Саранідзкі султанат

	Саранідзкі султанат
	Герб
	Саранідзкі султанат знаходзіцца на поўдні Кальрадыі
Сталіца	Шарыз
Форма кіраваньня султан	манархія; Гакім
Этнічны склад	сараніды
Валюта	дынар

Сарані́дзкі султана́т (па-ангельску: Sarranid Sultanate) — выдуманая сярэднявечная краіна з сэрыі гульняў «Mount & Blade». Дзяржава знаходзіцца на поўдні Кальрадыі. Землі саранідаў досыць сухія, цалкам пакрытыя пустэльнямі, але багатыя. Султанам зьяўляецца Гакім (па-ангельску: Sultan Hakim), а прэтэндэнтам на саранідзкі прастол— Арва Пэрловая (па-ангельску: Arwa the Pearled One). Сталіца гаспадарства — Шарыз (па-ангельску: Shariz).

Гісторыя

Сараніды зьяўляюцца прамымі нашчадкамі азэраяў.

Да падзеяў Warband Саранідамі кіраваў султан Айзар (па-ангельску: Sultan Ayzar). Айзар набыў рабыню, Арву Пэрловую, якая пазьней закахалася ў яго настолькі, што Айзар у канчатковым скутку дазволіў ёй кіраваць сваёй дзяржавай і практычна прыняў яе як сваю дачку. Пасьля сьмерці Айзара Арве было дазволена кіраваць краінай пры ўмове, што яна ажаніцца з ґенэралам султанату, Эміра Байбака (па-ангельску: Emir Baybak), і яны кіравалі разам яшчэ дзесяць гадоў. Аднак пасьля таго, як Байбак быў забіты ў сутычцы з Херґіцкім ханствам (верагодна, пад уладай Янакірхана ў той момант). Яго пляменьнік, Гакім, зрабіў дзяржаўны пераварот супраць Арвы, тлумачачы гэта тым, што яна зачаравала былога султана й ягонага дзядзьку.

Сымбалі

Нацыянальная жывёла саранідаў — арол, які знаходзіцца на іхным гербе.

Паселішчы

Саранідзкі султанат мае 4 месты, 8 замкаў і 20 вёсак.

Характарыстыка

Перавагі

Добрае спалучэньне рыштунку жаўнераў: яны маюць кідальную зброі ды зброю блізкага бою, а гэтаксама маюць добры ўзровень атлетыкі.
Дужая цяжкая кавалерыя, якая можа супернічаць з рыцарамі Свадыі.

Слабасьці

Пяхота лёгка разьбіваецца ў прамых баях.
Лучнікі на далёкай адлегласьці саступаюць лучнікам іншых фракцыяў.

Жаўнерства

Дрэва разьвіцьця саранідзкага жаўнера
1	Саранідзкі рэкрут (Sarranid Recruit)
2	Саранідзкі апалчэнец (Sarranid Footman)
3	Саранідзкі застрэльнік (Sarranid Skirmisher)	Саранідзкі жаўнер(Sarranid Veteran Footman)
4	Саранідзкі лучнік (Sarranid Archer)	Саранідзкі ваяр (Sarranid Infantry)	Саранідзкі вершнік (Sarranid Horseman)
5	Саранідзкі майстар-лучнік (Sarranid Master Archer)	Саранідзкі вартаўнік (Sarranid Guard)	Саранідзкі рыцар (Sarranid Mamluke)

Прататып

Саранідзкі султанат зроблены на ўзор арабскіх краінаў сярэднявечча. Пра гэтае сьведчаць:

У Warband лорды гаспадарства маюць тытул «эмір».
Вонкавая падобнасьць зброяй ды дасьпехамі.

Вонкавыя спасылкі

Пра Саранідзкі султанат па-ангельску
Пра Саранідзкі султанат па-расейску