|
Таварыства філяматаў (ад грэцкага «які імкнецца да веданьня») — таемнае патрыятычнае і асьветніцкае аб'яднаньне беларускіх і польскіх студэнтаў Віленскага ўнівэрсытэта, якое дзейнічала ў 1817—1823 гадох, чальцамі якога былі пасьля выбітныя паэты, навукоўцы, грамадзкія дзеячы.
Ікона Ма́ці Божай Вастрабрамскай — адна з галоўных хрысьціянскіх сьвятыняў Беларусі й Летувы, цудатворны абраз Маці Божай, які знаходзіцца ў віленскай Вострай браме. Адносіцца да рэдкага тыпу выявы Багародзіцы без дзіцятка на руках. Шануецца хрысьціянамі ўсіх канфэсіяў.
Белсат / Biełsat TV - гэта беларускі спадарожнікавы канал, які фінансуецца і юрыдычна ўваходзіць у склад Польскага тэлебачаньня. Фармальна ён быў зацьверджаны 17 ліпеня 2007 года Галоўным упраўленьнем Польскага тэлебачаньня, хаця над яго стварэньнем яшчэ з чэрвеня 2006 г. працавала група журналістаў з Польшчы і Беларусі пад кіраўніцтвам Агнешкі Рамашэўскай-Гузы, прызначанай на пасаду Дырэктара Тэлебачаньня Беларусь.
|
