Сураскі раён (Віцебская вобласьць)

Су́раскі раён — адміністрацыйна-тэрытарыяльная адзінка ў БССР у 1924—1960 гады. Цэнтар — г. п. Сураж, з 1957 году — г. п. Янавічы.

Гісторыя

Утвораны 17 ліпеня 1924 году ў складзе Віцебскай акругі, 28 жніўня 1924 году падзяляўся на 12 сельсаветаў. З 1938 году ў Віцебскай вобласьці. У студзені 1942 году на Калінінскім фронце 249-я стралковая дывізія 4-й ударнай арміі СССР упершыню падчас Нямецка-савецкай вайны ўварвалася на захопленыя землі Беларускай ССР — у Сураскі і Мехаўскі раёны Віцебскай вобласьці.

20 студзеня 1960 году раён скасаваны, тэрыторыя перададзена Гарадоцкаму, Езярышчанскаму і Віцебскаму раёнам.