Сямён Шасьцілоўскі
Сямён Шасьцілоўскі (нарадзіўся 30 траўня 1994 году) — беларускі футбаліст, абаронца салігорскага клюбу «Шахцёр».
| Сямён Шасьцілоўскі | ||
| Пэрсанальная інфармацыя | ||
|---|---|---|
| Нарадзіўся | 30 траўня 1994[1] (30 гадоў) | |
| Рост | 190 см | |
| Вага | 88 кг[2] | |
| Пазыцыя | абаронца | |
| Клюбная інфармацыя | ||
| Клюб | Шахцёр Салігорск | |
| Нумар | 4 | |
| Клюбы | ||
| Гады | Клюб | Гульні (галы)¹ |
| 2011—2017 | Дынама Менск | 1 (0) |
| 2012 | → Бяроза-2010 | 19 (1) |
| 2013—2014 | → Бяроза-2010 | 25 (1) |
| 2015—2017 | → Гарадзея | 44 (1) |
| 2018—2020 | Гарадзея | 55 (0) |
| 2020—2022 | Славія Мазыр | 49 (5) |
| 2023— | Шахцёр Салігорск | 15 (0) |
| Зборныя | ||
| 2012 | Беларусь (да 19)[d] | |
| 2013—2016 | Беларусь (да 21) | 31 (1) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьВыхаванец менскага «Дынама». У першай палове 2011 году выступаў за фарм-клюб «Дынама-2», пасьля далучыўся да дублю. 27 лістапада 2011 году ў матчы апошняга тура супраць «Менска» (3:4) дэбютаваў за асноўную каманду «Дынама» ў Найвышэйшай лізе, правёўшы на полі ўсе 90 хвілінаў. Сэзон 2012 году правёў у арэндзе ў клюбе Першай лігі «Бяроза-2010». У першай палове 2013 годк гуляў за дубль, а таксама правёў адзін матч у Лізе Эўропы. Улетку 2013 году ізноў выправіўся ў «Бярозу-2010», але хутка атрымаў цяжкую траўму, празь якую выбыў да канца сэзону. У сэзоне 2014 году заставаўся ў «Бярозе-2010», дзе стаў трывалым гульцом асноўнага складу. Сэзон 2015 году пачаў у складзе «Дынама», але гуляў толькі за дубль. У ліпені таго ж году быў аддадзены менскім «Дынама» ў арэнду «Гарадзеі» да канца сэзону[3], якой дапамог паводле вынікаў сэзону прасунуцца ў Найвышэйшую лігу.
У студзені 2016 году па заканчэнні тэрміну арэнды вярнуўся ў «Дынама», але неўзабаве арэнда была падоўжана на ўвесь сэзон 2016 году[4]. Сэзон 2016 году распачаў у якасьці гульца першае адзінаццаткі «цукровых», але ўлетку згубіў месца ў складзе. Па заканчэньні сэзону ў сьнежні 2016 году вярнуўся ў Менск[5]. У студзені 2017 года, падпісаўшы новы кантракт з «Дынама», зноў выправіўся ў арэнду ў «Гарадзею»[6]. У сэзоне 2017 году па чарзе выходзіў на поле і сядзеў на лаве запасных.
У лістападзе 2017 году вярнуўся ў «Дынама»[7], аднак у студзені 2018 года зноў стаў трэнавацца з «Гарадзеяй»[8]. У лютым 2018 году падпісаў з «Гарадзеяй» кантракт на два гады[9]. У пачатку сэзону 2018 году пераважна заставаўся на лаўцы запасных, а зь ліпеня замацаваўся ў стартавым складзе каманды. З чэрвеня па жнівень 2019 году не гуляў праз пашкоджаньне, але пасьля вярнуў месца ў аснове. У верасьні 2020 году перайшоў у мазырскую «Славію»[10]. Хутка замацаваўся ў пачатковым складзе каманды, толькі часам адсутнічаў праз траўмы. У лістападзе 2022 году па заканчэнні кантракту зышоў з мазырскага клюбу[11]. У сьнежні 2022 году склаў двухгадовую працоўную ўгоду з салігорскім «Шахцёрам»[12].
Міжнародная
рэдагавацьВыступаў за юнацкія зборныя Беларусі ў кваліфікацыйных турнірах чэмпіянату Эўропы. 9 верасьня 2013 году дэбютаваў у моладзевай зборнай Беларусі ў адборачным матчы чэмпіянату Эўропы супраць зборнай Францыі (1:2). Пазьней здолеў замацавацца ў зборнай як асноўны цэнтральны абаронца. Прымаў удзел у Кубках Садружнасьці 2014 і 2015 гадоў у Санкт-Пецярбургу. Турнір 2016 году быў вымушаны прапусьціць з-за траўмы.
Дасягненьні
рэдагаваць«Шахцёр»:
- Уладальнік Супэркубка Беларусі: 2023
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Гарадзея | 2015 | Першая ліга | 13 | 1 |
| 2016 | Найвышэйшая ліга | 16 | 0 | |
| 2017 | Найвышэйшая ліга | 15 | 0 | |
| 2018 | Найвышэйшая ліга | 20 | 0 | |
Крыніцы
рэдагаваць- ^ а б в Semen Shestilovski // Transfermarkt (мн.) — 2000.
- ^ а б https://fcslavia.by/ru/player/shestilovskiy-0
- ^ «Городея» взяла у минского «Динамо» в аренду Шестиловского (рас.)
- ^ «Городея» арендовала Шестиловского на один сезон (рас.)
- ^ Шестиловский вернулся в минское «Динамо»
- ^ Защитник минского "Динамо" Шестиловский продолжит играть в аренде в "Городее"
- ^ Шестиловский и Назаренко после аренды возвращаются в минское «Динамо», Василючек – в «Неман»
- ^ "Городея" вышла из отпуска
- ^ Шестиловский подписал двухлетний контракт с «Городеей» (рас.)
- ^ Шестиловский подписал контракт со "Славией"
- ^ Шестиловский покинул "Славию"
- ^ "Шахтер" подписал Семена Шестиловского (рас.). football.by (2022-12-26). Праверана 2022-12-27 г.