Мікалай Карпянкоў

Мікалай Карпянкоў (нар. 6 верасьня 1968 г., Менск) — дзеяч рэжыма Аляксандра Лукашэнкі ў Беларусі, намесьнік Міністра ўнутраных справаў Рэспублікі Беларусь — камандуючы унутранымі войскамі Беларусі (з 2020 г.).

Мікалай Мікалаевіч Карпянкоў
Намесьнік міністра ўнутраных справаў Беларусі
19 лістапада 2020 — цяперашні час
Прэзыдэнт:	Аляксандар Лукашэнка
Асабістыя зьвесткі
Нарадзіўся:	6 верасьня 1968 Менск, БССР
Адукацыя:	Менская сувораўская вайсковая вучэльня (1985), Ульянаўская танкавая вучэльня (1989), Акадэмія МУС Беларусі (2003)
Узнагароды:

Біяграфія

Скончыў Менскую сувораўскую вучэльню (1985 г.), танкавую вучэльню ў расейскім Ульянаўску (1989 г.), пасьля чаго служыў у савецкім і беларускім войску.

З 1993 г. працаваў у структурах МУС Беларусі. Быў камандзірам антытэрарыстычнага аддзелу «Алмаз» МУС РБ (1992—1994).

З 1995 па 2003 год служыў на розных пасадах у Службе бясьпекі А. Лукашэнкі

У 2003 г. скончыў Акадэмію МУС Беларусі. З 2003 па 2010 гг. зноў камандаваў аддзелам «Алмаз» МУС. З 2011 па 2014 займаў розныя кіраўнічыя пасады ў МУС.

З 2014 г. па 19 лістапад 2020 г. кіраваў Галоўным упраўленьнем па барацьбе з арганізаванай злачыннасьцю і карупцыяй (ГУБАЗіК).

19 лістапада 2020 г. прызначаны намесьнікам Міністра ўнутраных справаў Беларусі.

Падчас пратэстаў у Беларусі ў 2020—2021 гг.

Падчас масавых мірных пратэстаў у Менску грамадзянаў, ня згодных з вынікамі прэзыдэнцкіх выбараў, Мікалай Карпянкоў быў заўважаны сярод сілавікоў, якія займаліся непасярэдным разгонам пратэстаў і зьбіцьцём грамадзянаў.

6 верасьня 2020 г. Карпянкоў разьбіў дручком шкляныя дзьверы ў кавярню «O’Petit». Паводле афіцыйнае інфармацыі, міліцыянты перасьледвалі актыўных удзельнікаў пратэстаў, якія іх правакавалі, а потым паспрабавалі схавацца ў кавярні.

Паводле сьведчаньняў, 13 кастрычніка 2020 г. Карпянкоў разам з іншымі сілавікамі выкраў на вуліцы грамадзяніна М. Харошына, даставіў яго ў Першамайскі РАУС Менска, дзе прымяніў да Харошына катаваньні.

У лістападзе 2020 году Сьвятлана Ціханоўская абвясьціла пра запуск працэсу міжнароднага прызнаньня ГУБАЗіК, якім да таго часу кіраваў Карпянкоў, і АМАП тэрарыстычнымі арганізацыямі ў сувязі з учыненымі імі злачынствамі ў час падаўленьня пратэстаў супраць фальсыфікацыі выбараў і гвалту з боку рэжыму Лукашэнкі.

20 лістапада 2020 г. Карпянкоў быў унесены ў санкцыйныя сьпісы Латвіі і Эстоніі.

15 студзеня 2021 г. незалежныя СМІ апублікавалі аўдыёзапіс, на якім чалавек, апазнаны як Мікалай Карпянкоў, зрабіў некалькі скандальных выказваньняў наконт пратэстаў. Паводле аналізу зьместа запісу, ён мог быць зроблены ў кастрычніку 2020 г.

