заключил контракт с «волками». (рас.) Футбольный клуб «Ислочь». (6 лютага 2020)
- ^ "Витебск" арендовал у "Ислочи" Глинского
- ^ "Витебск" выкупил у "Ислочи" права на Глинского
Вонкавыя спасылкі
рэдагаваць- Статыстыка «ПБ-Инфо» (рас.)