Сяргей Гоцманаў

Сярге́й Анато́льевіч Го́цманаў (нар. 27 сакавіка 1959, Карасу, Казаская Савецкая Сацыялістычная Рэспубліка, СССР) — беларускі футбаліст, які гуляў за зборную СССР у 1980-я гады. 4 разы прызнаваўся лепшым футбалістам Беларусі (1983, 1985, 1987, 1989).

Сяргей Гоцманаў
Пэрсанальная інфармацыя
Нарадзіўся	27 сакавіка 1959(1959-03-27) (64 гады) Менск, БССР
Рост	175 см
Вага	71 кг
Пазыцыя	нападнік
Клюбы
Гады	Клюб	Гульні (галы)¹
1978 1979—1990 1990 1990—1991 1991—1992 1992—1993 1993—1996 1996—1999	Дынама Берасьце Дынама Менск Брайтан энд Гоўв Альбіён Саўтгэмптан Гале 1896 Дынама Менск Дынама-93 Менск Мінэсота Тандэр	27 (2) 289 (31) 16 (4) 8 (0) 19 (4) 18 (7) 12 (3) 13 (0)
Зборныя
1984—1988 1992—1993	СССР Беларусь	31 (2) 3 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі.

Кар’ера

«Дынама» Менск

Першы футбольны клюб за які гуляў Гоцманаў — гэта «Дынама» (Менск), у які ён быў запрошаны ў 1979 годзе. У складзе гэтай каманды ён выйграў Чэмпіянат СССР у 1982 годзе пад кіраўніцтвам Эдуарда Малафеева.

Зборная СССР

Свой першы міжнародны матч ён згуляў супраць Фінляндыі 15 траўня 1984 году, другая міжнародная сустрэчы адбылася 2 чэрвеня 1984 году, калі зборная СССР гуляла супраць Ангельшчыны на стадыёне «Ўэмблі». У 1988 годзе на Чэмпіянаце Эўропы, Гоцманаў быў удзельнікам савецкай каманды ў дзьвюх гульнях у групе Б (якую зборная СССР узначаліла), таксама ў абедзьвюх дафінальных гульнях і ў фінальнай гульні, у якой савецкая зборная прайграла Нідэрляндам зь лікам 0:2.

Пад час гульні за «Дынама» Менск і зборную СССР Гоцманаў абвяшчаўся беларускім футбалістам году ў 1983, 1985, 1987 і 1989 гадах.

У Англіі

У лютым 1990 году Гоцманава запрасілі ў ангельскі клюб «Брайтан энд Гоўв Альбіён» на некантрактнай аснове і ён забіў чатыры галы за 16 гульняў. Пад час нядоўгага знаходжаньня ў клюбе «Голдстан Граўнд» (Goldstone Ground) Гоцманаў стаў культавай фігурай на полі. У адной з гульняў ён паказаў кляс, калі абыграўшы брамніка перад забіцьцём голу ён адсалютаваў заўзятарам. «Альбіён» хацеў падпісаць кантракт з Гоцманавым, але ня змог перабіць прапанову «Саўтгэмптану» і футбаліст перайшоў у «Саўт».

Гульня ў «Саўгэмптане» ня склалася, за ўвесь сэзон 1990 году Гоцманаў згуляў толькі чатырнаццаць гульняў.

Позьняя кар’ера

У верасьні 1991 году Гоцманаў перайшоў у Нямецкую лігу, дзе згуляў адзін сэзон за «Гале 1896» (VfL Halle 1896) перад вяртаньнем у Менск, дзе быў запрошаны ў клюб «Дынама-93».

Пасьля распаду СССР ён згуляў тры гульні за зборную Беларусі, згуляўшы першую гульню 28 кастрычніка 1992 году супраць зборнай Украіны зь лікам 1:1. У сярэдзіне 1990-х гадоў Гоцманаў пераехаў у ЗША ў клюб «Мінэсота Тандэр».

Яго жонка Вольга была трэнэрам беларускай нацыянальнай зборнай па гімнастыцы. Цяпер Гоцманаў жыве ў Вудбэры (Мінэсота), дзе трэнеруе мясцовую моладзевую каманду па футболе. Яго сын, Аляксандар Гоцманаў, гуляў у «Каларада Рапідз», перад пераходам у «Мінэсота Тандэр».