На запісе Карпянкоў абразьліва адгукаўся аб пратэстоўцу Аляксандру Тарайкоўскім, застрэленым сілавікамі:

Тарайковский, да, пьяница и дебил. Он умер, конечно, от резиновой пули, которая прилетела ему в грудь. Он стоял там в майке, и, я думаю, что с обратной стороны майки она не застрянет.

[Тарайкоўскі, так, п’яніца і дэбіл. Ён памёр, канечне, ад гумовай кулі, якая прыляцела яму ў грудзі. Ён стаяў там у ціштоцы, і, я думаю, з зваротнага боку цішоткі яна не застране]

Спасылаючыся на прыказы Лукашэнкі, Карпянкоў на запісе заахвочваў сілавікоў выкарыстоўваць зброю супраць пратэстоўцаў, у тым ліку забіваць іх:

…президент говорил, что если прет на тебя, если прет на тебя — применяй оружие, получается, вот нелетальное. В упор: по ногам, в живот, по яйцам. Чтобы понял, что он сотворил и что наделал, когда придет в сознание. Ну нанесите ему что-то в таком ну виде: либо покалечить, либо изувечить, либо убить. Применять оружие ему прямо в лоб, прямо в лоб, прямо в лицо, прямо туда, после чего он уже никогда, получается, не вернется в то состояние, в котором он находился.

Ну, откачают, так откачают. Не будет у него половины головного мозга, ну, туда ему и дорога. Потому что в основном все те, кто выходит на улицы на данный момент поучаствовать в рельсовой войне, получается, те, которые блокируют дороги, нападают на милиционеров, бросают «коктейли Молотова», — те же террористы. Это лишние люди в нашей стране. И этому сегодня было посвящено очень-очень много, на том небольшом совещании, которое проводил глава государства.

(…)

Главой государства мы прикрыты со всех сторон в плане применения оружия.

[…прэзыдэнт казаў, што калі прэ на цябе, выкарыстоўвай зброю, нелетальную. Ва ўпор: па нагах, у жывот, па яйцах. Каб зразумеў, што ён нарабіў, калі ачуняе. Ну нанясіце яму нешта такога кшталту: ці пакалечыць, ці зьнявечыць, ці забіць. Прымяняць зброю яму наўпрост у лоб, у твар, туды, пасьля чаго ён ужо ніколі ня вернецца ў той стан, у якім ён быў.

Адкачаюць, дык адкачаюць. Ня будзе мець паловы галаўнога мозгу, ну, так яму і трэба. Бо ў асноўным усе тыя, хто выходзіць на вуліцы на дадзены момант паўдзельнічаць у рэйкавай вайне, хто блякуе дарогі, атакуе міліцыянтаў, кідае «кактэйлі Молатава», — тыя ж тэрарысты. Гэта лішнія людзі ў нашай краіне. І гэтаму было прысьвечана сёньня вельмі-вельмі шмат, на той невялікай нарадзе, якую праводзіў галава дзяржавы.

(…)

Мы з усіх бакоў прыкрытыя галавой дзяржавы ў пляне выкарыстаньня зброі.]

Карпянкоў таксама паведаміў пра намер уладаў стварыць канцэнтрацыйны лягер для ўдзельнікаў пратэстаў:

Создается база данных. В этой базе данных, кто попал второй раз, тот должен там и остаться. Сказано разработать, сделать лагерь, сделать лагерь, ну не для военнопленных, не для интернированных даже, а лагерь для особо острокопытных, такой для отселения. И поставить колючую проволоку, получается, по периметру. Два помещения сделать: топка — этаж, кормили — этаж, чтобы работали. Но там их держать, пока все не успокоится.

[Ствараецца база дадзеных. У гэтай базе дадзеных, хто патрапіў другі раз, той павінен там і застацца. Сказана распрацаваць, зрябіць лянер, не для ваеннапалонных, не для інтэрнаваных нават, а лягер для асабліва востракапытных, такі для адсяленьня. І паставіць калючы дрот, атрымліваецца, па пэрымэтры. Два памяшканьня зрабіць, топка — паверх, карміць — паверх, каб працавалі. Але іх там трымаць, пакуль усё не супакоіцца.]