Клубніцы
Клубні́цы — кветкавыя расьліны роду суніцы.
| Клубніцы | |
 Ягаднік (Чэхія, 2011 год) | |
| Клясыфікацыя | |
|---|---|
| Надцарства | Эўкарыёты |
| Царства | Расьліны |
| Падцарства | Зялёныя |
| Група | Стрэптафіты |
| Тып | Вышэйшыя |
| Падтып | Ссудзінныя |
| Нададдзел | Насенныя |
| Аддзел | Кветкавыя |
| Кляса | Двухдольныя |
| Сямейства | Ружавыя |
| Род | Суніцы |
| Бінамінальная намэнклятура | |
| Fragaria moschata Антуан Дзюшэн | |
Ёсьць шматгадовай травяністай расьлінай вышынёй 15—40 см з паземным карэнішчам. Мае апушчанае, буйное, трайчастае лісьце. У пазухах прыкаранёвага лісьця разьвіваюцца кароткія паўзучыя парасткі (вусы), якія ўкараняюцца. Таксама мае аднаполыя, белыя кветкі. Кветаносы вышэйшыя за лісьце. Плады — дробныя, малінава-чырвоныя ягады з салодкім смакам, духмяным пахам і белай мякацьцю. Ёсьць лекавай і харчовай расьлінай[1].
Пашыраныя і вырошчваюцца ў Эўропе. У дзікім выглядзе трапляюцца ў цяністых лясах, хмызьняках і на ўзьлесках. Ягады спажываюць сьвежымі і перапрацаванымі. Іншыя назвы: трускалкі (трускаўкі) і мускатныя суніцы. Памылкова: садовыя суніцы[1].
Беларусь
рэдагавацьНа 1999 год Беларускі навукова-дасьледчы інстытут пладаводзтва (пасёлак Самахвалавічы, Менскі раён) распрацаваў сунічна-клубнічныя гібрыды Дыяна, Мускатная і Несьцерка[1]. У 2019 годзе Беларусь знаходзілася на 15-м месцы ў сьвеце паводле вытворчасьці клубніцаў[2].
Крыніцы
рэдагаваць- ^ а б в Уладзімер Пярэднеў. Клубніцы // Беларуская энцыкляпэдыя ў 18 тамах / гал.рэд. Генадзь Пашкоў. — Менск: Беларуская энцыкляпэдыя імя Петруся Броўкі, 1999. — Т. 8. — С. 349. — 576 с. — 10 000 ас. — ISBN 985-11-0144-3
- ^ Беларусь знаходзіцца сярод сусьветных лідэраў па вырошчваньні льновалакна, жыта і журавінаў // Беларускае тэлеграфнае агенцтва, 15 лістапада 2019 г. Праверана 24 сьнежня 2019 г.
 |
Гэта — накід артыкула пра батаніцы. Вы можаце дапамагчы Вікіпэдыі, пашырыўшы яго. |