Вікіпэдыя

Софі Эліс-Бэкстар

брытанская сьпявачка

Софі Мішэ́ль Э́ліс-Бэ́кстар (па-ангельску: Sophie Michelle Ellis-Bextor) — ангельская сьпявачка і кампазытар.

Софі Эліс-Бэкстар
Софі Мішэль Эліс-Бэкстар
Дата нараджэньня 10 красавіка 1979(1979-04-10)[1][2] (45 гадоў)
Месца нараджэньня
Месца вучобы
Прафэсія сьпявачка, кампазытар, мадэль
Гады дзейнасьці 1997 — дагэтуль
Жанры электрапоп, дыска, танцавальная, гаўс
Інструмэнты вакал, фартэпіяна, гітара
Псэўданімы Mademoiselle E.B.
Гурты theaudience
Супрацоўніцтва Manic Street Preachers, DJ Spiller, The Freemasons, Armin van Buren, Junior Calder, Busface
Лэйблы Polydor, Fascination
Бацька Робін Бэкстар[d]
Маці Джэнет Эліс[d]
Узнагароды Showbusiness Recording Artist Award (2002)[5]; Edison Music Award — Best Dance Album (за альбом Read My Lips, 2003)[6]; European Top 100 Albums (за альбом «Trip the Light Fantastic», 2007)
Сайт SophieEllisBextor.net

Жыцьцяпіс

рэдагаваць

Нарадзілася 10 красавіка 1979 году ў Лёндане (Вялікабрытанія) у сям’і актрысы Джэнэт Эліс і тэлерэжысэра Робіна Бэкстара. Бацькі разьвяліся, калі Софі было 4 гады. Мае трох сёстраў і двух братоў.

Музычную кар’еру распачала ў 1997 годзе ў якасьці вакалісткі гурта «Theaudience», які праіснаваў менш за год. Пасьля Софі спрабавала працаваць мадэльлю і займацца пісьменьніцтвам, але гэтыя заняткі яе не захапілі.

З 2005 году Софі замужам за бас-гітарыстам брытанскага гурта «The Feeling» Рычардам Джоўнзам. У іх пяць сыноў — Соні (2004 г. н.), Кіт Вэлэнтайн (2009 г. н.), Рэй Голідэй (2012 г. н.), Джэсі (2015 г. н.) і Мікі (2019 г. н.).

Актыўна ўдзельнічае ў грамадзкіх кампаніях ў абарону правоў жанчынаў [7], па ахове навакольнага асяродзьдзя[8][9] і ў абарону правоў жывёлаў[10].

 
2012 год

Творчасьць

рэдагаваць

Музыка Эліс-Бэкстар уяўляе сабой мілагучную сумесь поп-музыкі, сучасных танцавальных рытмаў, дыска і характэрных электронных эфэктаў 1980-х гг.

Посьпех да Эліс-Бэкстар прыйшоў ў 2000 годзе пасьля прапановы вядомага італьянскага ды-джэя Сьпілера запісаць вакальную партыю да яго кампазыцыі «Groovejet». Песьня атрымала назву «If This Ain’t Love…» («Калі гэта не каханьне…») і патрапіла на першыя месцы ў шматлікіх гіт-парадах, у тым ліку адразу на першае месца ў Вялікабрытаніі.

У 2001 годзе дэбютны альбом Эліс-Бэкстар «Read My Lips» («Чытай па маіх вуснах») дасягнуў другой пазыцыі ў сьпісе найбольш папулярных у Вялікабрытаніі альбомаў. Гэтай жа вышыні дасягнулі дзьве песьні з альбому: вэрсія песьні Шэр «Take Me Home» («Забяры мяне дамоў») і «Murder on the Dancefloor» («Забойства на танцавальнай пляцоўцы»). Апошняя песьня стала найбольш пасьпяховай у кар’еры сьпявачкі: кампазыцыя заставалася ў сьпісе Топ-40 на працягу 23 тыдняў і стала самай прайграванай песьняй у Эўропе ў 2002 годзе[11].

Другі студыйны альбом сьпявачкі «Shoot from the Hip» выйшаў у 2003 годзе і быў менш пасьпяховым за дэбютны. Дзьве кампазыцыі зь яго — «Mixed Up World» («Складаны сьвет») і «I Won’t Change You» («Я ня буду зьмяняць цябе») — дасягнулі ў сьпісе папулярных песень Вялікабрытаніі адпаведна 6 і 9 месцы.

Трэці альбом сьпявачкі «Trip the Light Fantastic» (2007) стаў залатым: было прададзена больш за 100 тысячаў яго асобнікаў.

