Анатоль Анатолевіч Глаз: розьніца паміж вэрсіямі
пачатак |
(Розьніцы няма)
|
Вэрсія ад 14:35, 23 студзеня 2021
Анатоль Анатолевіч[1][2] Глаз (нар. 31 ліпеня 1982 г.) — прапагандыст і дыплямат рэжыму Аляксандра Лукашэнкі ў Беларусі.
| Анатоль Анатолевіч Глаз | |
| Прэс-сакратар МЗС Рэспублікі Беларусь | |
|---|---|
| 11 чэрвеня 2018 — цяперашні час | |
| Прэзыдэнт: | Аляксандар Лукашэнка |
| Папярэднік: | Дзьмітры Мірончык |
| Асабістыя зьвесткі | |
| Нарадзіўся: | 31 ліпеня 1982 (41 год) |
| Бацька: | Анатоль Ціханавіч Глаз |
Біяграфія
Сын Анатоля Ціханавіча Глаза, былога дэпутата Палаты прадстаўнікоў, члена рэспубліканскага савету ГА «Белая Русь», у савецкія часы — старшыні Бабруйскага райвыканкама і першага сакратара Бялыніцкага райкама Кампартыі БССР[3].
Працаваў на дыпляматычнай службе як мінімум з 2005 г. у аддзеле Усходняй Эўропы галоўнага ўпраўленьня Эўропы МЗС Беларусі[4].
З 2007 па 2009 год служыў другім і першым сакратаром амбасады Беларусі ў Італіі[4].
З 2009 па 2014 год працаваў у Адміністрацыі Аляксандра Лукашэнкі, у тым ліку на пасадзе намесьніка начальніка ўпраўленьня зьнешняй палітыкі[4].
З 2014 па 2018 год служыў старшым дарадцам амбасады Беларусі ў Італіі, дзе займаўся пытаньнямі двухбаковага палітычнага супрацоўніцтва, узаемадзеяньня са СМІ, разьвіцьця дагаворна-прававой базы і іншых сфэраў[4].
У 2018 г. вярнуўся на працу з МЗС, займаў пасаду старшага дарадцы міжнароднай бясьпекі і кантролю над узбраеньнямі галоўнага ўпраўленьня шматбаковай дыпляматыі, а 11 чэрвеня 2018 г. прызначаны начальнікам упраўленьня інфармацыі і лічбавай дыпляматыі (прэс-сакратаром) МЗС Беларусі[4].
Прапагандысцкая дзейнасьць
На пасадзе прэс-сакратара МЗС агучваў афіцыйную пазыцыю рэжыма Аляксандра Лукашэнкі, у тым ліку падчас гвалтоўнага разгону сілавікамі рэжыма мірных пратэстаў у 2020—2021 гг., вынікам якога сталі сьмерці пратэстоўцаў і масавыя катаваньні затрыманых.
Крытыкаваў абмеркаваньне міжнароднай супольнасьцю пытаньняў дэмакратыі і правоў чалавека ў Беларусі[5], у тым ліку з удзелам праціўнікаў А. Лукашэнкі[6][7].
Асуджаў міжнародныя санкцыі супраць рэжыму Лукашэнкі[8][9][10], працяг мандату спэцдакладчыка ААН па сытуацыі з правамі чалавека ў Беларусі[11]
Абвяшчаў пра ўвядзеньне рэжымам Лукашэнкі санкцый супраць замежных службовых асобаў і зьніжэньне ўзроўню кантактаў з замежнымі дыпляматамі ў адказ на дзеяньні міжнароднай супольнасьці ў дачыненьні да Беларусі пасьля падзеяў 2020 г.[12]
У 2018 г. агучваў заведама завышаныя дадзеныя аб колькасьці уцекачоў з Украіны ў Беларусі пасьля расейска-ўкраінскай вайны[13].
Крыніцы
- ^ РЕЗУЛЬТАТЫ КОНКУРСНОГО ОТБОРА СЛУШАТЕЛЕЙ МЕЖДУНАРОДНОЙ ШКОЛЫ ПО ПРОБЛЕМАМ ГЛОБАЛЬНОЙ БЕЗОПАСНОСТИ 2018 [Вынікі конкурснага адбору слухачоў Міжнароднай школы па праблемах глябальнай бясьпекі 2018] — ПИР-Центр
- ^ Как разобраться в непростой ситуации в Беларуси, рассказали эксперты [Як разабрацца ў няпростай сытуаці ў Беларусі, распавялі экспэрты] — АНТ, 21 жніўня 2020 г.
- ^ «Закат эпохи Лукашенко обещает быть захватывающим зрелищем» [Закат эпохі Лукашэнкі абяцае быць захапляючым відовішчам] - EADaily, 15 сакавіка 2019
- ^ а б в г д Новым прэс-сакратаром МЗС Беларусі назначаны Анатоль Глаз — БелТА, 12 чэрвеня 2018 г.
- ^ «Мы ня маем патрэбы ў заежджаных парадах». МЗС Беларусі адрэагаваў на словы Зяленскага пра новыя выбары — Радыё Свабода, 23 жніўня 2020 г.
- ^ МЗС: дзівіць цынізм і двудушнасьць Эстоніі, якая працягвае ўпівацца статусам непастаяннага сябра Рады бясьпекі ААН — Радыё Свабода, 22 студзеня 2021 г.
- ^ «Нахабнае ўмяшаньне ўва ўнутраныя справы». МЗС пра ўдзел Ціханоўскай у сустрэчы міністраў замежных справаў Эўразьвязу — Радыё Свабода, 19 верасьня 2020 г.
- ^ МЗС Беларусі: санкцыі — гэта канец палітыкі — Белсат, 15 жніўня 2020 г.
- ^ Ответ пресс-секретаря МИД А.Глаза на вопрос ТАСС о реакции на решение Совета ЕС об утверждении третьего пакета санкций против Беларуси [Адказ прэс-сакратара МЗС А. Глаза на пытаньне ТАСС пра рэакцыю на рашэньне Рады Эўрапейскага Зьвязу аб зацьверджаньні трэцяга пакету санкцый супраць Беларусі]
- ^ Афіцыйны Менск адрэагаваў на амэрыканскі «Акт аб дэмакратыі ў Беларусі» — Радыё Свабода, 29 сьнежня 2020 г.
- ^ МЗС назвала «бессэнсоўным дзеяньнем» працяг мандату спэцдакладчыка ААН па Беларусі — Радыё Свабода, 20 ліпеня 2020 г.
- ^ Менск увёў візавыя санкцыі супраць «найбольш заангажаваных у дачыненьні да Беларусі прадстаўнікоў Эўразьвязу» — Радыё Свабода, 2 кастрычніка 2020 г.
- ^ Фэйкі й дэзынфармацыя: ўкраінскія ўцекачы ў Рэспубліцы Беларусь — InformNapalm, 1 лютага 2019 г.