Саўтгэмптан (футбольны клюб)

«Саўтгэмптан» (па-ангельску: Southampton F.C.) — ангельскі футбольны клюб, які месьціцца ў горадзе Саўтгэмптан, графства Гэмпшыр. На «Сэйнт-Мары Стэдыюм» клюб пераехаў у 2001 годзе. Клюб мае мянушку «сьвятыя», якая паўстала яшчэ ў часы заснаваньня клюбу ў 1885 годзе ў сувязі зь ягонай гісторыяй, каманда была арганізавана царкоўнымі актывістамі й з тых часоў гуляе традыцыйна ў чырвона-белай форме. Клюб мае сталае суперніцтва з «Портсмутам» з-за блізкасьці паміж гарадамі. Матчы паміж гэтымі двума супернікамі вядомыя як Дэрбі паўднёвага берагу.

Саўтгэмптан
Поўная назва	па-ангельску: Southampton Football Club
Заснаваны	21 лістапада 1885
Горад	Саўтгэмптан, Ангельшчына
Стадыён	Сэйнт-Мары Стэдыюм Умяшчальнасьць: 32 505
Галоўны трэнэр	Расэл Мартын[d]
Чэмпіянат	Прэм’ер-Ліга
· 2023—2024	Футбольная ліга, 4 месца (падвышэньне)
Хатнія колеры Выязныя колеры Трэція колеры
Галерэя здымкаў у Вікісховішчы southamptonfc.com

Клюб упершыню атрымаў значны трафэй у 1976 годзе, перамогшы ў розыгрышу Кубка Ангельшчыны, да гэтага клюб атрымліваў перамогі толькі ў рэгіянальных кубках і чэмпіянатах. Самым значным посьпехам у чэмпіянаце Ангельшчыны зьяўляецца другое месца ў сэзоне 1983—1984 гадоў. Да вылету з Прэм’ер-лігі ў сэзоне 2004—2005 гадоў клюб 27 сэзонаў запар гуляў у найвышэйшым дывізіёне краіны.

Гісторыя

Раньнія гады

Клюб быў заснаваны ў 1885 годзе чальцамі Моладзевай асацыяцыі царквы Сьвятой Дзевы Марыі (па-ангельску: St Mary's Church of England Young Men's Association). Цяперашнюю назву «Саўтгэмптан» атрымаў у 1897 годзе. Выступаючы пад назвай «Саўтгэмптан Сьвятой Марыі» (па-ангельску: Southampton St.Mary's), клюб далучыўся да Паўднёвай лігі ў 1894 годзе й станавіўся чэмпіёнам лігі шэсьць разоў — у 1897, 1898, 1899, 1901, 1903 і 1904 гадох.

«Сьвятыя» ўвайшлі ў Футбольную лігу ў 1920 годзе, як чалец-заснавальнік трэцяга дывізіёну. Першы тытул прыйшоў у 1922 годзе, калі «Саўтгэмптан» стаў чэмпіёнам дывізіёну. Да гэтага часу «сьвятыя» пасьпелі паўдзельнічаць у двух фіналах Кубка Ангельшчыны ў 1900 і 1902 гадох, але трафэй абодва разы не скарыўся ім. Падняўшыся ў 1922 годзе ў другі дывізіён, «сьвятыя» гулялі ў ім да 1953 году, калі зноўку апусьціліся ў трэці дывізіён.

Пасьляваенны час

Легенда «Саўтгэмптану» й ангельскага футболу Альф Рэмсі быў сапраўднай зоркай пасьляваеннага пэрыяду, і, шмат у чым дзякуючы яму, у 1960 годзе «Саўтгэмптан» зноўку вярнуўся ў другі дывізіён. Пры дапамозе такіх зорак як Мартын Чывэрз, Тэры Пэйн і Мік Чэнан, «сьвятыя» ўпершыню ў гісторыі выйшлі ў першы дывізіён у 1966 годзе.

Праз сем гадоў, у 1974 годзе каманда зноўку выбыла ў другі дывізіён. Кампанію ім тады склаў «Манчэстэр Юнайтэд». Аднак праз два гады «Саўтгэмптан» дамогся найбуйнейшага посьпеху ў сваёй гісторыі — у 1976 годзе, зьяўляючыся клюбам другога дывізіёну, паўднёўцы заваявалі Кубак Ангельшчыны, абыграўшы на «Ўэмблі» на той момант ужо аднаго зь лідэраў найвышэйшага дывізіёну «Манчэстэр Юнайтэд» зь лікам 1:0. Пераможцы гол быў забіты Бобі Стоўксам.

Дасягненьні

• Кубак Ангельшчыны: 1976

Склад

Актуальны на 12 верасьня 2024 году

№ Пазыцыя Імя Год нараджэньня 1 Бр Алекс Макарці 1989 2 Аб Кайл Ўокер-Пітэрз 1997 3 Аб Раян Мэнінг 1996 4 ПА Флін Доўнз 1999 5 Аб Джэк Стывэнз (капітан) 1994 6 Аб Тэйлар Гарўуд-Бэліс 2002 7 ПА Джо Арыба 1996 8 ПА Ўіл Смолбоўн 2000 9 Нап Адам Армстранг 1997 10 ПА Адам Лалана 1988 11 Нап Рос Ст’юарт 1996 12 Аб Роні Эдўардс 2003 13 Бр Джо Ламлі 1995 14 Аб Джэймз Бры 1997 15 Аб Натан Ўуд 2002 16 Аб Юкінары Сугавара 2000

№ Пазыцыя Імя Год нараджэньня 17 Нап Бэн Брэрэтан 1999 18 ПА Матэўс Фэрнандыш 2004 19 Нап Кэмэран Арчэр 2001 20 Нап Камалдын Сулемана 2002 21 Аб Чарлі Тэйлар 1993 22 Нап Максвэль Карнэ (ар. Ўэст Гэм) 1996 24 Нап Раян Фрэйзэр 1994 26 ПА Лэсьлі Югачуквю (ар. Чэлсі) 2004 27 Нап Сэм Амо-Амэяў 2006 28 Аб Хуан Лярыяс 2004 30 Бр Ааран Рамздэйл 1998 31 Бр Гэвін Базуну 2002 32 Нап Пол Ануачу 1994 33 Нап Тайлер Дыблінг 2006 35 Аб Ян Бэднарак 1996 37 Аб Армэль Бэльля-Катшап 2001

Вонкавыя спасылкі

• Афіцыйная старонка (анг.)