У верасьні 2007 году Эліс-Бэкстар прадстаўляла Вялікабрытанію на Сопацкім музычным фэстывалі (Польшча).

У 2013 годзе ўзяла ўдзел у 11-м сэзоне тэлевізыйнага танцавальнага шоў «Strictly Come Dancing» на брытанскім канале «BBC One», дзе выступала разам з прафэсійным танцорам Брэнданам Коўлам.[12] [13] [14] [15] [16] [17] [18] [19] [20]

 
2007 год

Канцэрты і выступы ў Беларусі

рэдагаваць

Дыскаграфія (сольныя студыйныя альбомы)

рэдагаваць
Год выданьня Альбом Прафэсійны рэйтынг AllMusic
2001 Read My Lips («Чытай па маіх вуснах») [25]      
2003 Shoot from the Hip (шматзначны сэнс: «Страляй ад сьцягна» ці «Здымак ад сьцягна») [26]      
2007 Trip the Light Fantastic («Падарожжа на Вар’яцкую зорку», алюзія на раман Тэры Прачэта, на слэнгу назва альбома азначае «танцаваць», «запальваць») [27]      
2011 Make a Scene (шматзначны сэнс: «Учыні сцэну» ці «Стань заўважным») [28]      
2014 Wanderlust («Прага падарожжаў», у адзабленьні назвы альбому выкарыстаны асобныя кірылічныя літары, а ў музыцы шэрагу песень альбому адчувальны ўплыў усходнеэўрапэйскае музычнае традыцыі)[29]      
2016 Familia («Сям’я»; як і папярэдні, гэты альбом мае адметную рэгіянальную накіраванасьць, але гэтым разам — лацінаамэрыканскую)[30]      
2019 The Song Diaries (Orchestral Greatest Hits) («Песенныя дзёньнікі (Найвялікшыя хіты з аркэстрам)»; першы афіцыйны зборнік найлепшых песень сьпявачкі)[31][32]      
2020 Songs from the Kitchen Disco: Sophie Ellis-Bextor’s Greatest Hits («Песьні з кухоннае дыскатэкі: найвялікшыя хіты Софі-Эліс Бэкстар»; другі зборнік найлепшых песень сьпявачкі)[33]      

Найбольш вядомыя песьні

рэдагаваць
  • 2000 — «Groovejet (If This Ain’t Love…)» («Файна (Калі гэта не каханьне…)»)[34]
  • 2001 — «Take Me Home» («Забяры мяне дамоў») [35]
  • 2001 — «Murder on the Dancefloor» («Забойства на танцавальнай пляцоўцы»)[36]
  • 2003 — «Mixed Up World» («Складаны сьвет»)[37]
  • 2003 — «I Won’t Change You» («Я не буду зьмяняць цябе»)[38]
  • 2007 — «Catch You» («Схапіць цябе»)[39]
  • 2007 — «Me and My Imagination» («Я і мая фантазія»)[40]
  • 2007 — «Today the Sun’s on Us» («Сёньня сонца сьвеціць нам»)[41]
  • 2009 — «Heartbreak (Make Me a Dancer)» («Няшчасьце (Зрабі мяне танцоркай)»)[42]
  • 2010 — «Can’t Fight This Feeling» («Не магу змагацца з гэтым пачуцьцём»)[43]
  • 2010 — «Bittersweet» («Горка-салодкі»)[44]
  • 2010 — «Not Giving Up on Love» («Не адмаўляюся ад каханьня»)[45]
  • 2013 — «Young Blood» («Маладая кроў»)[46]
  • 2014 — «Runaway Dreamer» («Летуценьнік-уцякач»)[47]
  • 2014 — «Love Is a Camera» («Любоў гэта фотаапарат»)[48]
  • 2014 — «The Deer and the Wolf» («Алень і воўк»)[49]

Музычны гурт

рэдагаваць
  • Клявішныя: Кіран Джэрэмія (Ciaran Jeremiah)
  • Гітара: Сэтан Донт (Seton Daunt)
  • Бас-гітара: Рычард Джоўнз (Richard Jones)
  • Барабаны: Філ Уілкінсан (Phil Wilkinson)
  • Бэк-вакал і скрыпка: Гіта Лэнглі (Gita Langley) і Кэт Паркер (Cat Parker)

