Сябры (сэрыял)

	Сябры
	Friends
Жанр	камэдыйны тэлесэрыял[d], рамантычны тэлесэрыял[d], сямейная тэлеперадача[d], тэлевізійны сыткам ЗША[d] і сытуацыйная камэдыя
Сцэнарыст	Дэвід Крэйн[d];
Прадусар	Дэйвід Крэйн; Марта Каўфман
У ролях	Джэніфэр Эністан; Кортні Кокс[d]; Ліза Кудроў; Мэт Леблан[d]; Мэт’ю Пэры; Дэйвід Шўімэр[d]; Джэймз Майкл Тайлер[d]; Эліёт Гулд[d]; Christina Pickles[d]; Maggie Wheeler[d]; Пол Рад[d]; Cole Sprouse[d]; Брэд Піт;
Вытворчасьць	NBC
Распаўсюд	Warner Bros. Domestic Television Distribution[d] і Netflix
Дата выхаду	22 верасьня 1994 — 6 траўня 2004
Працягласьць	30 хвіліна
Краіна	ЗША
Мова	ангельская
Наступны	Joey[d]
	Старонка на IMDb
	Афіцыйны сайт

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сябры (неадназначнасьць).

«Сябры́» (па-ангельску: Friends) — амэрыканскі сыткам, ляўрэат узнагароды Эмі. Апавядае пра шасьцёх сяброў, якія жывуць у Нью-Ёрку, на Мангэтане. Сэрыял створаны Дэйвідам Крэйнам і Мартай Каўфман. Пачаткова быў паказаны на тэлебачаньні з 1994 да 2004 году. Адзін з найбольш папулярных сэрыялаў усіх часоў. Шоў паказвалі ў больш чым ста краінах, а ягоныя паўторы надалей прыцягваюць вялікую ўвагу гледачоў. Апошняя сэрыя прыцягнула адну з найбольшых аўдыторыяў у гісторыі тэлебачаньня ў ЗША. Сэрыял на беларускую мову не перакладаўся.

Героі і выканаўцы

Галоўныя героі

Рэйчэл Грын (Джэніфэр Эністан) — поўнае імя Рэйчэл Карэн Грын

Рэйчэл — дзяўчына, якая вырасла ў заможнай сям’і і якая мае малое ўяўленьне аб рэальным жыцьці. У яе ёсьць дзьве сястры — Эмі і Джыл. У першым эпізодзе сэрыялу Рэйчэл зьбягае з уласнага вясельля і пасяляецца ў сваёй школьнай сяброўкі Монікі Гелер, вырашыўшы такім чынам пачаць самастойнае жыцьцё. Пазьней яна робіць кар’еру ў сьвеце моды. У Рэйчэл было мноства партнэраў, але зь першага і да апошняга сэзону сюжэтная лінія зьвязвае яе з Росам. У восьмым сэзоне ад яго яна нараджае дачку Эму.

Моніка Гэлер (Кортні Кокс-Аркет) — поўнае імя Моніка Велула Гэлер (пасьля — Гэлер-Бінг)

Моніка — малодшая сястра Роса Гэлера. У дзяцінстве яна была вельмі тоўстай, з-за чаго моцна камплексавала. Аднак да часу дзеяньня сэрыялу яна вельмі схуднела. У яе ёсьць некаторыя навязьлівыя ідэі, якія пэрыядычнае даюць аб сабе ведаць: яна патрабуе ідэальнага парадку, не можа нікому нічога даверыць, хоча заўсёды быць пераможцам. Сябры ўжо прывыклі да яе дзівацтвам і не зьвяртаюць на іх увагі. Моніка — выдатны кухар, яе кар’ера ідзе ўверх (хоць здараюцца і падзеньня) і да канца сэрыялу яна становіцца шэф-поварам прэстыжнага рэстарана. У Монікі было мноства хлопцаў, але сур’ёзныя адносіны зьвязвалі яе толькі з Рычардам, сябрам яе бацькоў, і з Чэндлерам, за якога яна выйшла замуж у сёмым сэзоне сэрыялу.

Фібі Буфэ (Ліза Кудроў) — поўнае імя Фібі Буфэ (пасьля — Буфэ-Хэніган)

У сэрыяле досыць дзіўнае мінулае, якое адкрываецца паступова па меры разьвіцьця сюжэту. Яе родная маці пакінула дзяўчынку блізкай сяброўцы, бацька зьбег зь сям’і, а потым прыёмная маці скончыла самагубствам і айчым сеў у турму. У пачатку сэрыялу яна жыве з бабуляй, а па меры разьвіцьця сэрыялу знаходзіць родную маці і бацьку. Нейкі час у маладосьці яна жыла на вуліцы і займалася рабаваньнем. У сэрыяле ёсьць сястра-блізьнюк, Урсула, але яны амаль не размаўляюць. У сэрыяле працуе масажысткай і грае на гітары. У апошніх сэзонах сэрыялу знаёміцца з Майкам, за якога ў дзясятым сэзоне выходзіць замуж.

Джоўі Трыбіяні (Мэт Леблан) — поўнае імя Джозэф Фрэнсіс Трыбіяні Малодшы

Джо нарадзіўся ў італьяна-амэрыканскай сям’і, у якой акрамя яго было сем сясцёр. У серыяле Джо намаляваны як стэрэатыпны акцёр. Ён бедны, малаадукаваныя, наіўны і знаходзіцца ў пастаянным пошуку працы. У той жа час ён вельмі абаяльны і мае поспех у жанчын, чым пастаянна і карыстаецца. Амаль увесь серыял у Джо няма сталай працы: ён здымаецца ў рэкламе, серыялах і фільмах, але ніяк не можа атрымаць больш-менш сур’ёзную ролю. У рэшце рэшт ён становіцца акцёрам вядомага серыяла «Дні нашага жыцця».

