Укля (возера)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Укля (неадназначнасьць).

Возера

Укля

Краіна	Беларусь
Плошча	9,83 км²
Плошча вадазбору	69,3 км²
Максымальная глыбіня	25 м
Сярэдняя глыбіня	5,6 м
Найбольшая даўжыня	5,8 км
Найбольшая шырыня	2,8 км
Даўжыня берагавой лініі	19,9 км
Вышыня над узроўнем мора	137 м^[1]
Аб’ём вады	55,3 млн м³
Каардынаты	55°35′1.43″ пн. ш. 27°18′50.97″ у. д. / 55.5837306° пн. ш. 27.3141583° у. д. / 55.5837306; 27.3141583Каардынаты: 55°35′1.43″ пн. ш. 27°18′50.97″ у. д. / 55.5837306° пн. ш. 27.3141583° у. д. / 55.5837306; 27.3141583

Укля на мапе Беларусі

Укля

Укля — возера ў Браслаўскім раёне Віцебскай вобласьці. Знаходзіцца за 18 км на паўднёвы ўсход ад Браслава каля вёскі Укля. Належыць да групы Абстэрнаўскіх азёраў.

Возера знаходзіцца ў басэйне ракі Вята. Плошча Уклі складае 9,83 км². Найбольшая глыбіня возера — 25 м, сярэдняя — 5,6 м. Даўжыня возера — 5,8 км, найбольшая шырыня — 2,8 км. Даўжыня берагавой лініі — 19,9 км. Аб’ём вады ў возеры складае 55,3 млн м³, плошча вадазбору возера — 69,3 км².

Схілы катлавіны возера на поўначы і поўдні маюць вышыню 10—12 м, на захадзе і ўсходзе схілы нізкія, забалочаныя. Берагі возера нізкія, пяшчаныя. На захадзе і ўсходзе берагі забалочаныя, на паўднёвым усходзе ў затоцы — высокія і знаходзяцца пад валунамі. Дно Уклі да глыбіні 3—3,5 м высланае пяском і апяшчаненым глеем, на большых блыбінях — сапрапэлем. Вадаём зарастае да глыбіні 2—2,5 м. З Уклі выцякае ручай у возера Абстэрна, упадаюць ручаіна з возера Інава, а таксама некалькі невялікіх ручаёў.

Крыніцы

^ ^а ^б GeoNames (анг.) — 2005.

Літаратура

Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1

[_b9542058531d55b7-1] а ^б GeoNames (анг.) — 2005.

[1]