Крыніцы

рэдагаваць
  1. ^ Deutsche Nationalbibliothek Record #130202797 // Gemeinsame Normdatei (ням.) — 2012—2016.
  2. ^ Sophie Ellis-Bextor // Discogs (анг.) — 2000.
  3. ^ 11 really famous people you probably didn’t realise are from Hounslow - MyLondon — 2018.
  4. ^ Sophie Ellis-Bextor talks music and motherhood - Essential Surrey & SW London
  5. ^ Showbusiness Award
  6. ^ The Edison Music Awards
  7. ^ Софі Эліс-Бэкстар: я хачу, каб мае дзеці вырасьлі палітычна сьвядомымі(недаступная спасылка)
  8. ^ Праграма зелянейшых школаў Софі Эліс-Бэкстар
  9. ^ Софі Эліс-Бэкстар дае старт кампаніі ‘Lights Out London’(недаступная спасылка)
  10. ^ «Мех гэта сьмерць», — кажа Софі Эліс-Бэкстар
  11. ^ Murder On The Dancefloor, World Charts
  12. ^ Вальс у выкананьні Софі Эліс-Бэкстар і Брэндана Коўла BBC Strictly Come Dancing Праверана 16 красавіка 2021 г.
  13. ^ Джайв у выкананьні Софі Эліс-Бэкстар і Брэндана Коўла BBC Strictly Come Dancing Праверана 16 красавіка 2021 г.
  14. ^ Факстрот у выкананьні Софі Эліс-Бэкстар і Брэндана Коўла BBC Strictly Come Dancing Праверана 16 красавіка 2021 г.
  15. ^ Румба ў выкананьні Софі Эліс-Бэкстар і Брэндана Коўла BBC Strictly Come Dancing Праверана 16 красавіка 2021 г.
  16. ^ Венскі вальс у выкананьні Софі Эліс-Бэкстар і Брэндана Коўла BBC Strictly Come Dancing Праверана 16 красавіка 2021 г.
  17. ^ Танга ў выкананьні Софі Эліс-Бэкстар і Брэндана Коўла BBC Strictly Come Dancing Праверана 16 красавіка 2021 г.
  18. ^ Пасадобль у выкананьні Софі Эліс-Бэкстар і Брэндана Коўла пад музыку Пракоф'ева BBC Strictly Come Dancing Праверана 16 красавіка 2021 г.
  19. ^ Самба ў выкананьні Софі Эліс-Бэкстар і Брэндана Коўла BBC Strictly Come Dancing Праверана 16 красавіка 2021 г.
  20. ^ Фінальны адвольны танец (Showdance) у выкананьні Софі Эліс-Бэкстар і Брэндана Коўла BBC Strictly Come Dancing Праверана 16 красавіка 2021 г.
  21. ^ Софі Эліс-Бэкстар «закахалася» ў беларускія бліны БЕЛТА
  22. ^ Харызматычная брытанка Софі Эліс-Бэкстар дала першы канцэрт у Менску Onliner
  23. ^ Фотасправаздача Сьвятланы Ярашук з канцэрту Софі Эліс-Бэкстар Relax.by
  24. ^ A-Fest: мазгабойня, ветлівая міліцыя і цяжарная Софі Эліс-Бэкстар КП ў Беларусі
  25. ^ Рэцэнзія на альбом на Allmusic.com Праверана 31 кастрычніка 2011 г.
  26. ^ Рэцэнзія на альбом на Allmusic.com Праверана 31 кастрычніка 2011 г.
  27. ^ Рэцэнзія на альбом на Allmusic.com Праверана 31 кастрычніка 2011 г.
  28. ^ Рэцэнзія на альбом на Allmusic.com Праверана 31 кастрычніка 2011 г.
  29. ^ Старонка альбому на Allmusic.com Праверана 4 лістапада 2013 г.
  30. ^ Старонка альбому на Allmusic.com Праверана 2 верасьня 2016 г.
  31. ^ Sophie Ellis-Bextor: Orchestral Greatest Hits Праверана 22 ліпеня 2018 г.
  32. ^ Sophie Ellis-Bextor: Orchestral Greatest Hits AllMusic Праверана 20 лістапада 2022 г.
  33. ^ Songs From the Kitchen Disco: Sophie Ellis-Bextor's Greatest Hits AllMusic Праверана 20 лістапада 2022 г.
  34. ^ YouTube
  35. ^ YouTube
  36. ^ YouTube
  37. ^ YouTube
  38. ^ YouTube
  39. ^ YouTube
  40. ^ YouTube
  41. ^ YouTube
  42. ^ YouTube
  43. ^ YouTube
  44. ^ YouTube
  45. ^ YouTube
  46. ^ YouTube
  47. ^ YouTube
  48. ^ YouTube
  49. ^ YouTube

Вонкавыя спасылкі

рэдагаваць

Інтэрвію

рэдагаваць
Атрымана з «https://be-tarask.wikipedia.org/w/index.php?title=Софі_Эліс-Бэкстар&oldid=2500307»