Чэндлер Бінг (Мэт’ю Пэры) — поўнае імя Чэндлер Мюрыел Бінг

Чэндлер нарадзіўся ў сям’і пісьменніцы эратычных раманаў Норы Тайлер Бінг і гамасэксуаліста-трансвестыта Чарлза Бінга. У Чендлер мноства комплексаў, ад якіх ён адгароджваецца сталымі жартамі. Праца Чэндлер — аналіз і реконфігураціі дадзеных і ў гэтай сферы ён робіць нядрэнную кар’еру. Аднак у канцы серыяла ён кідае працу і пачынае ўсё з нуля ў рэкламным бізнесе. Чэндлер не вельмі шанцуе ў каханьні. Па сутнасьці, у яго было ўсяго два больш-менш сур’ёзных рамана: з Джэніс і з Монікай, на якой ён ажэніцца ў сёмым сэзоне серыяла.

Рос Гелер (Дэйвід Шўімэр) — поўнае імя Рос Юстас Гелер

Рос — старэйшы брат Монікі і ўлюбёнец іх бацькоў. Ён — паважаны палеантолаг, які працаваў спачатку ў музеі, сканчаючы кар’еру прафесарам, які выкладае ва універсітэце. У каханні яму не вельмі шанцуе: у яго дрэнна атрымліваецца знаёміцца з дзяўчынамі. Тым не менш, ён быў тройчы жанаты і столькі ж раз разведзены. Яшчэ са школы ён закаханы ў Рэйчел і іх адносіны з’яўляюцца асноўнай любоўнай сюжэтнай лініяй серыяла (у адным з сезонаў яны сп’яну жэняцца ў Лас-Вегасе). У Роса двое дзяцей — сын Бэн ад першага шлюбу і дачка Эма ад Рэйчел.

Стварэньне

Саўндтрэк

Прадусары прыцягнулі да напісаньня арыгінальнай тэмы ў сэрыяле музыкаў гурта The Rembrandts. Філ Солем і Дэні Ўайлд напісалі песьню спэцыяльна для сэрыялу. «I’ll Be There for You» («Я буду побач з табой»), якая стала гітом пасьля таго, як сэрыял выйшаў на экраны, і пасьля перазапісаная і перавыдадзеная ў абноўленым варыянце. На кампазыцыю быў зьняты кліп з удзелам герояў сэрыялу. Перазапісаная кампазыцыя дасягнула 17-й пазыцыі ў чарце Billboard Hot 100 і 1-га месца ў чарце «Adult Contemporary». Аўдыёдыск з кампазыцыямі з сэрыялу дасягнуў статусу Gold ў ЗША (было прададзена 500 тыс. копіяў).

Ліза Кудроў выканала каля 25 песень, напісаных адмыслова для сэрыялу. Песьня «драны кот» (Smelly cat) набыла самастойную вядомасьць.

У 1995 годзе выдавецтва WMA выпусьціла альбом, які зьмяшчае саўндтрэк да сэрыялу: «Сябры: Арыгінальны Саўндтрэк». У 1999 годзе выйшаў другі зборнік: «Ізноў Сябры» (па-ангельску: Friends Again).

«Сябры» і Беларусь

У сэрыяле некалькі разоў згадваецца сталіца Беларусі, Менск, у прыватнасьці ў 10 сэрыі першага сэзону (1994—1995): Фібі сустракаецца з навукоўцам Дэйвідам. Іхныя пачуцьці разьвіваюцца, але Дэйвіду прапануюць пераехаць у Менск, каб працягнуць там свае фізычныя дасьледаваньні. Сьпярша Дэйвід вырашае застацца для Фібі ў Нью-Ёрку, але параіўшыся зь Фібі, урэшце едзе ў Менск. Фібі сьвяткуе Навагодзьдзе насамоце. Цікава, што бабуля і дзядуля Ліза Кудроў, выканаўца ролі Фібі Буфэ, — жыдоўскія эмігранты зь беларускага мястэчка Іўе.

Калі сябры размаўляюць пра Менск, адзін зь іх кажа што гэта места ў Расеі.

Цытаты пра Менск з сэрыялу

У кафэ Фібі выпадкова сустракае Дэйвіда пасьля васьмі гадоў расстаньня:

«Я прыехаў у Нью-Ёрк на канфэрэнцыю… Божа! Ты выглядаеш фэнамэнальна! Я ўвесь час пра цябе думаў. У Менску ёсць адна статуя — яна так нагадвае мне цябе! Гэта статуя Леніна. Ну, пад пэўным вуглом, яна цябе нагадвае».

«У Менску прынята на разьвітаньне цалавацца два разы ў шчаку і адзін раз у вусны. Калі збіраецеся ў Менск, то прыяжджайце вясной! Там так хораша! Калі будзеце ў Менску, вось вам мой адрас, тэлефануйце, я завяду вас на Сарочынскі кірмаш!»

Праз пару гадоў Дэйвід зноў нечакана зьяўляецца ў Нью-Ёрку.

«Вы рублі не прымаеце? Гэта сторублёвая купюра, якая прыкладна нічога ня варта…»

Характарыстыка Дэйвіда з вуснаў Фібі:

«Не, няма! Ён восем гадоў жыў у Менску — зашмат прамых сонечных прамянёў, і ён памрэ!»

На Барбадосе навуковец-няўдачнік робіць прапанову пабрацца Фібі

«Ты дзіўная жанчына. Час, якое мы правялі паасобку, было невыносна. Як і забастоўка на санэпідстанцыі ў Менску…»

Глядзіце таксама

Шлюб… зь дзецьмі