Ска́нсэн (па-швэдзку: Skansen) — этнаграфічны музэй на вольным паветры ў сталіцы Швэцыі Стакгольме, разьмешчаны на высьпе Юргордэн. Заснаваны 11 кастрычніка 1891 году Артурам Гасэліюсам. Паводле стану на 2014 год у музэі налічвалася каля 140 будынкаў з усёй Скандынавіі, найстарэйшы зь якіх — Ваствэйтлёфтэт — датуецца XIV стагодзьдзем. Колькасьць наведвальнікаў у 2015 годзе склала 1 377 120 чалавек[1].

Скансэн
Skansen
Галоўны ўваход у Скансэн
Выява лягатыпу
Месцазнаходжаньне СтакгольмШвэцыя
Наведнікаў
  • 1 300 000 чал.
Створаны 11 кастрычніка 1891
Адкрыты 11 лістапада 1891
Заснавальнік Артур Хазеліус[d]
Дырэктар Ён Братмюр
Геаграфічныя каардынаты 59°19′27″ пн. ш. 18°6′7″ у. д. / 59.32417° пн. ш. 18.10194° у. д. / 59.32417; 18.10194Каардынаты: 59°19′27″ пн. ш. 18°6′7″ у. д. / 59.32417° пн. ш. 18.10194° у. д. / 59.32417; 18.10194
Скансэн на мапе Швэцыі
Скансэн
Скансэн
Скансэн
Афіцыйны сайт

Назва рэдагаваць

Назва паходзіць ад шанцу (па-швэдзку: Skans), які кароль Карл XIV Юган узьвёў як месца для гульняў для свайго сына Оскара.

Гісторыя рэдагаваць

Будучы заснавальнік Скансэну Артур Гасэліюс быў вельмі занепакоены тым, што народная культура можа быць страчана. У 1872 годзе ён ажыцьцявіў экспэдыцыю, зь якой прывёз розныя экспанаты, а таксама літаратуру й сабраныя народныя легенды. У Стакгольме ён зладзіў выставу, прысьвечаную вынікам сваёй экспэдыцыі і падараваў экспанаты дзяржаве, а ў 1880 годзе заснаваў Музэй Паўночных краінаў.

Наступным крокам Гасэліюса стала зьбіраньне ў адным месцы старых будынкаў з мэтай іх захаваньня — гэта й стала Скансэнам, які аднак да 1963 году быў часткай Музэю Паўночных краінаў. Музэй адкрыўся 11 кастрычніка 1891 году, стаўшы першым у сьвеце Этнаграфічным музэем на вольным паветры. Тады ў ім ужо знаходзіліся наступныя будынкі: хата з Муры, хата з Урсы (абедзьве з Далярны), дзьве хаты з Блекінге і саамскі шалаш[2].

Цяпер музэй мае наступныя аддзелы: прыродна-гістарычны, заалягічны, Цівалі, Аддзел сялянскіх будынкаў і Гарадзкі квартал XIX-га стагодзьдзя. Штогод на Раство ладзіцца кірмаш, а таксама шырока сьвяткуюцца буйныя нацыянальныя фэсты.

Галерэя рэдагаваць

Крыніцы рэдагаваць

  1. ^ Landets museer lockar fler besökare (швэд.)
  2. ^ Trädgårdar på Skansen, Fataburen 1987

Вонкавыя спасылкі рэдагаваць

  Скансэнсховішча мультымэдыйных матэрыялаў