Тарнопальскі замак
| замак | |
| |
| Краіна | Украіна |
| Месцазнаходжаньне | Тарнопаль |
| Каардынаты | 49°34′ пн. ш. 25°36′ у. д. / 49.567° пн. ш. 25.6° у. д.Каардынаты: 49°34′ пн. ш. 25°36′ у. д. / 49.567° пн. ш. 25.6° у. д. |
| Дата заснаваньня | 1540 |
| Будаваньне | 1540—1548 гады |
| Статус | помнік архітэктуры нацыянальнага значэньня Ўкраіны[d] |
Тарнопальскі замак на мапе Ўкраіны   Тарнопальскі замак | |
 Тарнопальскі замак на Вікісховішчы
| |
Тарнопальскі замак (па-ўкраінску: Тернопільський замок) — замак ва ўкраінскім горадзе Тарнопалі, пабудаваны ў 1540—1548 гадох. У наш час ад замку захаваўся толькі палац.
Гісторыя
рэдагавацьЗамак быў узьведзены ў 1548 годзе з мэтай абароны паўднёвых граніцаў Рэчы Паспалітае ад нападаў крымскіх татараў. У XVII стагодзьдзі фартэцыйныя ўмацаваньні ўяўлялі сабой прастакутнік, з аднаго боку якога быў глыбокі роў і вал з дубовым частаколам, а з другога — шутчная сажалка. На адрогах валу стаялі дзьве абарончыя вежы з байніцамі. Уехаць у замак можна было праз каменную браму з пад’ёмным мастом на ланцугах. Замак неаднаразова зьведаў напады татараў, а ў 1675 годзе быў спалены, пасьля чаго доўгі час прастаяў у зруйнаваным стане.
У XVIII стагодзьдзі быў адноўлены палац, які выкарыстоўваўся для розных мерапрыемстваў. У XIX стагодзьдзі тагачасны ўладар гораду Ф. Карытоўскі перабудаваў замак у палац, зьнішчыўшы рэшткі фартыфікацыйных умацаваньняў.
Падчас Першай сусьветнай вайны, у 1917 годзе, замак быў спалены расейскімі войскамі, якія пакідалі горад. Палац быў адноўлены ў 1931 годзе, але падчас Другой сусьветнай вайны, у красавіку 1944 году, зноў зруйнаваны. У 1956 годзе замак быў зноў адбудаваны.
Тарнопальскі замак у культуры і мастацтве
рэдагаваць
Тарнопальскі замак — сымбаль Тарнопалю і ягоны найстарэйшы будынак. З 1992 году выява замку прысутнічае на гербе гораду.
Першая акварэльная выява замку належыць беларускаму мастаку Напалеону Орду (1870-я гады, захоўваецца ў Нацыянальным музэі ў Кракаве, Польшча).
Пра Тарнопальскі замак напісалі вершы[1] мясцовыя паэты Любамір Гардэцкі, Алег Герман, Тацяна Лучка.
Крыніцы
рэдагаваць- ^ Вірші та пісні про тернопільський замок // Топільче.
Літаратура
рэдагаваць- Бойко В., Дуда І. Тернопільський замок (Старий замок) // Тернопільський енциклопедичний словник : у 4 т. / редкол.: Г. Яворський та ін. — Тернопіль : Видавничо-поліграфічний комбінат «Збруч», 2008. — Т. 3 : П — Я. — С. 426—427. — ISBN 978-966-528-279-2.